Пошук па сайце

У Стакгольме прайшла сустрэча Святланы Ціханоўскай са старшынёй Парламенцкай асамблеі АБСЕ Маргарэтай Седэрфельт Старшыня таксама запрасіла Народнае антыкрызіснае ўпраўленне прыняць удзел у сустрэчы. НАУ ў сустрэчы прадстаўляла Народнае пасольства Беларусі ў Швецыі. Гэта першы падобны прыклад, калі Народнае антыкрызіснае ўпраўленне на міжнароднай сустрэчы было прадстаўлена Народным пасольствам Беларусі. Удзельнікі сустрэчы абмеркавалі пытанні і падыходы да вырашэння рэгіянальнага крызісу, які ўзнік у сувязі з фальсіфікацыяй выбараў і бесперапыннымі рэпрэсіямі ў Беларусі. Прадстаўнік Народнай амбасады Беларусі ў Швецыі Дзмітрый Васерман перадаў старшыні ПА АБСЕ прапановы НАУ па вырашэнні крызіснай сітуацыі, правёў гутаркі з кіраўніком дэлегацыі Францыі ў ПА АБСЕ Сірэн Моборн, членам шведскай дэлегацыі ў АБСЕ Б’ёрнам Седарам і віцэ-старшынёй ПА АБСЕ Піяй Каўмай (Фінляндыя). На сустрэчы таксама прысутнічалі віцэ-старшыні ПА АБСЕ Аскар Шакіраў (намеснік Старшыні Сената Казахстана), Азай Гуліеў (кіраўнік дэлегацыі Азербайджана), Ірэн Хараламбідэс (кіраўнік дэлегацыі Кіпра) і Паскаль Алізар (намеснік кіраўніка дэлегацыі Францыі). Нагадаем, што народныя пасольствы — гэта ініцыятыва супольнасці беларускай дыяспары «Беларусы замежжа» пры падтрымцы Народнага антыкрызіснага ўпраўлення па стварэнні прадстаўніцтваў дэмакратычнай Беларусі за мяжой ва ўмовах страты легітымнасці цяперашняй улады ў краіне і за яе межамі.

ЗША сінхранізуе санкцыі супраць рэжыму Лукашэнкі з рашэннямі ЕС і Вялікабрытаніі 2 снежня адбылася сустрэча Паўла Латушкі і іншых чальцоў каманды НАУ з амбасадарам ЗША Джулі Фішэр у офісе Народнага антыкрызіснага ўпраўлення. Удзельнікі сустрэчы абмеркавалі стратэгію НАУ, накіраваную на выкананне патрабаванняў беларускага грамадства пасля сфальсіфікаваных выбараў у Беларусі. Увага была нададзеная таксама пытанням ціску на рэжым як фактару адказнасці дыктатара за масавыя рэпрэсіі ў дачыненні да беларускага народа. Пасол адзначыла, што ЗША сінхранізуе з ЕС і Вялікабрытаніяй санкцыі ў дачыненні да рэжыму Лукашэнкі, аб якіх будзе абвешчана сёння. Прадстаўнік ЗША праінфармавала, што палітыка ў дачыненні да дыктатара Лукашэнкі не зведае зменаў. Асобна абмеркаваныя далейшыя інструменты эканамічнага ціску ў сувязі з беспрэцэдэнтнымі парушэннямі правоў чалавека ў Беларусі. У ходзе сустрэчы таксама былі закрануты пытанні рэгіянальнай бяспекі, пагрозу якой стварае Лукашэнка.

