Для таго, каб у сусветнай грамадскасці з'явілася разуменне рэальнай ролі Лукашэнкі, НАУ праводзіць актыўную інфармацыйную працу з замежнымі медыямі. Сусветная грамадскасць павінна ведаць ролю Лукашэнкі Павел Латушка даў інтэрв'ю паўднёвакарэйскаму рэсурсу «MoneyS», польскаму выданню «Gazeta Polska» і буйному нідэрландскаму медыя «NOS» У інтэрв'ю «MoneyS» Павел Латушка распавёў аб леташнім міграцыйным крызісе на межах Беларусі з краінамі ЕС. У гутарцы з журналістам партала кіраўнік НАУ зазначыў: канкрэтны план эскалацыі распрацаваў Лукашэнка. Асноўнай яе мэтай была рэалізацыя плана Пуціна — справакаваць Польшчу на ўзброены канфлікт з беларускімі памежнікамі або прымусіць НАТА перагледзець сваю палітыку на карысць Масквы. Для гэтых мэт Беларусь прыцягнула былых вайскоўцаў з Ірака, Аўганістана і шэрагу афрыканскіх краін і рыхтавала іх у рэгіянальным навучальным цэнтры «Відзішкі». Пад выглядам бежанцаў найміты ўдзельнічалі ў сутычках, пасля якіх прапаганда аб'явіла аб «генацыдзе мігрантаў» палякамі. Іншыя тэзісы інтэрв'ю Паўла Латушкі MoneyS: — Зацвярджэння СМІ аб першай бамбардзіроўцы Украіны з Беларусі 25-га лютага памылкова. Першая ракета запушчана з тэрыторыі Беларусі па Украіне 23 лютага ў 23.00 па менскім часе. Гэта ж пацвердзіў і сам Лукашэнка на паседжанні Рады Нацбяспекі; — адна з важных задач Беларусі ў вайне — падтрымліваць напружанне на мяжы з Украінай, каб у ВСУ не было магчымасці перадыслакаваць войскі з паўночнага напрамкі на Данбас; — Украіна павінна перамагчы на сваіх умовах. Тэрытарыяльны кампраміс на карысць Масквы скончыцца ўварваннем у ЕС. Першымі ахвярамі такой палітыкі стануць Польшча, Латвія і Літва. Згаданую вышэй тэму міграцыйнага крызісу Павел Латушка закрануў і ў гутарцы з грамадска-палітычным выданнем «Gazeta Polska». На пытанне, ці гатовы рэжым Лукашэнкі пайсці на новую эскалацыю гэтай восенню, кіраўнік НАУ пацвердзіў: такая верагоднасць ёсць, і маштабы могуць быць больш сур'ёзнымі. «Нашыя крыніцы паведамляюць, што Менск распрацаваў план канфлікту на мяжы з Польшчай з магчымым ужываннем зброі. Без перасячэння мяжы, вядома, таму што Лукашэнка не адважыцца ўвайсці на тэрыторыю НАТА. Гэта будзе зроблена ў якасці помсты за дапамогу Польшчы Украіне, а таксама для таго, каб паказаць расейскай і беларускай грамадскасці: вайна ідзе не з Украінай, а з НАТА ў цэлым», — адзначыў Павел Латушка. Іншыя тэзісы інтэрв'ю Gazeta Polska: — рэжым і ягоная прапаганда працягваюць паслядоўна фармаваць і ўзмацняць вобраз Польшчы як агрэсара і ворага беларускай нацыі; — знішчэнне магіл салдат Арміі Краёвай — гнусны, варварскі, але лагічны працяг гэтай інфармацыйнай тактыкі нараўне са справай Эміля Чачко і абвінавачваннямі ў «пакараннях мігрантаў» на мяжы, затрыманнем Анджэя Пачобута і прыгнётамі польскіх школ; — нядаўна Лукашэнка правёў закрытую нараду па пытаннях стварэння максімальна недружалюбных умоў працы для заходніх дыпламатаў, пасольстваў і консульстваў; — акрамя палітыка-ідэалагічных, у гэтых дзеянняў ёсць і практычныя мэты: запаволіць выдачу віз і адток беларусаў на Захад, стварыць падставу для арышту замежных актываў, банальна адпомсціць за падтрымку беларускіх дэмакратычных сіл; Журналісты NOS (Нідэрландскага тэлерадыёвяшчальнага аб'яднання) падрыхтавалі вялікі матэрыял аб ролі беларускага рэжыму ва ўкраінскай вайне. У сваім каментары NOS Павел Латушка распавёў пра кампанію НАУ #PunishPutinsPuppet і падкрэсліў: пра адказнасць Лукашэнкі за тое, што адбываецца ва Украіне, кажуць недастаткова. У якасці аднаго з апраўданняў саўдзелу ў вайне Лукашэнка выкарыстоўвае хлуслівы наратыў аб рызыцы замахаў на тэрыторыю Беларусі з боку не толькі Польшчы і Літвы, але і Украіны. У выпадку прамога ўступлення ў вайну беларускія салдаты апынуцца перад выбарам: быць забітымі ва Украіне ці рызыкаваць бяспекай ва ўласнай краіне. Гэта скончыцца байкотам загадаў і масавымі пратэстамі ў войсках, якія рызыкуюць стаць для Лукашэнкі апошнімі.

