Пошук па сайце

Павел Паўлавіч Латушка: намеснік кіраўніцы Аб'яднанага Пераходнага Кабінета Беларусі, кіраўнік Народнага антыкрызіснага ўпраўлення, пасол 10 студзеня ў Варшаве ў пасольстве Канады адбыўся брыфінг Аб'яднанага Пераходнага Кабінета для паслоў, часовых павераных у справах, намеснікаў паслоў усіх краін-членаў ЕС, а таксама Аргенціны, Вялікабрытаніі, Канады, Чылі, Японіі, Украіны, Малдовы, Арменіі, Аўстраліі, Новай Зеландыі. У відэа можна азнаёміцца з тэзісамі, якія былі агучаны мной замежным дыпламатам. У мяне часта запытваюцца, што матывуе мяне не здавацца і працягваць барацьбу. У што я веру, нягледзячы на тое, што сітуацыя ў Беларусі з кожным днём пагаршаецца. Я б мог расказаць вам пра гэта ў дэталях і змрочных фарбах. Але замест гэтага агучу некалькі лічбаў, якія кажуць самі за сябе. Па дадзеных праваабарончага цэнтра «Вясна», па выніках 2023 года ў Беларусі ў зняволенні знаходзіцца 1430 афіцыйна прызнаных палітвязняў. 745 былых палітвязняў, якія цалкам адседзелі свае тэрміны. Не менш за 48 палітвязняў — пенсіянеры. Не менш за 42 — людзі з інваліднасцю і цяжкімі захворваннямі. За мінулы год двое палітвязняў памерлі ў турме: Алесь Пушкін і Мікалай Клімовіч. Раней у турме памёр Вітольд Ашурак. Ёсць і выпадкі самагубстваў. Але гэта не ўсё. Па дадзеных справаздачы Цэнтра права і дэмакратыі Justice Hub, з мая 2020 года па май 2023 года ахвярамі злачынстваў супраць чалавечнасці ў Беларусі сталі не менш за 136 тысяч чалавек. Незаконнае пазбаўленне волі, катаванні, забойствы, згвалтаванні і іншыя цяжкія формы сэксуальнага гвалту, у тым ліку ў дачыненні да непаўналетніх, гвалтоўныя знікненні, дэпартацыі — вось што адбываецца ў Беларусі. Кожны дзень. Дык у што ж я веру, ведаючы, што ўсе гэтыя лічбы працягваюць расці, што злачынствы супраць беларускага народа не спыняюцца ні на дзень? Адкажу — веру ў міжнароднае права і адказнасць. І менавіта гэта ляжыць у аснове той стратэгіі, у рамках якой мы працягваем дзейнічаць і якую ўсе гэтыя гады мы прапануем нашым міжнародным партнёрам. Лукашэнка і яго памагатыя павінны быць прыцягнутыя да адказнасці, каб грамадства ўбачыла не толькі доўгачаканую справядлівасць, але і альтэрнатыву таму стану, у які пагрузіў краіну Лукашэнка. Альтэрнатыву стану татальнага самавольства дыктатуры, беззаконня і прававога дэфолту. Як жа стварыць гэтую альтэрнатыву і зрабіць яе асновай агульнай стратэгіі Захаду па Беларусі? Міжнародны пераслед. Неабходна выдаць ордэр на арышт Лукашэнкі. І тут у нас ёсць адразу два віды злачынстваў, учыненых дыктатарам, якія могуць стаць падставай для выдачы такога ордэра Міжнародным крымінальным судом: злачынствы супраць чалавечнасці ў дачыненні да беларусаў і ваенныя злачынствы. Санкцыі, як інструмент адказнасці. Неабходна рабіць больш жорсткімі санкцыі ў дачыненні да рэжыму Лукашэнкі і сур'ёзна ўзмацняць кантроль над іх выкананнем. Адной з мер, якія мы прапануем, з'яўляецца прыняцце новага магутнага праваабарончага пакета ў дачыненні да тых сектараў эканомікі і тавараў, пры вытворчасці якіх выкарыстоўваецца праца палітвязняў. Важным з'яўляецца гарманізацыя эканамічных санкцый у дачыненні да Расіі і рэжыму Лукашэнкі за вайну супраць Украіны. Міжнароднае прызнанне Аб'яднанага Пераходнага Кабінета. Неабходна падтрымаць палітычную альтэрнатыву нелегітымнаму рэжыму Лукашэнкі. І працягнуць непрызнанне і ізаляцыю Лукашэнкі і ягонага ўрада. Альтэрнатыва «рускаму свету» — еўрапейская перспектыва для Беларусі. Наш геапалітычны выбар, выбар дэмакратычных сіл — Еўрапейскі саюз. Я заклікаю падтрымаць гэты выбар, працягнуўшы пашыраць і ўзмацняць супрацоўніцтва інстытутаў ЕС з дэмакратычнымі сіламі.

8-10 студзеня прадстаўнікі Аб’яднанага Пераходнага Кабінета правялі шэраг сустрэч з прадстаўнікамі польскага ўраду, прэзідэнтам Польшчы і польскімі палітыкамі. Таксама 8 студзеня адбылася прэс-канферэнцыя Аб’яднанага Пераходнага Кабінета ў Варшаве. 9 студзеня: Прадстаўнікі Кабіента заклікалі міністра па еўрапейскіх справах Польшчы падтрымаць еўрапейскі выбар для Беларусі Кіраўніца і прадстаўнікі Аб’яднанага Пераходнага Кабінета Валер Кавалеўскі і Павел Латушка правялі перамовы з міністрам па еўрапейскіх справах Польшчы Адамам Шлапкай. На сустрэчы абмеркавалі супрацоўніцтва ў межах старшынства Польшчы ў Савеце Еўрасаюза, падрыхтоўка да якога пачалася ўжо зараз. Прадстаўнікі Аб’яднанага Пераходнага Кабінета папрасілі міністра падтрымаць еўрапейскі выбар беларусаў і зрабіць Беларусь адным з прыярытэтаў падчас старшынства ў 2025 годзе. Таксама была звернута ўвага на практыку «вольнага крэсла», калі на міжнародных мерапрыемствах Беларусь не прадстаўленая нікім: варта запрашаць у еўрапейскія структуры і на мерапрыемствы дэмакратычныя сілы, каб голас беларусаў быў пачуты. Сустрэча з Радславам Сікорскім Кіраўніца Кабінета Святлана Ціханоўская і яе намеснікі Валер Кавалеўскі і Павел Латушка сустрэліся з міністрам замежных спраў Польшчы Радаславам Сікорскім. Падчас сустрэчы абмяркоўвалі: ☑️ неабходнасць распрацоўкі новай стратэгіі па Беларусі на ўзроўні Еўрасаюза; ☑️ магчымыя крокі па вызваленні палітзняволеных; ☑️ узмацненне санкцыйнага ціску на рэжым Лукашэнкі, недапушчальнасць змякчэння санкцый на калійныя ўгнаенні, закрыццё шчылін у санкцыях, стварэнне на еўрапейскім узроўні механізма