Злачынствы рэжыму Лукашэнкі, якія ён здзяйсняе вось ужо 27 гадоў, настолькі маштабныя і разнастайныя, што прэтэндуюць адразу на шэраг «ганаровых» статусаў — аж да міжнароднага тэрарызму. Ёсць меркаванне, што дзеянні нелегітымнай улады, прычым яшчэ ў «дакавідны» перыяд, цалкам «цягнуць» нават на генацыд. Такога прытрымліваецца і Паліна Прымакова, сакратар Рады БНР, дацэнт кафедры дзяржаўнага кіравання Атлантычнага ўніверсітэта ў Фларыдзе, ЗША. Прыводзім цытаты з яе выступу на прававой канферэнцыі НАУ ў Нюрнбергу. «Злачынствы супраць чалавечнасці пачаліся ў Беларусі задоўга да 2020-га і носяць характар генацыду беларусаў. Па такіх справах не павінна быць тэрміну даўнасці, і ўсе яны павінны быць разгледжаны трыбуналам». «Заклікаю звярнуцца да такога механізму міжнароднага правасуддзя, як Канвенцыя ААН аб папярэджанні генацыду і пакаранні за яго. Мы не павінны чакаць, пакуль сотні тысяч будуць забітыя, каб пераканацца, што рэжым Лукашэнкі гатовы на што заўгодна дзеля ўтрымання ўлады. У нас ужо ёсць загінулыя, арыштаваныя, якія прайшлі і праходзяць праз катаванні і палітычны пераслед». «Мы павінны прадухіліць масавы тэрор беларускай нацыі». «Звярніце ўвагу на паўсюдную забарону ўсяго беларускага: пачынаючы з рэферэндуму 1995-га, першага кроку да абмежавання беларускай мовы і сімвалаў, і да пераследу беларусаў у 2020−21 гадах за ўладанне чым-небудзь бел-чырвона-белым. Гэта дэманструе антыбеларускую, антынацыянальную накіраванасць рэпрэсій і надае падзеям у краіне характар генацыду». «Як нацысты забівалі габрэяў, таму што яны габрэі, так хунта Лукашэнка знішчае нас, таму што мы беларусы. Прыклады распасціраюцца ад нядаўняй ліквідацыі Таварыства беларускай мовы да закрыцця беларускамоўнага ліцэя імя Коласа ў мінулым». «Незаконны пераслед хунтай прадстаўнікоў усіх слаёў нашага народа і прыцэльнае вынішчэньне самых прыкметных „свядомых“ — гэта больш, чым палітычныя рэпрэсіі». «А магчымасць вызначаць сваю будучыню праз абранне прэзідэнта — не палітычнае перакананне, а права і абавязак кожнага грамадзяніна, якія гарантуюцца Канстытуцыяй».

— Вячаслаў Арлоўскі, начальнік так званага ГУБАЗіК — адной з груп баевікоў Лукашэнка — заявіў, што рэжым мае намер аказваць ціск на беларусаў, якія падтрымліваюць ідэю выкарыстоўваць абсалютна законны і прапісаны ў выбарчым кодэксе спосаб волевыяўлення на «рэферэндуме» — несапраўдны бюлетэнь.Кожны выбаршчык падчас рэферэндуму мае поўнае права паставіць знак у двух квадратах, і гэта дзеянне з’яўляецца абсалютна законным. Ужо цяпер рэжым рыхтуецца парушаць закон, разумеючы, што ў яго няма ніякіх падставаў для перашкоды рэалізацыі прапанаванай дэмсіламі стратэгіі дзеянняў на рэферэндуме. А значыць наша стратэгія правільная.