Ці гатовы мы адмовіцца ад дэмакратыі? Павел Латушка пра Кангрэс беларусаў На нашых вачах Беларусь праходзіць адзін з найважнейшых гістарычных перыядаў. Фактычна пад пагрозу пастаўлена існаванне нашай дзяржаўнасці. Вызначаецца цывілізацыйны шлях далейшага развіцця беларускай нацыі і дзяржавы. Зыходзячы з вышэйпададзенага камандай Народнага антыкрызіснага ўпраўлення раней было прапанавана правядзенне Кангрэса беларусаў, на якім неабходна абмеркаваць і прыняць стратэгічныя рашэнні для абароны дзяржаўнасці і далейшага развіцця незалежнай Беларусі. Зыходзячы з базавых прынцыпаў дэмакратыі ўяўляецца прынцыпова важным, каб пры падрыхтоўцы і правядзенні Кангрэса былі выкананы адкрытыя і дэмакратычныя працэдуры, сярод якіх неабходна вылучыць наступныя: 1. У Кангрэсе павінны прыняць удзел абраныя дэлегаты, якія прадстаўляюць беларускае грамадства. Усе іншыя формы не дазваляюць Кангрэсу мець прадстаўнічыя функцыі. 2. Парадак Кангрэса павінен папярэдне прайсці максімальна шырокае і публічнае абмеркаванне і быць вызначаны шляхам рэйтынгавага галасавання. 3. Для забеспячэння максімальнага прадстаўніцтва важна было б прадугледзець магчымасць удзелу ў Кангрэсе каля 1000 дэлегатаў. 4. Кангрэс павінен быць скліканы ў мэтах рэальнага аб'яднання грамадзянаў Беларусі для абароны беларускай дзяржаўнасці. 5. Рашэнні на Кангрэсе павінны прымацца прынцыпам атрымання адабрэння большасці дэлегатаў. Для склікання Кангрэса мяркуем важным сфармаваць арганізацыйны камітэт, у які прапануецца ўключыць прадстаўнікоў палітычных і грамадзянскіх ініцыятыў. Рашэнне аб стварэнні аргкамітэта можа прыняць Каардынацыйную Раду. Як грамадзянін Беларусі прапаную ўключыць у парадак дня Кангрэса наступныя пытанні: 1. Стварэнне Нацыянальна-вызваленчага руху Беларусі. 2. Фарміраванне Нацыянальнага органа ўлады Беларусі. Гатовы як палітык прайсці працэдуру абрання ў якасці кандыдата ў дэлегаты Кангрэса. У мэтах надзялення Кангрэса функцыямі прадстаўнічага органа, максімальнага ўліку меркавання беларускага грамадства мы прапануем правядзенне Кангрэса на вышэйзгаданых прынцыпах.

17 ліпеня 2022 года Народнае антыкрызіснае ўпраўленне прэзентуе новую беларускую прастору ў цэнтры Варшавы (Музей Вольнай Беларусі). З нагоды Дзён беларускай культуры музей адчыняе свае дзверы для таленавітых беларускіх творцаў - мастакоў, акцёраў, музыкантаў. Запрашаем на цэнтральную падзею дня — адкрыццё выставы мастака Ігара Цішына «Дом, у якiм разлятаюцца сцены. Памiж двума імгненнямі». Пачатак: а 15-й гадзіне. Адрас: ul. Foksal, 11 Warszawa (google map). Уваход: вольны (donations вітаюцца). Праграма Асноўныя пляцоўкі (першы ўнутраны дворык, галерэя): 14:30 выступ Варшаўскага Вольнага аркестра 15:00 УРАЧЫСТАЕ АДКРЫЦЦЁ ПРАСТОРЫ адкрыццё выставы мастака Ігара Цішына «Дом, у якiм разлятаюцца сцены. Памiж двума імгненнямі» 16:00 творчая размова з Купалаўцамі (акцёры Алег Гарбуз і Сяргей Чуб) 16:30−17:30 мастацкае чытка п’есы «How are you?"(аўтар Віталь Карабань, рэжысёр Андрэй Новік, беларуская вечарына ад Школы беларускай традыцыйнай культуры ў Варшаве муз. афармленне Дар’я Новік, чытаюць акцёры «TEAM THEATRE») 19:00 канцэрт гурта 23:34 19:30 акустычны канцэрт Уладзіміра Пугача (J:MORS) 20:00 паказ фільмаў ад арт-праекта «Revolution» Другая пляцоўка (унутраны дворык, прастора «Схрон»): з 16:00: чытка п’есы Касі Чэкатоўскай «Гаргоны"(рэжысёрка Яўгенія Давідзенка; чытаюць Яўгенія Давідзенка, Паліна Дабравольская; музыка Стас Чахоўскі) кірмаш беларускіх майстроў актыўнасці для дзяцей і дарослых 18:00 беларуская вечарына ад Школы беларускай традыцыйнай культуры Дадаткова чакаем: з 11:00 па 14:30 на майстар-класах для дзяцей і дарослых (галерэя) з 11:00 па 18:00 на прэзентацыі і кірмашу беларускіх кніжных навінак ад Фонду Kamunikat.org (галерэя) Вы можаце далучыцца да стварэння Музея Вольнай Беларусі — перадайце ў яго фонд прадмет, звязаны з вашай асабістай гісторыяй удзелу ў беларускім пратэсце (працуем у памяшканні галерэі на працягу дня) Помещение используются благодаря поддержке района Средместье города Варшавы