па кантролі за выкананнем санкцый; ☑️ індывідуальныя санкцыі супраць суддзяў, пракурораў, следчых, чыноўнікаў, вайскоўцаў рэжыму; ☑️ ініцыіраванне Польшчай і Літвой расследавання ў Міжнародным крымінальным судзе па пытанні вымушанай масавай эміграцыі беларусаў з-за палітычных рэпрэсій; ☑️ прыцягненне памагатых рэжыму да адказнасці за дэпартацыю ўкраінскіх дзяцей з акупіраваных тэрыторый; ☑️ легалізацыйныя пытанні, а таксама працяг выдачы віз беларусам – як звычайных, так і гуманітарных, каб павысіць мабільнасць беларусаў (польскаму боку адрасаваная просьба выдаваць візы не толькі ў Беларусі, але і ў консульствах іншых краін); ☑️ падтрымку грамадзянскай супольнасці і незалежных медыя, якія адыгрываюць важную ролю ў супрацьдзеянні расійскай прапагандзе; ☑️ падтрымку беларускага бізнесу ў Польшчы, у тым ліку працяг праграмы Poland Business Harbour і інш. Дамовіліся запусціць міжведамасную рабочую групу для вырашэння актуальных беларускіх пытанняў і распрацоўкі стратэгіі па Беларусі. Летась пачала працу група з Міністэрствам унутраных спраў Польшчы па пытаннях легалізацыі беларусаў. Прадстаўнікі Аб’яднанага Пераходнага Кабінета прапанавалі міністру Сікорскаму разам з Еўракамісіяй падтрымаць правядзенне канферэнцыі высокага ўзроўню па стратэгіі па Беларусі. Кіраўніца і прадстаўнікі Кабінета правялі сустрэчу з мэрам Варшавы Рафалам Тшаскоўскім Падчас сустрэчы Святлана Ціханоўская, яе намеснікі Валер Кавалеўскі і Павел Латушка і прадстаўніца па нацыянальным адраджэнні Кабінета Аліна Коўшык: ☑️ падзякавалі мэру Тшаскоўскаму за падтрымку рэпрэсіраваных беларусаў: Варшава прыняла дзясяткі тысяч чалавек пасля падзей 2020 года; ☑️ прапанавалі правесці сумесную інфармацыйную кампанію ў падтрымку Анджэя Пачобута і іншых беларускіх палітзняволеных; ☑️ запрасілі далучыцца да Дня салідарнасці з Беларуссю 25 сакавіка; ☑️ узнялі пытанне выдзялення памяшканняў для беларускіх арганізацый, ініцыятыў, у тым ліку беларускага тэатра, школы, мастацкай галерэі; ☑️ папрасілі працягнуць праграмы падтрымкі рэпрэсіраваных беларусаў і іх сем'яў па забеспячэнні жыллём; ☑️ абмеркавалі супрацоўніцтва па падрыхтоўцы кадравага рэзерву для новай Беларусі, каб беларусы маглі прайсці стажыроўкі ў гарадскіх установах; ☑️ прапанавалі мэру арганізаваць стыпендыю для беларускіх культурных дзеячаў (як гэта зроблена ў іншых гарадах Польшчы), каб даць ім магчымасць працаваць у Варшаве. Сустрэча Кабінета з новым кіраўніцтвам Польшчы Кіраўніца Кабінета Святлана Ціханоўская і прадстаўнікі Павел Латушка, Валер Кавалеўскі, Валерый Сахашчык, Вольга Гарбунова і Аліна Коўшык сустрэліся з прадстаўнікамі вышэйшых органаў улады Польшчы. На сустрэчах спікеры Сейма і Сената Шыман Галоўня і Малгажата Кідава-Блоньска запэўнілі беларускі бок у поўнай падтрымцы дэмакратычных сіл Беларусі і пагадзіліся з неабходнасцю распрацоўкі новай, больш эфектыўнай стратэгіі па Беларусі дзеля вызвалення палітвязняў і спынення рэпрэсій. Таксама падчас сустрэч з членамі польскіх Сейма і Сената: ☑️ польскія палітыкі пагадзіліся правесці слуханні па Беларусі ў Сейме і Сенаце, пасля якіх мусіць быць прынятая рэзалюцыя — плануецца, што дакумент ухваліць падтрымку еўрапейскага выбару Беларусі, неабходнасць неадкладнага вызвалення палітзняволеных і падтрымае прыцягненне рэжыму Лукашэнкі да адказнасці; ☑️ абмеркавалі стварэнне беларускіх школ у Польшчы і пашырэнне магчымасцей для беларускамоўнай адукацыі дзяцей; ☑️ разгледзелі пытанне стажыровак для маладых беларусаў у сферы дыпламатыі — супрацоўніцтва плануецца ладзіць у рамках праекта Кабінета па навучанні будучых спецыялістаў для пераходнага перыяду «Кадравы рэзерв» ; ☑️ Шыман Галоўня ўзяў аднаго з беларускіх палітзняволеных пад патранаж – і заклікаў зрабіць тое ж самае іншых парламентарыяў. Праграма Каліноўскага, стварэнне новага даследчага ўніверсітэта і стажыроўкі для кадравага рэзерву новай Беларусі Кіраўніца Кабінета Святлана Ціханоўская, прадстаўніца па нацыянальным адраджэнні Кабінета Аліна Коўшык і яе намеснік Павел Баркоўскі, намеснік прадстаўніка па транзіце ўлады Кабінета Юрый Губарэвіч правялі працоўную сустрэчу з намеснікам міністра навукі і вышэйшай школы Польшчы прафесарам Анджэем Шэптыцкім, профільнымі супрацоўнікамі міністэрства, а таксама са спецпрадстаўніком па справах дэмакратычнай Беларусі Артурам Міхальскім. Падчас сустрэчы кіраўніца Кабінета надала асаблівую ўвагу праграмам польскіх улад, якія сталі важнымі сімваламі падтрымкі Беларусі і яе грамадзянскай супольнасці, – гэта праграма Каліноўскага, Вольны ўніверсітэт і Цэнтр усходнееўрапейскіх даследаванняў Варшаўскага ўніверсітэта. Прадстаўніца па нацыянальным адраджэнні Аліна Коўшык: «На сустрэчы гучала, што больш за 12 тысяч беларускіх студэнтаў навучаюцца ў Польшчы. Гэта дазваляе ім атрымліваць добрую еўрапейскую адукацыю і вопыт жыцця ў дэмакратычным асяроддзі, што супрацьстаіць тэндэнцыі на атрыманне вышэйшай адукацыі ў Расіі. Наша мэта – падтрымка рэпрэсіраваных беларускіх студэнтаў і навукоўцаў. Важна ўзмацняць ініцыятывы па падтрымцы беларускай навукі за мяжой: ад стварэння новага беларускага даследчага ўніверсітэта ў Польшчы да ўзмацнення Цэнтра ўсходнееўрапейскіх даследаванняў Варшаўскага ўніверсітэта. Таксама мы размаўлялі пра стажыроўкі і курсы ў рамках праграмы «Кадравы рэзерв для Новай Беларусі». Наша сустрэча была прадуктыўнай і паспрыяла больш глыбокаму разуменню магчымасцей для супрацоўніцтва». 