Сумесны зварот офіса Святланы Ціханоўскай і Народнага антыкрызіснага ўпраўлення да замежных палітыкаў, журналістаў і лідэраў меркаванняў Святлана Ціханоўская, Павел Латушка, Валерый Кавалеўскі, Уладзімір Астапенка і Лена Жываглод заклікалі сусветную супольнасць спыніць называць і прызнаваць Лукашэнку прэзідэнтам. Святлана Ціханоўская: Лукашэнку нельга называць «прэзідэнтам» ні ў якім кантэксце. Нельга надзяляць яго палітычнай суб’ектнасцю. Нельга тым самым прызнаваць яго праўленне і ствараць бачнасць таго, што свет павінен лічыцца з ім. Ён не прэзідэнт. Нават не блізка. Павел Латушка: Ён узурпатар і Дыктатар. Ён прайграў і груба сфальсіфікаваў прэзідэнцкія выбары. Ён захапіў і ўтрымлівае ўладу сілай, зладзіўшы самыя жорсткія рэпрэсіі ў сучаснай гісторыі Беларусі. Таму вы павінны перастаць называць яго «прэзідэнтам» — і перастаць прызнаваць яго такім. Уладзімір Астапенка: Таму што ён — не прэзідэнт. Проста скажыце гэта ўслых і пазбаўце яго і яго стаўленікаў усялякай магчымасці прадстаўляць Беларусь, казаць і дзейнічаць ад імя яе народа. І нават сядзець за адным сталом з прадстаўнікамі цывілізаваных дэмакратый. Валерый Кавалеўскі: Ён не прэзідэнт. Фактычна — ён палітычны нуль і ізгой на міжнароднай арэне. І мы павінны сказаць гэта ўслых — як гэта ўжо зрабіў Еўрапейскі парламент у сваёй рэзалюцыі. Лена Живоглод: Калі вы ўплывовы палітык, вядомы журналіст ці лідар грамадскай думкі — вам трэба перастаць называць яго «прэзідэнтам». Не прызнавайце яго, а адмоўце яму ў прызнанні. Зрабіце гэта афіцыйна і публічна. Павел Латушка: І хай ён атрымае тое, што заслугоўвае — міжнародную ізаляцыю, абвінавачванне ў тэрарызме, крымінальны пераслед і справядлівае пакаранне за ўсе жудасныя злачынствы, учыненыя яго рэжымам. ✏️ Падпішыце петыцыю аб непрызнанні Лукашэнкі і яго ўрада (для карыстальнікаў з Беларусі — толькі праз VPN) Толькі за апошнія 2 тыдні аб непрызнанні Лукашэнкі прэзідэнтам заявіла кіраўніцтва Нямеччыны і Літвы. Раней пра гэта заявіў Еўрапейскі парламент у рэзалюцыі ад 7 кастрычніка.

Грамадзянін Лукашэнка хоча выкарыстоваць «рэферэндум», каб знайсці сабе легітымнасць. Але сваімі дзеяннямі мы яму гэтага не дазволім Сапраўды, дыктатар паспрабуе паказаць прыгожую карцінку як унутры краіны, так і за яе межы. Спакойны «рэферэндум» без нашых актыўных дзеянняў будзе пададзены як праява даверу грамадзян, як знак нашай згоды з тым, што Лукашэнка ў стане вывесці краіну з крызісу. Але беларусы ўжо ведаюць, што гэта не так. І не толькі беларусы: кіраўнік МЗС Нямеччыны Хайка Мас ужо назваў «фарсам» канстытуцыйную рэформу, прапанаваную Аляксандрам Лукашэнкам. Адказны за шматбаковую дыпламатыю НАУ Уладзімір Астапенкатлумачыць, чаму рэжыму не атрымаецца нікога ўвесці ў зман. — Намер правесці «рэферэндум» — гэта чарговая спроба рэжыму выбудаваць хлуслівы фасад нібыта легітымнай улады, які будзе прыкрываць сістэматычныя і масавыя парушэнні правоў чалавека і беспрэцэдэнтны гвалт супраць беларускага народа. Сусветныя дэмакратычныя стандарты, у тым ліку прынятыя ў Савеце Еўропы, сцвярджаюць, што прамая дэмакратыя магчымая і эфектыўная толькі ў выпадку стварэння перадумоў для вольнага волевыяўлення грамадзян. Відавочна, што калі ў краіне «не да законаў», казаць аб наяўнасці ўмоў для правядзення асэнсаванага і сумленнага рэферэндуму не прыходзіцца. Перакананы, што любым спробам рэжыму «сканструяваць» бачнасць легітымнасці трэба даваць рашучы адпор. Зрабіць бюлетэнь несапраўдным — гэта легальная магчымасць паказаць сістэме і ўсяму свету, што беларусы не давяраюць рэжыму, які незаконна ўтрымлівае ўладу ў краіне, і патрабуюць правядзення новых і сумленных выбараў, — кажа Уладзімір Астапенка. Як не даць нелегітымнай улады ўсіх падмануць: Прыйсці на выбарчыя ўчасткі. Паставіць крыжыкі насупраць усіх прапанаваных у бюлетэні варыянтаў і зрабіць фота. Апусціць бюлетэнь у скрыню для галасавання і адправіць фота платформе «Голас».