Парадак атрымання ў Польшчы Улады Польшчы пачалі выдаваць беларусам гуманітарныя віды на жыхарства. Таксама запушчана працэдура выдачы гуманітарных віз на тэрыторыі Польшчы (раней атрымаць можна было толькі за мяжой). Абодва дакументы даступныя для ўсіх беларусаў, якія маюць патрэбу ў гуманітарнай абароне, у тым ліку тых, хто прыехаў у Польшчу да вайны. Мы сабралі асноўную інфармацыю аб іх дзеянні і парадку атрымання. Гуманітарныя візы: Пункты прыёму дакументаў і тэрміны: З 1 жніўня — у Варшаве. З верасня — у Беластоку, Любліне і Познані. Хто можа прэтэндаваць: тыя, хто прыбыў з Украіны пасля 24 лютага (да гэтага легальна знаходзіліся на тэрыторыі Украіны); ужо мае гуманітарныя польскія візы і знаходзіцца ў Польшчы; не можа вярнуцца ў Беларусь з-за пагроз пераследу Асаблівасці дакумента: тэрмін дзеяння — 1 год; доступ да рынку працы; няма пошліны за разгляд дакументаў Гуманітарныя віды на жыхарства («Карты побыту»): Старт прыёму дакументаў: 9 ліпеня 2022 г. Прымаюць дакументы: ваявода па месцы жыхарства; аддзелы па справах іншаземцаў (Мазавецкае, Малапольскае і Вялікапольскае ваяводствы); аддзелы па грамадзянскіх справах і справах замежнікаў (усе астатнія ваяводствы) Варта ўлічыць, што ў кожным ваяводстве і ведамстве свой расклад і тэрміны разгляду дакументаў. Хто можа прэтэндаваць: тыя, хто знаходзіцца ў Польшчы без дакумэнтаў; знаходзіцца ў краіне на падставе гуманітарнай візы (D21); знаходзіцца на падставе візы (дзейнічае або прадоўжана з-за эпідэміялагічнага стану); не можа вярнуцца ў Беларусь з-за пагроз пераследу Гуманітарны ВНЖ. Асаблівасці дакумента: тэрмін дзеяння — 3 гады; доступ да рынку працы; няма пошліны за разгляд дакументаў і выдачу карты побыту; з 1 студзеня 2023 г.: магчымасць запытаць польскі міжнародны праязны дакумент для выезду ў іншыя краіны (на выпадак заканчэння тэрміну пашпарта і немагчымасці атрымання новага); забаронены выезд у Беларусь. Парушэнне гэтага патрабавання пагражае адмовай ва ўездзе ў ЕС у далейшым.

Адна з самых яркіх і вядомых удзельніц беларускіх маршаў 2020 года — «бчб-нявеста» — Іна Зайцава завітала да каманды Народнага антыкрызіснага ўпраўлення з каштоўным падарункам. У фонд Музея Вольнай Беларусі Іна перадала бела-чырвона-белае вясельнае плацце, у якім удзельнічала ў пратэстах, натхняючы беларусаў, і з-за якога за ёй спецыяльна сачылі беларускія сілавікі. Як расказвае сама ўладальніца прадмета, гэтае плацце — другое па ліку, мэтанакіравана набытае для маршаў, каб зрабіць «свой голас грамчэй». Першае бчб-плацце ў якасці рэчавага доказу было канфіскавана падчас затрымання Іны ў Гродна, куды яна прыехала з Мінску падтрымаць бастуючых рабочых «Гродна Азот». Нягледзячы на пратаколы, штрафы, затрыманні і арышты, смела прадэманстраваная рэжыму пазіцыя нашай гераіні і соцен тысяч іншых беларусак упісана ў агульную гісторыю беларускага пратэсту. Народнае антыкрызіснае ўпраўленне выказвае шчырую падзяку Іне Зайцавай, а таксама дзякуе ўсім, хто перадае прадметы музейнага значэння, іх лічбавыя копіі ў фонд Музея Вольнай Беларусі. Нагадваем, што ў сувязі з атрыманнем намі музейнага памяшкання мы актывізуем дзейнасць па зборы прадметаў, звязаных з пратэстным рухам у Беларусі ў 2020 годзе і па сённяшні дзень, а таксама яго шматгадовай прадгісторыяй. Ваша інфармацыя і кантакты, дасланыя праз чат-бот @NAUsupport, пры жаданні, застануцца ананімнымі. Разам мы захаваем нашу гісторыю.

Арцём Праскаловіч аб пазбаўленні грамадзянства Юрыст НАУ даў каментар «Маланцы», у якім патлумачыў, чаму новая скандальная ініцыятыва ўлады незаконная. Асноўныя тэзы: нават свежапрынятая Лукашэнкам і пад Лукашэнкам Канстытуцыя прама забараняе прымусовае пазбаўленне грамадзянства, атрыманага па нараджэнні; пазбаўленне грамадзянства магчыма толькі ў выпадку паступлення на ваенную або дзяржслужбу ў іншай краіне; ідэя пазбаўляць грамадзянства не больш легітымная, чым «завочныя суды» або пакаранне за «замах» на тэракт. З юрыдычнага пункту гледжання гэтыя ініцыятывы — не больш чым прапагандысцкія хітрыкі; пастанова аб пазбаўленні грамадзянства беларуса за мяжой дае падставы звярнуцца па статус бежанца або асобы без грамадзянства ў краіне знаходжання; усе заканадаўчыя ініцыятывы, прынятыя пасля 2020 года, патрабуюць перагляду. Самыя неадэкватныя — неадкладнай адмены.