10 студзеня: Прадстаўнікі Кабінета сустрэліся з прэзідэнтам Польшчы Анджэем Дудам Кіраўніца і прадстаўнікі Кабінета прынялі ўдзел ва ўрачыстым прыёме прэзідэнта Польшчы Анджэя Дуды, падчас якога выступілі беларускія калядоўшчыкі. Анджэй Дуда прыняў кіраўніцу і прадстаўнікоў Кабінета ў прэзідэнцкай рэзідэнцыі ў Бельведэры. Ён выказаў поўную падтрымку кіраўніцы АПК, дэмакратычным сілам і народу Беларусі ў барацьбе за свабоду. Анджэй Дуда падкрэсліў, што Польшча працягне падтрымліваць беларускую грамадзянскую супольнасць і медыя, а ён сам на кожнай міжнароднай сустрэчы звяртае ўвагу партнёраў на важнай ролі Беларусі ў бяспецы Еўропы. Прадстаўнікі Кабінета і прэзідэнт Польшчы Дуда абмеркавалі: ☑️ сітуацыю ў Беларусі і сітуацыю ва Украіне. Агучана прапанова Польшчы зрабіць усё магчымае, каб Беларусь не стала «суцяшальным прызам» для Пуціна; ☑️ сумесныя мерапрыемствы і дзеянні ў міжнародных арганізацыях, у тым ліку ў ААН; ☑️ сітуацыю з палітзняволенымі, у тым ліку з Анджэем Пачобутам, якога трымаюць у стане інкамунікада. Палітыкі абмеркавалі, што можна зрабіць для іх вызвалення. Прадстаўнікі Кабінета заклікалі працягваць ціск на рэжым, а таксама выкарыстоўваць механізмы прыцягнення рэжыму да адказнасці за рэпрэсіі супраць беларусаў і за злачынствы супраць Украіны; ☑️ магчымыя мерапрыемствы на працягу года ў фармаце Люблінскага трохкутніка, чальцамі якога з’яўляюцца Польшча, Літва і Украіна. Прадстаўнікі Кабінета папрасілі, каб Беларусь таксама была ўключана ў гэты фармат. Пасля сустрэчы прэзідэнт Дуда і чальцы Аб’яднанага Пераходнага Кабінета накіраваліся ў залу для прыёмаў, дзе адбылася сустрэча з прадстаўнікамі беларускай грамадзянскай супольнасці. Удзел у сустрэчы прынялі больш за 150 актывістаў, экспертаў, журналістаў і інш. Прэзідэнт Дуда ў выступленні на прыёме падкрэсліў, што ён будзе падтрымліваць дэмакратычныя памкненні Беларусі, сказаў, што адчувае боль і падтрымлівае барацьбу беларусаў. Святлана Ціханоўская звярнулася да прысутных са словамі падтрымкі, а потым калядоўшчыкі – гурт пад кіраўніцтвам Сяргея Доўгушава – праспявалі беларускія народныя песні. Беларускамоўныя школы і ліцэі ў Польшчы, беларуская мова як замежная ў польскіх школах Кіраўніца Кабінета Святлана Ціханоўская і яе намеснік Павел Латушка, прадстаўніца па нацыянальным адраджэнні Кабінета Аліна Коўшык і яе намеснік Павел Баркоўскі сустрэліся з міністрам школьнай адукацыі Польшчы Барбарай Навацкай і абмеркавалі: ☑️ сітуацыю з адкрыццём у Польшчы беларускамоўных школ, а таксама вывучэннем беларускай мовы як замежнай у польскіх школах (цяпер у польскіх школах навучаецца больш за 25 тысяч беларускіх дзяцей); ☑️ сітуацыю з беларускімі ліцэямі на Падляшшы і магчымасць для беларускай меншасці, якая там пражывае, атрымліваць адукацыю на беларускай мове. Прадстаўнікі Кабінета, якія бралі ўдзел у сустрэчы, звярнулі ўвагу міністра на неабходнасць навучання і стажыровак для беларускіх настаўнікаў і магчымасць адкрыцця беларускіх школ выхаднога дня ў Польшчы. Падтрымка рэпрэсіраваных спартсменаў, нядопуск да міжнародных спаборніцтваў прарэжымных спартсменаў Кіраўніца Кабінета Святлана Ціханоўская, прадстаўнік Кабінета па транзіце ўлады Павел Латушка і яго намеснік Міхаіл Залеўскі сустрэліся з міністрам спорту Польшчы Славамірам Вітольдам Нітрасам і абмеркавалі: ☑️ падтрымку беларускіх рэпрэсіраваных спартсменаў і магчымасць іх удзелу ў спаборніцтвах і Алімпійскіх гульнях; ☑️ пытанне нядопуску да спаборніцтваў прарэжымных спартсменаў, якія падтрымалі тэрор і рэпрэсіі. Кіраўніцы і прадстаўнікі Аб’яднанага Пераходнага Кабінета, адказныя за гэтыя пытанні, звярнулі ўвагу на тое, што беларускім незалежным спартсменам неабходныя ўмовы для трэніровак і іншая падтрымка з боку Польшчы. Еўрапейская будучыня для Беларусі, міграцыйныя праблемы беларусаў, падтрымка грамадзянскай супольнасці Кіраўніца і прадстаўнікі Кабінета правялі брыфінг для дыпламатычнай супольнасці ў пасольстве Канады ў Варшаве У брыфінгу ўдзельнічалі Святлана Ціханоўская, Валер Кавалеўскі, Павел Латушка, Вольга Гарбунова, Аліна Коўшык і больш за 30 паслоў розных краін: Іспаніі, Нідэрландаў, Ірландыі, Вялікабрытаніі, Швецыі, Чэхіі, Літвы і інш. Падчас брыфінгу абмеркавалі: ☑️ сітуацыю з палітзняволенымі. Прадстаўнікі АПК заклікалі прысутных да больш рашучых дзеянняў для іх вызвалення з прыцягненнем міжнародных арганізацый; ☑️ падтрымку незалежных медыя, праваабаронцаў і ініцыятыў грамадзянскай супольнасці; ☑️ пытанні бяспекі і размяшчэння ядзернай зброі; ☑️ важнасць еўрапейскай будучыні Беларусі як альтэрнатывы «рускаму свету»; ☑️ працэдуры легалізацыі беларусаў, выдачы віз, ВНЖ і інш. Прадстаўнікі Аб’яднанага Пераходнага Кабінета расказалі аб праекце новага нацыянальнага пашпарта, папрасіла дыпламатаў трымаць Беларусь на парадку дня і не дазволіць Расіі паглынуць нашу краіну, заклікала актывізаваць міжнародныя механізмы па прыцягненні рэжыму да адказнасці. Падчас дыскусіі слова ўзялі паслы Германіі, Швецыі і іншых краін. Пытанні ў асноўным тычыліся знаходжання беларусаў за мяжой, праекта новага пашпарта і так званых «выбараў», якія збіраецца правесці рэжым у Беларусі.