Кіраўнік НАУ Павел Латушка адправіў інфармацыю ва ўпраўленне Вярхоўнага камісара ААН аб парушэнні правоў у Беларусі — і заклікае зрабіць гэта кожнага беларуса Увесну 2021 года Упраўленне Вярхоўнага камісара ААН па правах чалавека абвясціла аб стварэнні спецыяльнай місіі, у рамках якой ажыццяўляецца збор дадзеных аб парушэнні правоў чалавека ў Беларусі. Упраўленне збірае інфармацыю аб парушэннях, учыненых у Беларусі з 1 мая 2020 года. Мы, беларусы, ведаем пра тое, што правы чалавека ў Беларусі сістэматычна парушаюцца. Пра гэта ведаеце вы, вашы калегі і блізкія. Гэта не пачалося ў 2020 годзе, а адбываецца ўжо не адно дзесяцігоддзе. Але менавіта пачынаючы з траўня мінулага года парушэнні правоў чалавека ў нашай краіне набылі неймаверныя маштабы. Нам надзвычай важна не толькі самім гэта разумець, але і перадаваць інфармацыю аб парушэннях у міжнародныя арганізацыі. Упраўленне Вярхоўнага камісара ААН падрыхтавала спецыяльны шаблон звароту. Адпраўляйце інфармацыю аб любых парушэннях правоў чалавека ў Беларусі. Падрабязнасці па спасылцы. Інфармацыя прымаецца да 15 снежня 2021 года. Павел Латушка запоўніў анкету і накіраваў яе ў адрас Упраўлення Вярхоўнага камісара ААН па правах чалавека. Важна, каб кожны беларус, чые правы былі парушаныя, зрабіў тое ж самае. Гэта дапаможа ўсім нам наблізіцца да дасягнення агульнай мэты — прыцягнення да адказнасці ўсіх вінаватых у злачынствах супраць беларускага народа. Рэжым Лукашэнкі працягвае здзяйсняць злачынствы ў адносінах да беларусаў. Наша задача — фіксаваць іх і перадаваць для прыцягнення вінаватых да адказнасці. Ніхто за нас гэта не зробіць!

«Толькі рашучая міжнародная рэакцыя можа прадухіліць новыя злачынствы супраць чалавечнасці» Сітуацыя ў Беларусі тычыцца не толькі яе грамадзян — у спробах утрымаць уладу рэжым зладзіў крызіс міжнароднага маштабу і кожны дзень здзяйсняе злачынствы супраць чалавечнасці. Лукашэнка стаў праблемай не толькі для нашага народа, але і для сусветнай супольнасці. Вось што думае з гэтай нагоды Польскі адвакат Томаш Вілінскі, адзін з ініцыятараў прававой канферэнцыі НАУ ў Нюрнбергу: «Са жніўня-2020 у Беларусі рэгулярна парушаюцца нормы міжнароднага права, у тым ліку наносіцца шкода інтарэсам Польшчы». «Судовая сістэма ў Беларусі падпарадкоўваецца Лукашэнке і фактычна не можа пераследваць гэтыя злачынствы. Але прынцыпы міжнароднага права, т. зв. Нюрнбергскія прынцыпы, абвяшчаюць: — дзяржаўныя дзеячы не вызваляюцца ад крымінальнай адказнасці за міжнародныя злачынствы; — дзеянне па загадзе ўрада або начальства не вызваляе ад адказнасці». «Па прынцыпу універсальнай юрысдыкцыі крымінальная права прымяняецца да замежніку ў выпадку здзяйснення ім за мяжой злачынства, праваабаронца, які пераследуецца ў адпаведнасці з міжнароднымі дамовамі. Такая норма ўтрымліваецца і ў польскім крымінальным праве, што дазваляе зрабіць выснову: Польшча мае права ўзбуджаць крымінальную справу ў гэтых адносінах». «Міграцыйны крызіс на мяжы ЕС і Беларусі — парушэнне Пратакола супраць незаконнага ўвозу мігрантаў па сушы, моры і паветры, што дадае Канвенцыю ААН супраць транснацыянальнай арганізаванай злачыннасці 2000 года і падпісанага Беларуссю. У адпаведнасці з гэтым міжнародна-прававым актам, калі немагчыма дамовіцца аб арбітражы на працягу 6 месяцаў, якім папярэднічаюць перамовы, можна перадаць справу ў Міжнародны суд. Польшча, Літва і Латвія абавязаныя выкарыстоўваць гэтую працэдуру, бо гэта можа мець важнае значэнне для актывацыі інструментаў Міжнароднага крымінальнага права». «Толькі рашучая міжнародная рэакцыя можа прадухіліць новыя злачынствы супраць чалавечнасці».