Народнае антыкрызіснае ўпраўленне ў сакавіку 2022 года ініцыявала кампанію па прыпыненні дзейнасці замежных кампаній і пастаўшчыкоў паслуг у Беларусі і ўзмацненні эканамічнага ціску на рэжым Лукашэнкі https://youtu.be/j6Xfjj_APZI З пачаткам вайны Народнае Антыкрызіснае кіраванне пачало працу, накіраваную на інфармаванне заходніх кампаній пра ролю Лукашэнкі як саагрэсара ў дачыненні да Украіны — з мэтай прыпынення дзейнасці такіх прадпрыемстваў на тэрыторыі Беларусі. Рэжым не павінен атрымліваць ні цэнта на вайну з брацкім украінскім народам. Мы падрыхтавалі і накіравалі звароты ў кампаніі, якія спынілі бізнэс у Расеі, але якія прадаўжаюць працаваць у нашай краіне, з патрабаваннем аб неабходнасці прыпынення супрацоўніцтва з рэжымам Лукашэнкі, які ўзурпаваў уладу. 149 заходніх кампаній прыпынілі сваю дзейнасць у Беларусі праз саўдзел рэжыму ў агрэсіі. Каманда НАУ вядзе шматбаковую дыпламатычную працу і праводзіць маштабную інфармацыйную кампанію, каб дамагчыся ўвядзення ў дачыненні да беларускага рэжыму максімальна жорсткіх санкцый, аналагічных прынятым у дачыненні да Расеі. Наша мэта — ліквідацыя «беларускага афшора» і пазбаўленне рэжымаў Пуціна і Лукашэнкі рэсурсаў для працягу вайны і акупацыі Беларусі. Мы працягваем заклікаць кіраўніцтва кампаній, якія ўжо адмовіліся ад прысутнасці на расейскім рынку і спынілі фінансаванне пуцінскага рэжыму — распачаць аналагічную меру ў дачыненні да беларускага рынку і спыніць фінансаванне рэжыму Лукашэнкі. Калі вы з’яўляецеся прадстаўніком арганізацыі або структуры, якая прадстаўляе беларускія дэмсілы ці ваша дзейнасць звязана з процідзеяннем рэжымам Лукашэнкі, Пуціна і развязанай імі ваеннай агрэсіі ў дачыненні да Украіны — вы можаце далучыцца да нашай кампаніі і выкарыстаць ўзор нашага ліста. Кантакты кампаній Артыкулы па гэтай тэме Лукашэнка абавязаны забяспечыць транзіт украінскага збожжа Эканамічныя санкцыі супраць агрэсараў Беларусы пад санкцыямі ці ўкраінцы пад бомбамі. Каму горш? 149 заходніх кампаній прыпынілі сваю дзейнасць у Беларусі з прычыны саўдзелу рэжыму ў агрэсіі Лукашэнка — ваенны агрэсар-невідзімка? Захаду час узгадаць пра Лукашэнку МЗС Вялікабрытаніі адказаў на зварот НАУ «Ні цэнта на вайну!» Нельга весці бізнэс у краінах-агрэсарах Паклічце замежныя кампаніі спыніць фінансаваць вайну Сустрэча з дэпутатам Еўрапарламента Радаславам Сікорскім 70% беларускага экспарту ў ЕС пад санкцыямі Супраціў беларусаў і санкцыі ЕС супраць рэжыму Лукашэнкі прывядуць да сыходу дыктатара і пачатку новай эпохі стварэння ў Беларусі Канец замежным інвестыцыям Лукашэнка — агрэсар і зарабляе на вайне Сустрэчы з дыпламатамі і дэпутатамі ЕС Bosch спынілі пастаўкі сваёй прадукцыі ў Беларусь Палітычная халатнасць Захаду Ні цэнта на вайну з Украінай!