Павел Паўлавіч Латушка: намеснік кіраўніцы Аб'яднанага Пераходнага Кабінета Беларусі, кіраўнік Народнага антыкрызіснага ўпраўлення, пасол У пачатку года Лукашэнка падпісаў папраўкі ў Закон аб Прэзідэнце Рэспублікі Беларусь. Сярод іншых выгод новым законам праяўляецца асаблівы клопат аб імунітэце дыктатара і членаў яго сям'і. І, як вы можаце здагадацца, гаворка ідзе не пра здароўе Лукашэнкі, які старэе. Так, Лукашэнка адчувае, што яго імунітэт, якім паводле звычаю надзяляюцца кіраўнікі дзяржаў, ужо не справіцца з наступствамі тых злачынстваў, якія ён учыніў за апошнія тры з паловай гады. Таму дыктатар вырашыў «лячыць» падобную праблему адзіным вядомым яму спосабам — калі сёння няма закона, які гарантуе яму нешта, то такі закон трэба прыдумаць. І калі ва ўзаемаадносінах з народам, які знаходзяцца ў закладніках у дыктатара, такі метад можа быць эфектыўным (сістэма, на жаль, можа перажыць дыктатара), то вось якую сілу такі закон будзе мець за межамі Беларусі? А імунітэт жа службовых асоб дзяржавы — гэта ў першую чаргу прававая канцэпцыя, якая рэгулюе ўзаемаадносіны паміж дзяржавамі. Давайце разгледзім, наколькі такі захад можа быць эфектыўным Згодна з нормамі звычайнага міжнароднага права, імунітэт выцякае з прынцыпу суверэннай роўнасці дзяржаў і прызначаны для ўстанаўлення межаў прымянення юрысдыкцыі дзяржаў ва ўзаемаадносінах паміж сабой. Дзяржаўны імунітэт распаўсюджваецца на асоб у розных формах у залежнасці ад іх дачынення да дзяржавы, якую яны прадстаўляюць, галоўным чынам для забеспячэння недатыкальнасці такіх асоб ад крымінальнай і грамадзянскай юрысдыкцыі іншых дзяржаў. Асобы, якія прадстаўляюць дзяржаву, могуць карыстацца двума формамі імунітэту: асабісты, функцыянальны. Функцыянальны імунітэт распаўсюджваецца, як правіла, на ўсіх прадстаўнікоў дзяржавы, якія дзейнічаюць у афіцыйнай плоскасці. Пры гэтым такі імунітэт не пакрывае дзеянняў асобы, якія здзейсненыя ў асабістай якасці (прыватныя дзеянні). Аднак! У цяперашні час шырока прызнана, што міжнароднае права распрацавала выключэнні з функцыянальнага імунітэту, калі гаворка ідзе пра судовы пераслед за найбольш сур'ёзныя міжнародныя злачынствы, такія як злачынствы супраць чалавечнасці і ваенныя злачынствы, да прыкладу. Існуюць розныя тэорыі і абгрунтаванні гэтага выключэння, у тым ліку, па-першае, некаторыя навукоўцы сцвярджаюць, што абавязак ажыццяўляць судовы пераслед і ўстрымлівацца ад здзяйснення міжнародных злачынстваў складаюць абавязковыя нормы, якія маюць прыярытэт над іншымі нормамі міжнароднага права. Па-другое, распаўсюджаная сярод экспертаў пазіцыя складаецца ў тым, што прымаючы міжнародныя дамовы, якія ўтрымліваюць абавязацельствы па пераследзе злачынстваў у адпаведнасці з міжнародным правам, дзяржавы ўскосна адмаўляюцца ад імунітэту сваіх службовых асоб, якія ўчынілі такія злачынствы. Гэтая лінія разваг легла ў аснову справы Піначэта, разгледжанай Палатай лордаў Вялікабрытаніі, якая пастанавіла, што функцыянальны імунітэт за злачынства катаванняў быў імпліцытна адменены тымі дзяржавамі, якія прынялі Канвенцыю супраць катаванняў 1984 года. Найбольш прагрэсіўная пазіцыя, якая мае шырокую падтрымку сярод экспертнай супольнасці: у рамках звычайнага міжнароднага права з'явілася выключэнне, якое прадугледжвае, што функцыянальны імунітэт не распаўсюджваецца на ажыццяўленне юрысдыкцыі ў дачыненні да найбольш сур'ёзных міжнародных злачынстваў, такіх як злачынствы супраць чалавечнасці. Паводле прынятых паправак, Аляксандр Лукашэнка пасля спынення выканання сваіх паўнамоцтваў будзе валодаць недатыкальнасцю. Ён не можа быць прыцягнуты да адказнасці за дзеянні, учыненыя ў сувязі з ажыццяўленнем ім прэзідэнцкіх паўнамоцтваў, а таксама ў сувязі з гэтым затрыманы, іншым чынам пазбаўлены асабістай свабоды, падвергнуты следчым і іншым працэсуальным дзеянням. Акрамя таго, члены яго сям'і (у першую чаргу гаворка пра дзяцей), таксама будуць валодаць аналагічнай недатыкальнасцю. Такім чынам прынятыя папраўкі прама ўтрымліваюць адсылку да функцыянальнага імунітэту, а менавіта да афіцыйных дзеянняў, да якіх па вызначэнні не могуць дачыняцца тыя, якія звязаныя з учыненнем найбольш сур'ёзных міжнародных злачынстваў. Таму гэты Закон прадстаўляе свайго роду плацэба для дыктатара, які фактычна прызначаны для імітацыі імунітэту Аляксандра Лукашэнкі, якога ў рэальнасці так і не ўзнікла. У сваю чаргу, тры найбольш высокія службовыя асобы дзяржавы, якімі па звычаі прызнаюцца кіраўнік дзяржавы, кіраўнік урада і міністр замежных спраў, акрамя функцыянальнага таксама карыстаюцца асабістым імунітэтам. Асабісты імунітэт дзейнічае датуль, пакуль асоба займае адпаведную пасаду, і распаўсюджваецца не толькі на афіцыйныя, але і на прыватныя дзеянні. Асабісты імунітэт перастае прымяняцца, калі асоба пакідае сваю пасаду або губляе свой статус, але працягвае прымяняцца да афіцыйных дзеянняў, здзейсненым у той час, калі асоба займала сваю пасаду або мела статус. Варта ўлічваць, што ў сувязі з некаторым прызнаннем Аляксандра Лукашэнкі ў якасці асобы, якая працягвае кантраляваць сістэму дзяржаўнага кіравання ў Беларусі, некаторыя дзяржавы могуць прызнаваць за ім права карыстання прывілеямі асабістага імунітэту. А для магчымасці пераследу асобы, якая валодае асабістым імунітэтам, ніякіх выключэнняў не існуе ў адпаведнасці з дзеючым