Стратэгія дэмакратычных сіл Беларусі на «рэферэндуме» Лукашэнкі Усіх нязгодных з беззаконнем, якое захліснула нашу краіну, мы заклікаем далучыцца да стратэгіі дзеянняў на «рэферэндуме», якую распрацавалі грамадзянскія ініцыятывы *Сумленныя людзі, Зубр і платформа «Голас» пры ўдзеле офіса Святланы Ціханоўскай, Народнага антыкрызіснага ўпраўлення і Каардынацыйнага савета. «Рэферэндум» запланаваны на пачатак 2022-га. Гэтае мерапрыемства — злачынства і падман, якое мы, грамадзяне Беларусі, ператворым у «вотум недаверу» Лукашэнку і яго атачэнню. Мы заклікаем прыходзіць на ўчасткі і зрабіць бюлетэнь несапраўдным. Гэта дзеянне азначае, што мы не згодныя з рэжымам Лукашэнкі і выступаем за ўсталяванне законнасці і стварэння ўмоў для правядзення сумленных выбараў. Як зрабіць бюлетэнь несапраўдным? У дзень галасавання прыйсці на выбарчыя ўчасткі. Паставіць крыжыкі насупраць усіх прапанаваных у бюлетэні варыянтаў. Апусціць бюлетэнь у скрыню для галасавання. Падрабязнасці вы знойдзеце ў відэа са Святланай Ціханоўскай, Паўлам Латушкам, Вольгай Кавальковай, Аленай Жываглод, Паўлам Ліберам і Паўлам Марынічам. Што рабіць цяпер? Падзяліцеся відэа з сябрамі і блізкімі. Абмяркоўвайце, спрачайцеся і абменьвайцеся думкамі аб стратэгіі. Таму што ніякая стратэгія не можа стаць паспяховай без прыкладання сіл, энергіі і розуму — і без І веры ў перамогу кожнага з нас. Кожнае меркаванне важна і кожны вопыт унікальны. І толькі злучыўшы нашы сілы мы можам атрымаць той вынік, якога мы дамагаемся.

Беларускія ўлады не маюць права канвертаваць свае SDR у еўра ў рамках Механізму добраахвотнай канвертацыі ў любым цэнтральным банку еўрапейскай дзяржавы або Еўрапейскім цэнтральным банку Вярхоўны прадстаўнік ЕЗ па знешняй палітыцы і бяспецы Жазэп Барэль адказаў на ліст НАУ па сітуацыі з вылучэннем рэжыму Лукашэнкі спецыяльных правоў запазычання (SDR) з боку МВФ. Прыводзім самае важнае з адказу: Мы атрымалі запэўненне, што ЕС не дапусціць абмену SDR на еўра ні ў адным цэнтральным банку краін Еўрасаюза. Падставай для блакавання такога абмену выступае той факт, што гэта будзе з’яўляцца парушэннем устаноўленай забароны на аказанне інвестыцыйных паслуг рэжыму Лукашэнкі, рэгламентаванага санкцыямі ЕЗ. Але яшчэ больш цікавай з’яўляецца спасылка на п. 16 рэзалюцыі Еўрапарламента па Беларусі, якая заклікае «дзяржавы-члены каардынаваць свае дзеянні з міжнароднымі партнёрамі ў шматбаковых арганізацыях, такіх як МВФ, каб абмежаваць вылучэнне сродкаў рэжыму Лукашэнкі і замарозіць любое супрацоўніцтва з ім». Гэта значыць, у дадзеным пытанні рэкамендацыйны характар рэзалюцыі стаў прамым кіраўніцтвам да дзеяння. А значыць, ёсць падставы меркаваць, што і іншыя пункты рэзалюцыі могуць спрацаваць па тым жа прынцыпе. Напрыклад, п. 1 — аб непрызнанні Лукашэнкі прэзідэнтам. Тым часам, мы працягваем працу па поўным блакаванні для рэжыму SDR-рахунку Беларусі ў МВФ. І чакаем аналагічнага ЕС падыходу з боку ЗША. Нагадаем, што ў выканаўчым указе Байдэна ад 9 жніўня быў пазначаны фінансавы сектар Беларусі, як адзін з сектараў, супраць якіх могуць уводзіцца амерыканскія санкцыі. Таксама нагадаем, што ў снежні чакаецца прыняцце пакета другасных санкцый ЗША. У выпадку, калі ў будучы санкцыйны спіс патрапяць Нацбанк і Мінфін Беларусі, то любая спроба трэцяга боку абмяняць беларускія SDR на валюту стане падставай для траплення пад дзеянне другасных санкцый. Але не будзем загадваць наперад.