Каманда НАУ прыняла ўдзел у дыскусіі, якая прайшла па ініцыятыве Міжнароднага Камітэта супраць катаванняў на платформе Беларускага Моладзевага Хаба ў Варшаве. Дыскусія з дакументатарам і пацярпелым прайшла ў рамках Тыдня супраць катаванняў. Распавесці сваю гісторыю пацярпеламу бывае вельмі цяжка — чалавек паўторна перажывае траўматычны вопыт. Цi варта перасільваць сябе і гаварыць аб перажытым вопыце публічна? Вядома, гэта залежыць толькі ад жадання, унутранага стану і асабістых абставінаў самога пацярпелага. Аднак прыцягваць увагу да праблемы безумоўна неабходна. Анжаліка Мельнікава, каардынатар праектаў НАУ: «Збор доказаў і дакументаванне — гэта вельмі важная праца, якую скрупулёзна і з вялікай адказнасцю вядуць праваабаронцы. Гэта тое, што стане доказнай базай для будучых справядлівых судовых разглядаў. Аднак мы перакананыя, што дэмакратычнае грамадства і праваабарончыя арганізацыі павінны сёння не проста казаць аб праблеме, а біць трывогу — як гэта было ў 2020, бо катаванні і здзекі з палітвязняў не спыняюцца ў Беларусі і па гэты дзень. Шчыра кажучы, пакуль ні адна заява пацярпелага не была даведзена да разгляду такім чынам, каб гэта прынесла адчувальны вынік, і злачынец панёс пакаранне. Будзем сумленныя, прыцягнуць у поўнай меры да крымінальнай адказнасці тых, хто ўжываў катаванні або аддаваў злачынныя загады, пакуль уладу ўтрымлівае рэжым — немагчыма. Аднак мы можам і абавязаныя паспрабаваць праверыць на практыцы, як працуе механізм універсальнай юрысдыкцыі ў краінах, якія падпісалі ў свой час канвенцыю супраць катаванняў. Праца ў гэтым кірунку дасць нам шанец як мінімум абвясціць злачынцаў, якія замаралі рукі ў крыві беларусаў, у міжнародны вышук, і прымусіць адчуваць непазбежнасць пакарання». У рамках Тыдня супраць катаванняў нашай камандай быў арганізаваны круглы стол, на якім сумесна з польскімі адвакатамі ў працоўным парадку абмяркоўваліся канкрэтныя крокі па фарсіраванні разгляду заяў беларусаў у Польшчы. Акрамя таго, юрысты каманды НАУ выступілі ў якасці экспертаў у спецыяльным стрыме «Маланка медыя». На гэтым тыдні мы таксама працавалі наўпрост з пацярпелымі, юрыстамі і следчымі, якія знаходзяцца ў Літве, Швейцарыі, Нарвегіі і Вялікабрытаніі. Праект НАУ «механізмы універсальнай юрысдыкцыі супраць рэжыму Лукашэнкі» — гэта рэальны шанец прымяніць на практыцы прынцыпы міжнароднага права і дамагчыся вынікаў ужо сёння. Нагадваем, што мы шукаем пацярпелых, якія хочуць скарыстацца магчымасцю прыцягнуць злачынцаў да адказнасці, выкарыстоўваючы механізмы універсальнай юрысдыкцыі. Час дзейнічаць!

Круглы стол «Механізмы універсальнай юрысдыкцыі. Агульныя падыходы і асаблівасці прымянення ў Рэспубліцы Польшча» «Калі ж мы зможам дамагчыся справядлівасці і прыцягнем да адказнасці хаця б аднаго паспешнiка рэжыму, які здзекаваўся над людзьмі ў турмах, ужываючы катаванні і фізічны гвалт? Ці магчыма гэта ў прынцыпе — пакуль дыктатар утрымлівае ўладу?» Такім пытаннем задаецца сёння практычна кожны беларус, які не змог «перагарнуць старонку» і забыць страшныя падзеі 2020 года. Наша каманда працягвае вывучаць усе магчымасці для таго, каб прыцягнуць да крымінальнай адказнасці сілавікоў Лукашэнкі ўжо сёння, выкарыстоўваючы як інструмент універсальную юрысдыкцыю. Задача, якая стаіць перад камандай — вельмі няпростая, бо мы практычна ствараем прэцэдэнт, спрабуючы давесці кожную справу да фактычнага абвяшчэння злачынцаў у міжнародны вышук. Анжаліка Мельнікава, каардынатар праекта: «Мы разумеем, што да змены ўлады ў Беларусі судовы працэс немагчымы. Але той мінімум, які мы здольныя зрабіць сёння — гэта дамагчыся ўнясення імёнаў злачынцаў у спісы Інтэрпола для таго, каб яны не маглі свабодна перамяшчацца цяпер, а ў свой час — хавацца ад правасуддзя». Улічваючы складанасць прасоўвання прымянення прынцыпу універсальнай юрысдыкцыі, каманда НАУ правяла ў Варшаве круглы стол, у якім таксама прынялі ўдзел польскія юрысты — эксперты ў галіне міжнароднага крымінальнага права, а таксама юрыст офіса Святланы Ціханоўскай Крысціна Рыхтэр. У ходзе мерапрыемства адбыўся абмен вопытам і ведамі ў галіне прымянення прынцыпу ў краінах ЕС, былi абмеркаваны магчымасці фарсіравання разгляду такіх спраў у Польшчы і прыцягнення ўвагі грамадскасці да праблемы практычнага прымянення універсальнай юрысдыкцыі. Арцём Праскаловіч, адказны за ўнутраную палітыку і дзяржаўнае кіраванне: «Cёння мы пераходзім у актыўную фазу дзеянняў, якая, як мы спадзяемся, дазволіць максімальна далёка прасунуцца ў практычным прымяненні інстытутаў універсальнай юрысдыкцыі і аб’явіць у міжнародны вышук асоб, вінаватых у гвалце на тэрыторыі Беларусі». Нагадваем, што мы шукаем пацярпелых, якія хочуць скарыстацца магчымасцю прыцягнуць злачынцаў да адказнасці, выкарыстоўваючы механізмы універсальнай юрысдыкцыі. Мы працягнем прыкладаць нашыя намаганні для таго, каб паспешнікі рэжыму, якiя здзейснілі злачынствы супраць беларускага народу, панеслі за гэта адказнасць.