міжнародным правам. Аднак важна памятаць, што пасля таго як Аляксандр Лукашэнка спыніць выконваць функцыі кіраўніка рэжыму, ні функцыянальны, ні асабісты імунітэт не будуць распаўсюджвацца на дзеянні, учыненыя ім у бытнасць кіраўніка ў асабістай якасці, яго міжнародныя злачынствы ў прыватнасці. Любая дзяржава, якая валодае жаданнем і неабходным заканадаўствам, будзе мець магчымасць прыцягнуць Аляксандра Лукашэнку да адказнасці за гэтыя злачынствы ў рамках сваёй нацыянальнай юрысдыкцыі. Пры гэтым члены сям'і Аляксандра Лукашэнкі не маюць ніякіх асабістых імунітэтаў. У выпадку іх датычнасці да міжнародных злачынстваў могуць быць падвергнутыя крымінальнаму пераследу ў любой краіне ўжо цяпер. Разам з гэтым, у цяперашні час шэраг дзяржаў пачалі дапускаць магчымасць непрызнання асабістых імунітэтаў дзеючых кіраўнікоў дзяржаў, калі гаворка ідзе пра найбольш сур'ёзныя міжнародныя злачынствы. Яскравым прыкладам з'яўляецца нядаўна выдадзены французскім судом ордэр на арышт дзейнага прэзідэнта Сірыі Башара Асада за злачынствы супраць чалавечнасці. Аднак! Важна памятаць, што спасылкі на імунітэт актуальныя толькі ў кантэксце крымінальнага пераследу ў нацыянальных юрысдыкцыях. Сёння міжнародныя злачынствы Аляксандра Лукашэнкі ўжо знаходзяцца ў фокусе ўвагі Міжнароднага крымінальнага суда, у рамках працэдур якога ніякіх імунітэтаў проста не існуе. І НАУ ў гэтым пытанні абавязкова зробіць усё магчымае, каб спрыяць давядзенню да лагічнага фіналу ўсіх неабходных працэдур. Ва ўмовах наяўнасці ордэра на арышт, выдадзенага Палатай папярэдняй вытворчасці Міжнароднага крымінальнага суда, любая дзяржава-ўдзельнік Рымскага Статута абавязана ажыццявіць працэдуру выдачы адпаведнай асобы ў выпадку з'яўлення такой у межах юрысдыкцыі гэтай дзяржавы. І ніякі закон, прыняты ў Беларусі, ні на што не паўплывае. У якасці прыкладу механізму працы гэтага інструмента мы рэкамендуем азнаёміцца з лёсам былога прэзідэнта Судана, блізкага сябра дыктатара Лукашэнкі Амара аль-Башыра, які 10 гадоў хаваўся ад міжнароднага правасуддзя, а кожны яго выезд за межы краіны суправаджаўся пастаяннымі рызыкамі арышту. Гэты лёс для Аляксандра Лукашэнкі ўжо непазбежны. А новы закон — гэта плацэба для дыктатара ад ягонага атачэння, якое, магчыма, на нейкі час і палепшыць ягоны маральны стан за кошт самаўнушэння, але ні ў якім разе не паўплывае на адсутнасць у яго імунітэту ад міжнароднага крымінальнага пераследу.

Павел Паўлавіч Латушка: намеснік кіраўніцы Аб'яднанага Пераходнага Кабінета Беларусі, кіраўнік Народнага антыкрызіснага ўпраўлення, пасол Сёлета ў польска-беларускіх стасунках надыходзіць своеасаблівы юбілей — 30 гадоў па той бок усходняй мяжы Польшчы ва ўладзе будзе знаходзіцца рэжым дыктатара Лукашэнкі. У адносінах Польшчы і Беларусі пад кіраваннем рэжыму Лукашэнкі былі розныя часы, але такога марозу ў сучаснай гісторыі не было ніколі. Гэта не фігура мовы — сёння гэтыя адносіны літаральна замарожаныя. Пры гэтым, важна абмовіцца — замарожаныя яны менавіта з рэжымам Лукашэнкі, у той час як з беларускімі дэмакратычнымі сіламі стасункі Польшчы яшчэ ніколі не былі настолькі блізкімі і саюзніцкімі. Паводле звестак справаздачы Цэнтра права і дэмакратыі Justice Hub, з мая 2020 года ахвярамі злачынстваў рэжыму Лукашэнкі супраць чалавечнасці сталі не менш за 136 тысяч чалавек. Незаконнае пазбаўленне волі, катаванні, забойствы, згвалтаванні і іншыя цяжкія формы сэксуальнага гвалту, у тым ліку ў дачыненні да непаўнагадовых, гвалтоўныя знікненні, дэпартацыі — вось што сёння адбываецца за ўсходняй сцяной Польшчы. Гэты напад на грамадзянскае насельніцтва — гэта дзяржаўная палітыка рэжыму Лукашэнкі. З сотняў тысяч беларусаў, якія бягуць ад гэтай «палітыкі», большасць прыняла і працягвае прымаць у сябе менавіта Польшча. Аказваемую ёю дапамогу складана пераацаніць, Польшча літаральна з'яўляецца лідарам у Еўропе па падтрымцы беларускага народа. І адным з самых актыўных драйвераў у пытанні ціску на злачынны рэжым Лукашэнкі. Гэтая роля, безумоўна, спалучаная і з сур'ёзнымі пагрозамі, якія гэты рэжым стварае для Польшчы. За падтрымку беларусаў у 2021 годзе Лукашэнка фактычна абвясціў Польшчы гібрыдную вайну. Яе складнікамі з'яўляецца і міграцыйны крызіс, асноўны ўдар ад якога прыняла на сябе Польшча, і рэпрэсіі ў дачыненні да польскай нацыянальнай меншасці ў Беларусі. Гэта і інфармацыйная вайна ў выглядзе ашалелай антыпольскай прапаганды. Вайна канчаткова паказала, што словы Лукашэнкі не вартыя нічога. За абяцаннем дыктатара, што ніводзін салдат не ўвойдзе ва Украіну з тэрыторыі Беларусі, якое ён даваў напярэдадні пачатку вайны, рушыў услед подлы ўдар у спіну і крывавая разня ў Бучы, Ірпене, Гастамелі, Барадзянцы. А сёння гэты ж чалавек распавядае пра важнасць міру. Пра суседзяў, якія «ад бога». А ягоная ценявая дыпламатыя зноў спрабуе пракруціць стары трук, пасылаючы Захаду сігналы аб тым, што Лукашэнка — «гарант суверэнітэту», што яму зноў трэба «даць прастору для манеўру». Напэўна падобныя сігналы з-за сцяны павінны прыходзіць і ў Польшчу. А ўлічваючы ўсе праблемы, якія стварыў і працягвае ствараць Польшчы агрэсар за сцяной, здаецца, што з ім сапраўды ёсць пра што пагаварыць. Паспрабаваць дамовіцца. Паспрабаваць паверыць яму... у які раз. І паспрабаваць ухіліцца ад удару ў спіну, які рушыць услед за яго абяцаннямі.