Каардынатарка НАУ Лена Жываглод — пра будучы рэферэндум Галоўнае з эфіру «Еўрарадыё»: «Ёсць ужо агульная пазіцыя па рэферэндуму, гэта пазіцыя тройкі грамадзянскіх ініцыятыў: *Сумленныя Людзі, «Зубр» і «Голас»; а таксама палітычных штабоў: офіса Святланы Ціханоўскай, Народнага антыкрызіснага ўпраўлення і Каардынацыйнага савета. Бясконца рада, што ў нас ёсць агульная і ўзважаная пазіцыя». «Рэферэндум — гэта падман і злачынства, менавіта так да гэтай падзеі трэба ставіцца. Няма ілюзій, што Лукашэнка сапраўды збіраецца праводзіць рэформы. Мы прапануем прыходзіць на ўчасткі і выказваць сваю нязгоду з рэжымам Лукашэнкі. Мы дакладна не станем прапаноўваць галасаваць за які-небудзь з варыянтаў рэжыму. Алгарытм дзеянняў мы яшчэ прагаворым: што рабіць з бюлетэнем і што будзе адбывацца далей». «Мы павінны прыйсці на ўчасткі і прадэманстраваць сваю нязгоду: з тым, што адбываецца ў краіне, з тым, што рэжым Лукашэнкі сілай захапіў уладу. Гэта магчымасць для кожнага беларуса выказаць сваё стаўленне». «2020 год даставіў шмат непрыемнасцяў нелегітымнай улады. Сітуацыя развіваецца больш дынамічна, чым магла б. Лукашэнка не можа забараніць нам прыйсці на ўчасткі. Але ён баіцца пратэстнай яўкі, баіцца, што прыйдуць тыя беларусы, якія не згодныя з рэжымам». «Мы разумеем, што на рэферэндуме будзе прапанавана два варыянты, якія выгадныя толькі Лукашэнку. Гэта будзе маніпуляцыяй і падманам. Мы ўсе, беларусы, павінны не даць сябе падмануць».

На люты 2022 года запланаваны рэспубліканскі рэферэндум. Дакладнай даты пакуль няма, але падрыхтоўка ідзе поўным ходам і з парушэннямі: выбарчыя камісіі фарміруюць яшчэ да абвяшчэння рэферэндуму. Па дадзеных супольнасці *Сумленныя людзі, тут і пачаліся праблемы: людзі адмаўляюцца ад удзелу, колькасць складу камісій хочуць паменшыць. Цалкам зразумела, чаму людзі людзі адмаўляюцца: мала хто хоча ўдзельнічаць у фальсіфікацыях. Вопыт мінулага года наглядна паказаў, да чаго прыводзіць «малое зло». Але сітуацыю можна выкарыстоўваць на карысць грамадзянскай супольнасці, таму мы просім сумленных беларусаў згаджацца і ўступаць у выбарчыя камісіі. І абавязкова звязвацца з супольнасцю *Сумленныя людзі і ініцыятывай «Зубр». Вам прапануюць стаць сябрам выбарчай камісіі на рэферэндуме? Згаджайцеся! На ваша месца знойдуць лаяльнага чалавека, а беларусам будзе складаней даведацца, што адбываецца ўнутры. Вашым знаёмым прапануюць стаць членам камісіі? Пакажыце ім гэты пост. Пагаворыце з сябрамі і сваякамі, якія працуюць у дзяржаўных арганізацыях. Магчыма, яны баяцца расказаць вам, што атрымалі такую прапанову. Пасля таго, як дасце згоду, выходзьце на сувязь з супольнасцю *Сумленныя людзі праз кантакт @contact2022. Яны гарантуюць ананімнасць, а інфармацыя не будзе апублікаваная без вашага дазволу. І памятайце пра бяспеку. Людзі — галоўная каштоўнасць краіны.