Выступленне Паўла Латушка на канферэнцыі імя Каліноўскага ў Еўрапейскім Парламенце Брусэль, 21 чэрвеня 2022 года Калі вы дазволіце я буду выкарыстоўваць беларускую мову. Я лічу, што гэта важна для беларусаў сення каб прадэманстраваць нашу ідэнтычнасць. Шаноўная спадарыня Старшыня, Паважаныя дэпутаты Еўрапарламента, калегі, Зло не павінна мець сфераў уплыву. І аніводная краіна ў свеце не павінна быць сфераю ўплыву зла. У гэтыя дні будзе разглядаецца рашэнне аб наданні статусу кандыдатаў у члены Еўрапейскага Саюза Ўкраіне, Малдове і Грузіі. Усе тры краіны, у той ці іншай ступені, раней памылкова лічыліся сферай уплыву Расіі. І ўсе яны сталі ахвярамі яе агрэсіўнай неаімперскай палітыкі. Усе яны заплацілі занадта вялікую цану за гэтае памылковае меркаваньне цывілізаванага свету. Прама зараз неверагодную цану ізноў плаціць Украіна. Але незалежныя, свабодалюбныя народы і краіны не могуць і не павінны лічыцца сферай уплыву абсалютнага зла пад назвай «рускі свет». І прама зараз у Аб’яднанай Еўропы ёсць гістарычны шанец гэта даказаць. Даказаць на справе, што ўсе краіны, якія імкнуцца вырвацца з «рускага свету», атрымаюць усю неабходную падтрымку ад свету цывілізаванага. Сёння я хачу нагадаць, што ў Еўропе ёсць яшчэ адна такая краіна. Гэтая краіна — Беларусь. І вось нашае пасланне Аб’яднанай Еўропе: МЫ — НЕ «РУСКІ СВЕТ» І НЕ СФЕРА ЎПЛЫВУ РАСІІ. Мы — еўрапейскі народ, які апынуўся пад расійскай акупацыяй і дыктатурай пуцінскай марыянеткі Лукашэнкі. І гэта таксама вынік нашых і вашых памылак, працу над якімі мы абавязаны правесці. І зрабіць свой каштоўнасны і прынцыповы выбар — як вам, так і нам, беларусам. Выбар, перад якім нас паставіла вайна: паміж дабром і злом. Без паўтонаў. І мы, народ Беларусі, абіраем дабро. Пра гэта кажуць і ўсе апошнія апытанні: Большасьць беларусаў — супраць вайны. Большасць беларусаў — за еўрапейскі выбар, а не за «рускі свет». Гэта значыць, што мы ўсвядомілі свае памылкі, калі лічылі, што нам нікуды не падзецца ад Расіі з-за нашага геапалітычнага становішча. Мы зразумелі, што не суседства з Расіяй павінна вызначаць наш цывілізацыйны выбар. Не яно вызначае нашыя каштоўнасці, не яно вызначае нашае бачанне будучыні Беларусі — як незалежнай, свабоднай, дэмакратычнай і прагрэсіўнай дзяржавы. Але нажаль, менавіта геаграфічная блізкасць да Расіі стварае пагрозу такой будучыні для Беларусі. І гэтая пагроза тым мацней, чым мацней перакананне ўсяго астатняга свету ў тым, што Беларусь — гэта сфера ўплыву Расіі. Ёсць вядомае выказванне: «Адзінае, што трэба для трыюмфу зла — гэта каб добрыя людзі нічога не рабілі». І няма нічога больш згубнага для бяздзейнасці добрых людзей, чым памылковае меркаванне, што нешта знаходзіцца па-за сферай іх уплыву. Сёння, на прыкладзе жудаснай вайны ва Ўкраіне, мы бачым, да якіх наступстваў гэта можа прывесці. А менавіта да акупацыі адной еўрапейскай краіны — Беларусі, і нападу на іншую — Украіну. Яшчэ ў 2020 годзе, калі беларусы масава выйшлі на вуліцы, пратэстуючы супраць скрадзенага ў іх выбару, Расія заявіла аб гатоўнасці аказаць ваенную падтрымку рэжыму Лукашэнкі. У 2022 годзе расійскія войскі ўвайшлі ў Беларусь — пад выглядам вучэнняў. І не пакінулі яе тэрыторыю па іх заканчэнні. Замест гэтага 24 лютага яны ўварваліся ва Ўкраіну. Так, пры поўнай згодзе і падтрымцы пуцінскай марыянеткі - Лукашэнкі - адбылася акупацыя Беларусі і пераўтварэнне яе ў ваеннага са-агрэсара. На якой жа падставе Расія рыхтавалася ўмяшацца ва ўнутраныя справы Беларусі ў 2020 годзе? І на якой падставе яна вырашыла, што Беларусь можна выкарыстоўваць як плацдарм для вядзення вайны ў 2022-м? На той жа, на якой яна развязвала і развязвае войны ў кожнай краіне, якую лічыць сферай свайго ўплыву — з маўклівай згоды астатняга свету. Так ці гатовы свет працягваць з гэтым згаджацца? Ці гатовы свет працягваць лічыць, што Беларусь, Украіна, Грузія ці Малдова — гэта сфера ўплыву Расіі - і дазваляць Расіі лічыць так самой? 