2023 год – што нам ўдалося зрабіць? ☑️ Выдадзены першыя 6 ордэраў на міжнародны вышук прадстаўнікоў рэжыму Лукашэнкі: у тым ліку ў дачыненні да кіраўнікоў Акрэсціна і турмы ў Жодзіна. Каманда НАУ працягвае суправаджэнне дзясяткаў спраў беларусаў у Польшчы, Літве, Швейцарыі, Германіі, Чэхіі і іншых краінах. ☑️ Падрыхтаваны 2 камунікацыі ў Міжнародны крымінальны суд у Гаазе, матэрыялы для Генпракуратуры Украіны, якія пацвярджаюць дачыненне Лукашэнкі да ваенных злачынстваў. Дадзеныя каманды НАУ былі пацверджаныя дакладам Ельскага ўніверсітэта (ЗША). Камандай НАУ передадзены Амбудсмену Украіны звесткі аб дзецях, якія сталі аб’ектам незаконнага перамяшчэння. Матэрыялы былі прадстаўлены на мерапрыемствах Асамблеі МКС у Нью-Ёрку. На Аляксея Талая, саўдзельніка ў злачынстве па незаконным перамяшчэнні дзяцей, ва Украіне ўзбуджана крымінальная справа. ☑️ Прадстаўніцтва на Еўрапейскіх гульнях. Па афіцыйным запрашэнні Міністэрства спорта і турызма Польшчы, а таксама Аргкамітэта спаборніцтваў беларуская дэлегацыя, у склад якой увайшлі прадстаўнікі Аб’яднанага Пераходнага Кабінета, каманды НАУ і вольныя беларускія спартсмены, прыняла ўдзел ў цэрымоніі адкрыцця III Еўрапейскіх гульняў у Кракаве. ☑️ Сенат Чэхіі прызнаў КДБ і ГУБАЗіК арганізацыямі, якія падтрымліваюць тэрарызм. ☑️ На падставе у тым ліку матэрыялаў, падрыхтаваных камандай НАУ, прыняты шэраг рэзалюцый Еўрапарламента і Савета Еўропы, Вярхоўнай Рады Украіны, Бундэстага, Сената Чэхіі і іншых. Прадстаўленне дэмсілаў Беларусі на міжнародных сустрэчах, прэзентацыі ў Еўрапарламенце, Савеце Еўропы, на міжнародных форумах, сустрэчы з кіраўнікамі ўрадаў і парламентаў, міністрамі і прадстаўнікамі МЗС Польшчы, Літвы, Германіі, Францыі, Славакіі, Украіны, Чэхіі, Эстоніі, Аўстрыі і іншых дзяржаў. Створаны працоўныя групы па ўзаемадзеянні з ЕС і ЗША. ☑️ Цэнтр даследванняў Усходняй Еўропы Варшаўскага ўніверсітэта адкрыў 4-ы набор праграмы «Новыя кадры для Новай Беларусі, якая была створана ў 2020 годзе пры падтрымцы Народнага антыкрызіснага ўпраўлення. ☑️ Па ініцыятыве НАУ ўдзельнікамі мітынгу ў Варшаве 1 лістапада прынята рэзалюцыя, змест якой быў уключаны ў рэзалюцыю Еўрапарламента ад 13 снежня аб вызваленні палітзняволенных у Беларусі. ☑️ Падрыхтаваны шэраг аналітычных і экспертных заключэнняў па пытаннях знешняй палітыкі, унутранай сітуацыі ў Беларусі, міжнароднага права і беларускага «заканадаўства». ☑️ Падрыхтаваны шэраг дакладаў і справаздач, у якіх сабраныя доказы і факты з мэтай далейшай працы каманды НАУ: сумесна з партнёрамі падрыхтавана справаздача аб злачынствах супраць чалавечнасці рэжыма Лукашэнкі; справаздача аб пагрозах Саюзнай дзяржавы; даклад аб пераследзе рэжымам Лукашэнкі беларусаў, якія выехалі за межы Беларусі. ☑️ Адбыліся сустрэчы з прадстаўнікамі беларускай грамадзянскай супольнасці, беларускай дыяспары, на якіх вырашаліся пытанні легалізацыі беларусаў за мяжой, а таксама праблемы, з якімі сутыкаюцца беларусы ў сувязі з вымушаным пераездам у іншыя краіны. Аказана садзейнічанне са станоўчым вынікам дзясяткам беларусаў па пытаннях вырашэння індывідуальных кейсаў, звязаных з візавай падтрымкай і вырашэннем пытанняў легалізацыі, сітуацыі на польска-беларускай мяжы. ☑️ Аказана матэрыяльная дапамога: беларускім добраахвотнікам перададзены пазадарожнік, сабрана дапамога на суму 15 тысяч еўра; сем’ям палітвязняў дапамога ў памеры больш як 4,5 тысячы еўра. ☑️ Падрыхтаваны спіс 179 спартсменаў, афіляваных з сілавымі і ваеннымі структурамі рэжыму, з мэтай недапушчэння ўдзелу ў міжнародны спаборніцтвах, у тым ліку ў Алімпійскіх гульнях у 2024 годзе. ☑️ Сукупная колькасць праглядаў матэрыялаў на старонках у сацыяльных сетках НАУ за год перавысіла 72 мільёны. Каманда НАУ суправаджае 17 старонак у сацыяльных сетак для аб’ектыўнага інфармавання беларусаў і замежных партнёраў. Сістэмная супраца з міжнароднымі і сусветнымі медыя: Associated Press, Reuters, The Telegraph, RFI, The Wall Street Journal, The Washington Post, PAP, AFP, Укрінформ і іншымі. Далучайцеся да нас у сацыяльных сетках: Telegram Instagram YouTube YouTube PL Twitter Facebook Viber TikTok TikTok PL LinkedIn Народнае антыкрызіснае ўпраўленне: Telegram Instagram YouTube Twitter Facebook Сайт TikTok Вынікі працы Музея Вольнай Беларусі — праекта НАУ ☑️ Праведзена больш за 150 мерапрыемстваў, удзельнікамі якіх сталі больш за 8,5 тысяч чалавек; арганізавана 3 паседжанні АПК, паседжанні КР. ☑️ На дзейнасць музея і для падтрымкі беларускай культуры прыцягнута больш за 40 тысяч еўра спонсарскай дапамогі. ☑️ Міністэрствам замежных спраў Польшчы і Нацыянальным цэнтрам культуры пры ўдзеле віцэ-прэм’ера Польшчы і міністра культуры і нацыянальнай спадчыны ў музей перададзены плакаты калекцыі «Бел-чырвона-белы». ☑️ Устаноўлены партнёрскія стасункі музея з амбасадамі краін: Амбасадай Германіі ў Польшчы, Прадстаўніцтвам Фландрыі ў Польшчы і краіных Балтыі, Амбасадай Канады. Наладжана супрацоўніцтва з шэрагам арганізацый: Цэнтрам дыялога ім. Ю. Мірашэўскага, Старамейскім Домам культуры, Нацыянальным інстытутам музеяў і іншымі. Вынікі працы па накірунку санкцыйнага ціску ☑️ ЕС, ЗША, Польшчай, Украінай, Канадай, Вялікабрытаніяй і іншымі краінамі ўведзены санкцыі ў адносінах да больш як 340 фізічных асоб і дзясяткаў арганізацый рэжыму Лукашэнкі. ☑️ Падрыхтаваны прапановы па ўдасканаленні санкцыйнай палітыкі ЕС і ЗША, шэрагу іншых краін, у тым ліку па пытаннях гарманізацыі санкцый у адносінах да рэжыму Лукашэнкі і Расіі, захадаў па рэгуліраванні гандлю, фінансавых абмежаванняў. Накіравана звыш 100 лістоў у адрас нашых партнёраў. ☑️ Праведзена кампанія па супрацьдзеянні лабіраванню паслаблення санкцый на калійныя ўгнаенні, у выніку чаго санкцыі ў дачыненні да калію былі захаваны. ☑️ Распрацаваны і накіраваны аналітычныя дакументы, у якіх прыводзіцца анаіз наступстваў дзеючых санкцый і адпаведных прапаноў аб павышэнні эфектыўнасці з мінімальнымі «пабочнымі эфектамі». Асаблівае «прызнанне» значнасці нашай працы: за год на членаў каманды НАУ беларускім рэжымам узбуджана 5 новых крымінальных спраў, адбыўся арышт маёмасці членаў каманды НАУ. За год было атрымана не менш за 10 пагроз фізічнай ліквідацыі і дзясяткі пагроз гвалту. Аднак Народнае антыкрызіснае ўпраўленне не спыніць сваю працу. За гэты год мы працавалі для беларусаў і для будучай дэмакратычнай, еўрапейскай і незалежнай Новай Беларусі. Мы не спынімся! Мы будзем удзячныя за падтрымку нашай працы. Аб тым, як можна дапамагчы НАУ, па спасылцы. Жыве Беларусь!

Павел Латушка пра паглыблены крызіс з фундаментальнымі правамі чалавека ў Беларусі ў інтэрв'ю «Голасу Амерыкі» У «Індэксе чалавечай свабоды», складзеным даследчым цэнтрам Інстытута Катона (ЗША) і аналітычным цэнтрам Інстытута Фрэйзера (Канада), Беларусь за мінулы год апусцілася на сем пазіцый. Пры складанні рэйтынгу ўлічваецца 86 паказчыкаў, у тым ліку стан асабістых, грамадзянскіх і эканамічных свабод, сітуацыя з бяспекай, свабодай веравызнання, правам на ўласнасць і гэтак далей. У сусветным «Індэксе чалавечай свабоды» Беларусь у 2023 годзе заняла 133-е месца — разам з Нікарагуа, Марока і Конга. У параўнанні з 2022 годам краіна страціла сем пазіцый, апусціўшыся з 126-га месца. Як адзначаюць складальнікі рэйтынгу, за год у Беларусі становішча пагоршылася па ўсіх трох паказчыках — у асабістай, грамадскай і эканамічнай свабодах. Па ўсіх гэтых паказчыках палітыка мінскага рэжыму адкінула Беларусь у «склеп» сусветнага рэйтынгу. Для параўнання, сярод суседніх краін найлепшы паказчык мае Латвія (15-е месца), за ёй ідуць Літва (17) і Польшча (47). Украіна знаходзіцца на 83-м радку, Расія — на 121-м. Цяперашні «Індэкс чалавечай свабоды» ацэньвае сітуацыю ў 185 краінах і тэрыторыях, якія ахопліваюць 98,8% насельніцтва Зямлі. «Чаму сусветная грамадскасць не кажа, што Нобелеўскі лаўрэат міру асуджаны на 10 гадоў турмы?» Намеснік кіраўніка Аб'яднанага Пераходнага Кабінета, кіраўнік Народнага антыкрызіснага ўпраўлення Павел Латушка лічыць такую нізкую пазіцыю Беларусі ў «Індэксе чалавечай свабоды» сведчаннем таго, што Лукашэнка, фактычна «абнуліў» у краіне правы чалавека. І сітуацыя ў гэтых адносінах стала, па яго словах, катастрафічнай. «Аб дэмакратыі ў Беларусі наогул нельга казаць, калі там кіруе таталітарны, жорсткі рэжым, які выбудоўвае сістэму татальнага кантролю за ўсімі інстытутамі грамадства і за канкрэтнымі грамадзянамі», — падкрэсліў Латушка ў гутарцы з карэспандэнтам Рускай службы «Голасу Амерыкі». Апазіцыянер таксама адзначае, што сёння Беларусь з'яўляецца адным з сусветных рэкардсменаў па колькасці палітычных зняволеных. «Прызнаных арганізацыяй "Вясна" іх 1500, а ў рэальнасці эксперты кажуць пра тое, што гэтую лічбу неабходна памножыць у разы. Вельмі многія людзі не прызнаныя (палітычнымі зняволенымі), ці мы нават не ведаем пра іх знаходжанне ў турмах. У Беларусі летась былі ліквідаваныя ўсе апазіцыйныя палітычныя партыі, за апошнія паўтара года было ліквідавана 1440 няўрадавых арганізацый — усе тыя, хто супрацоўнічаў з Еўропай, ЗША, Канадай, Вялікабрытаніяй, з іншымі дэмакратычнымі краінамі. У Беларусі няма ніводнага незалежнага СМІ — яны проста перасталі існаваць як на нацыянальным, так і на рэгіянальным узроўні. Усе яны працуюць з-за мяжы», — пералічвае Павел Латушка. Па словах кіраўніка НАУ, у беларускіх месцах зняволення штодня катуюць палітвязняў, і пра лёс многіх вядомых апазіцыйных палітыкаў і грамадзянскіх актывістаў нічога не вядома на працягу некалькіх месяцаў. «Нобелеўскі лаўрэат міру Алесь Бяляцкі знаходзіцца ў турме, і ў мяне выклікае пачуццё неразумення маўчанне свету пра гэта! Чаму сусветная грамадскасць не кажа пра тое, што Нобелеўскі лаўрэат міру асуджаны на 10 гадоў турмы і знаходзіцца ў жудасных умовах?», — усклікае суразмоўца «Голасу Амерыкі». І працягвае, што рэпрэсіі, якія чыняцца мінскім рэжымам, палітычныя, грамадскія, сацыяльныя перацякаюць і ў эканамічную сферу. «Напрыклад, у Беларусі ўжо больш за паўтара года не рэгіструюцца індывідуальныя