3 з 4 пералічаных краін ужо заявілі пра тое, што іх выбар — гэта Еўропа, а не Расія. Яны зрабілі свой цывілізацыйны выбар. Прыйшоў час зрабіць гэты выбар і Беларусі. Што для гэтага трэба? Я перакананы, што Беларусі і Еўропе неабходна зрабіць 3 галоўныя крокі насустрач адзін аднаму. Крок першы для Беларусі — у асобе дэмакратычных сілаў - гэта стварэнне пераходнага ўрада, пра што яшчэ 24 лютага абвясціла Святлана Ціханоўская. Пераходны ўрад павінен стаць рэальнай альтэрнатывай незаконнаму, нелегітымнаму і марыянеткаваму ўраду Лукашэнкі і адстойваць еўрапейскі выбар Беларусі на міжнароднай арэне. Крок другі — пачаць нацыянальна-вызваленчы рух для барацьбы з расійскай акупацыяй і марыянеткавым рэжымам Лукашэнкі і вызвалення Беларусі. Крок трэці — зрабіць еўрапейскі выбар у якасці вольнай, незалежнай і дэмакратычнай дзяржавы. Але на гэтым шляху нам неабходная ваша падтрымка. Якіх крокаў насустрач мы чакаем ад вас? Крок першы — поўная ізаляцыя незаконнага марыянеткавага рэжыму Лукашэнкі на міжнароднай арэне праз выключэнне ўсіх яго прадстаўнікоў з міжнародных арганізацый. І запрашэнне на іх месца прадстаўнікоў дэмакратычных сіл. Крок другі — прававое прызнанне факту акупацыі Беларусі Расіяй, прызнанне пераходнага ўрада і нацыянальна-вызваленчага руху Беларусі. Крок трэці — падтрымка еўрапейскага выбару незалежнай Беларусі пасля яе вызвалення ад акупацыі і правядзення новых дэмакратычных выбараў. Мы, беларусы, прыйшлі да гэтага разумення яшчэ ў 2020 годзе. І мы гатовыя рухацца насустрач свабодзе і незалежнасці. Насустрач Вольнай Еўропе. Зрабіце і вы крокі нам насустрач! Давайце разам пройдзем гэты шлях да святла, агульнай бяспекі і дабрабыту.

Сумесны зварот Святланы Ціханоўскай, Паўла Латушкі, Каардынацыйнай Рады і прадстаўнікоў дэмакратычных сіл да ЕС Яго правасхадзіцельства Шарль Мішэль Прэзідэнт Еўрапейскай рады Брусель, Бельгія Паважаны спадар Прэзідэнт, Дзяржавы-члены і кіруючыя органы Еўрапейскага Саюза неўзабаве прымуць рашэнне па заяўках аб прадастаўленні статусу кандыдата ў члены ЕС тром новым дзяржавам: Грузіі, Малдове і Украіне. Мы заклікаем ЕС і ўсіх яго членаў падысці да гэтага працэсу з поўным разуменнем прыхільнасці гэтых краін да еўрапейскага праекта і падтрымаць іх заяўкі, а таксама адлюстраваць у выніковым дакуменце еўрапейскую перспектыву для Беларусі пасля дэмакратычных перамен. Сярод гэтых дзяржаў Украіна займае асаблівае месца, паколькі яна мужна вядзе справядлівую вайну, абараняючы сваё суверэннае права на свабодны выбар альянсаў, права, якое Расія груба адмаўляе не толькі ў адносінах да Украіны, але і ў адносінах да ЕС. Каб падтрымаць гэты фундаментальны прынцып, стварыць прэцэдэнт таго, што ні адна краіна не можа накласці вета, і прызнаць ролю ўкраінскага народа ў абароне бяспекі Еўропы, мы лічым, што Украіне павінен быць неадкладна нададзены статус кандыдата. Гэта адабрэнне дасць магчымасць падтрымаць імпульс у захаванні Еўропы цэласнай, свабоднай і мірнай. Украінцы сёння не толькі абараняюць Еўропу ад расійскай агрэсіі. Іх адвага, стойкасць і рашучасць забяспечаць ім перамогу ў вайне. Перспектыва членства ў ЕС дапаможа Украіне заваяваць свет, які вызначае будучыню ўсяго рэгіёна. Незалежная і дэмакратычная Беларусь мае патрэбу ва Украіне, якая паспяхова перамагае і абараняе сваю дзяржаўнасць, ідэнтычнасць і суверэнітэт. Аналагічным чынам, Украіна мае патрэбу ва ўстойлівым мірным ладзе, які ўключае прадказальных суседзяў, якія будуць рэальна гарантаваць яе бяспеку, і чыя палітыка будзе вызначацца нацыянальнымі інтарэсамі, заснаванымі на міжнародным праве. Гэта азначае, што Беларусь павінна мець еўрапейскую перспектыву, якая таксама мусіць быць прызнаная ЕЗ. На працягу ўсёй гісторыі Беларусь удзельнічала ў развіцці еўрапейскай цывілізацыі і ўносіла ў яго свой уклад. Беларускія гарады кіраваліся па Магдэбургскім праве, у Вялікім княстве Літоўскім Статут 1588 года — збор законаў, напісаны на беларускай мове — увёў прынцыпы вяршэнства права і падзелу ўладаў. Шматлікія спробы адрэзаць Беларусь ад Еўропы праваліліся, бо гэта супярэчыць нашым нацыянальным інтарэсам. Нелегітымны і незаконны рэжым спрабуе падарваць нашую дзяржаўнасць і знішчыць нацыянальную ідэнтычнасць, але беларусы захоўваюць цвёрдае пачуццё прыналежнасці да еўрапейскай сям'і. Цяпер вядзецца работа па інстытуцыяналізацыі ўдзелу Беларусі ў Савеце Еўропы для падрыхтоўкі да адказнага дэмакратычнага кіравання і паўнапраўнага членства. Пасля рэвалюцыі 2020 года мы няўхільна пашыраем адносіны з ЕС як натуральным саюзнікам свабоднай Беларусі. Мы ясна бачым перспектывы партнёрства з ЕС, рашэнне аб якім будзе прымаць беларускі народ пасля аднаўлення дэмакратыі ў нашай краіне. Працуючы над набліжэннем гэтага моманту, мы ўсведамляем шырыню рэформаў, якія неабходна правесці Беларусі для аднаўлення дэмакратычнага кіравання, і рыхтуем гэтыя крокі для Новай дэмакратычнай Беларусі. У той жа час, паколькі ЕС разглядае заяўкі ад нашага рэгіёну, надышоў зручны момант, каб таксама прызнаць і пацвердзіць еўрапейскую перспектыву для Беларусі. Гэта стане асновай для размовы і рашэнняў аб формах узаемадзеяння паміж беларускім народам і ЕС, пракладаючы шлях да падтрымання бяспечнай, дэмакратычнай, квітнеючай Еўропы. Электронная версія дакумента (pdf) ⇲

11 чэрвеня расійскія акупацыйныя ўлады і марыянеткавы ўрад Лукашэнку плануюць правесці ў Мінску вялікі канцэрт з нагоды Дня Расіі Прымаючы да ўвагі, што: 1) Рэспубліка Беларусь была акупавана Расіяй пры поўным садзейнічанні Узброеных Сіл Беларусі і марыянетачнага ўрада Лукашэнкі, які выконвае функцыі акупацыйнай адміністрацыі; 2) у парушэнне міжнароднага права, двухбаковых пагадненняў з Украінай, Канстытуцыі і ваеннай дактрыны Рэспублікі Беларусь наша краіна выкарыстоўвалася ваенным агрэсарам-Расіяй як плацдарм для нападу на Украіну і да гэтага часу выкарыстоўваецца для нанясення ракетна-авіяцыйных удараў па тэрыторыя Украіны, а марыянеткавы ўрад дае ўсю неабходную інфраструктуру і падтрымку для гэтага, што з'яўляецца прамым саўдзелам у ваеннай агрэсіі; 3) расейскія войскі і вайсковыя базы знаходзяцца на тэрыторыі Беларусі без згоды народа Беларусі; 4) з 24 лютага затрымана і рэпрэсавана за антываенныя выступленні больш за 1500 беларусаў; 5) шэраг затрыманнь чыгуначных партызан праводзіўся з асаблівай і неапраўданай жорсткасцю, а менавіта — пасля затрымання памочнікі рускіх акупантаў стралялі затрыманым у калена; 6) 13 траўня Лукашэнка падпісаў закон, які дазваляе ўжыванне смяротнага пакарання ў выглядзе расстрэлу за «замах на здзяйсненне тэрарыстычных актаў» з мэтай запалохвання актыўных беларусаў, якія амаль не спынялі супрацівы рэжыму Лукашэнкі і расейскім акупантам два гады, што ва ўмовах юрыдычнага дэфолту развязвае Лукашэнку для ўзмацнення палітычнага тэрору і ўкаранення «узаконенай» практыкі палітычна матываваных забойстваў беларусаў; 7) колькасць палітвязняў у Беларусі працягвае штодня расці і на сённяшні дзень складае больш за 1200 чалавек, частка з якіх затрымана з 24 лютага за супрацьдзеянне расейскай ваеннай агрэсіі, у тым ліку за перадачу дадзеных аб перамяшчэнні расейскіх войскаў і тэхнікі тэлеграм-канала «Беларускi Гаюн»; 8) марыянеткавы ўрад Лукашэнка ўзмацніў палітыку русіфікацыі беларусаў і вядзе актыўную кампанію па знішчэнні беларускамоўных выдавецтваў і кнігарняў; 9) Беларускія праўладныя СМІ і прапагандысцкія тэлеграм-каналы фактычна кантралююцца расейскімі прапагандыстамі. Народнае антыкрызіснае ўпраўленне катэгарычна лічыць недапушчальным намер расійскіх акупантаў і іх памагатых у асобе марыянетачнага рэжыму Лукашэнкі адзначаць Дзень Расіі ў Беларусі; рашуча пратэстуе супраць гэтага намеру і заклікае ўсіх жыхароў Мінска і іншых гарадоў Беларусі байкатаваць любыя мерапрыемствы, прысвечаныя Дню Расіі, актыўна процідзейнічаць іх прапагандзе ўсімі даступнымі спосабамі і рабіць любыя іншыя дзеянні, накіраваныя на зрыў плана расійскіх акупантаў па правядзенні Дня Расіі ў Беларусі. Мы заклікаем усіх нашых міжнародных партнёраў публічна падтрымаць нашу пазіцыю, антываенную і антыакупацыйную барацьбу беларускага народа і зноў заяўляем аб важнасці і неабходнасці афіцыйнага міжнароднага прызнання расійскай акупацыі Беларусі, прызнання ўрада Лукашэнкі марыянеткавым урадам і ваенным агрэсарам і марыянетачным рэжымам, вывад усіх расейскіх войскаў з тэрыторыі нашай краіны, спыненне выкарыстання ўлады рэжымам Лукашэнкі і яго існаванне як палітычнай адукацыі. Не дню Расіі ў Беларусі! Не расійскай акупацыі! Не марыянеткаваму рэжыму Лукашэнкі!