прадпрымальнікі. У турмах — сотні беларускіх бізнэсоўцаў, падаткі растуць, усё больш галін эканомікі падлягаюць ліцэнзаванню. Усё гэта прыводзіць да актыўнай міграцыі беларусаў. Па дадзеных Парламенцкай асамблеі Савета Еўропы, якія былі апублікаваныя ў маі мінулага года, ад 250 000 да 500 000 беларусаў пакінулі краіну на працягу апошніх трох гадоў», — прыводзіць доказы намеснік кіраўніка Аб'яднанага Пераходнага Кабінета. На думку Паўла Латушкі абвастрэнне сітуацыі ўнутры Беларусі пагражае небяспекай і ўсяму свету. І вось чаму: «Раней у краінах вольнага свету праблема правоў чалавека была прыярытэтам, і ніхто не гатовы быў уявіць сабе, што такая сітуацыя, як у сённяшняй Беларусі, магчымая ў прынцыпе. А цяпер многія краіны пачынаюць глядзець на нашу сітуацыю паводле прынцыпу: "Ну, гэта адбываецца дзесьці там, і да нас гэта не мае дачынення". Але калі з'яўляецца такая згодніцкая пазіцыя, то яна ў выніку прывядзе да таго, што заўтра гэта нечакана можа з'явіцца і ўнутры гэтых дэмакратычных краін. І заходнія грамадствы сутыкнуцца з такімі ж праблемамі», — папярэджвае Павел Латушка. Больш высокае ў параўнанні з Беларуссю месца Расіі ў сусветным «Індэксе чалавечай свабоды» ён тлумачыць тым, што палітычныя рэпрэсіі ў Беларусі пачаліся раней і ідуць больш інтэнсіўна. «Мы, напрыклад, ведаем, што паводле звестак "Мемарыяла" ў Расіі 87 палітычных зняволеных, а ў Беларусі паводле звестак "Вясны" — 1500. Насельніцтва ў Расіі — 145 мільёнаў, а ў Беларусі — 9 мільёнаў. У Беларусі няма наогул апазіцыйных палітычных партый, а ў Расіі яны пакуль усё ж такі ёсць, у Беларусі ліквідаваныя ўсе незалежныя НКА, а ў Расіі яны яшчэ існуюць. Гэта значыць узровень рэпрэсій у Беларусі несупастаўны з Расійскай Федэрацыяй», — перакананы Латушка. Ён дадае, што вайна супраць Украіны пачалася з ініцыятывы Расіі, але мінскі рэжым падтрымаў агрэсію. «На мой погляд, за свабоду трэба змагацца заўсёды. Захад павінен гэта зразумець і не ісці на кампрамісы з Лукашэнкам, таму што цягам 30 гадоў стала ясна, да чаго прыводзяць гэтыя кампрамісы. Сёння тэст для сваёй будучыні праходзіць не толькі беларускі народ, тэст праходзіць і дэмакратычны свет, дэмакратычная Еўропа. Калі прайграюць беларусы — заўтра прайграе і дэмакратычны Захад. У гэтым у мяне няма ні найменшага сумневу. У нас складваецца ўражанне, што свет апусціў рукі, ён глядзіць фармальна на тое, што адбываецца ў нашай краіне, а дыктатары разумеюць толькі мову сілы».

Тэма незаконнага перамяшчэння ўкраінскіх дзяцей застаецца на парадку дня ў медыя. Напярэдадні Новага года выйшаў шэраг матэрыялаў, прысвечаных датычнасці Лукашэнкі да ваеннага злачынства, а таксама дакументам, якія былі падрыхтаваныя і перададзеныя ў МКС камандай НАУ. The Associated Press «Павел Латушка, былы міністр культуры Беларусі і апазіцыянер, які прадставіў МКС доказы меркаванай датычнасці Лукашэнкі да незаконнай дэпартацыі дзяцей, сказаў, што прыбыццё новай групы з акупаваных Расіяй тэрыторый "падкрэслівае неабходнасць МКС расследаваць гэтыя злачынствы"». A Referência «Заявы, зробленыя на мерапрыемстве ў чацвер, маюць тэндэнцыю канчаткова ставіць Лукашэнку пад мішэнь МКС, які ўжо знаходзіўся пад ціскам з боку гуманітарных груп і заходніх урадаў». «Прямий» «Нядаўняе даследаванне Ельскага ўніверсітэта выявіла, што больш за 2400 украінскіх дзяцей ад 6 да 17 гадоў былі прывезеныя ў Беларусь з чатырох украінскіх рэгіёнаў, часткова акупаваных расіянамі». «Зеркало недели» «Беларускі дыктатар Аляксандр Лукашэнка ў чацвер, 28 снежня, узяў удзел у арганізаванай урадам сустрэчы з дзецьмі, прывезенымі з часова акупаваных тэрыторый Украіны, адкрыта ігнаруючы міжнароднае асуджэнне датычнасці ягонай краіны да дэпартацыі ўкраінскіх дзяцей». Східний варіант «Самаабвешчаны прэзідэнт Беларусі Аляксандр Лукашэнка ў чацвер наведаў арганізаваную ўрадам сустрэчу з дзецьмі, прывезенымі з акупаваных Расіяй тэрыторый Украіны». Ділова столиця «Павел Латушка заявіў, што прыбыццё новай групы дзяцей з часова акупаваных тэрыторый "падкрэслівае неабходнасць для МКС расследаваць гэтыя злачынствы"». «Главком» «Выступаючы на мерапрыемстве з нагоды прыбыцця новай групы дэпартаваных украінскіх дзяцей напярэдадні навагодніх святаў, беларускі дыктатар цынічна паабяцаў "абняць гэтых дзяцей, сагрэць і зрабіць іх дзяцінства больш шчаслівым"». Сусветныя медыя працягваюць акцэнтаваць ролю Лукашэнкі ў незаконным перамяшчэнні ўкраінскіх дзяцей.

Павел Паўлавіч Латушка: намеснік кіраўніцы Аб'яднанага Пераходнага Кабінета Беларусі, кіраўнік Народнага антыкрызіснага ўпраўлення, пасол «Міністэрства юстыцыі Польшчы будзе надаваць асаблівую ўвагу парушэнням правоў чалавека ў Беларусі», — адзначыў намеснік міністра юстыцыі Польшчы Кшыштаф Сьмішэк падчас сустрэчы з намеснікам кіраўніцы Аб'яднанага Пераходнага Кабінета Беларусі, кіраўніком Народнага антыкрызіснага ўпраўлення Паўлам Латушкам. Дадзеная сустрэча адбылася 4 студзеня ў развіццё дамоўленасцей з новым міністрам юстыцыі Польшчы Адамам Боднарам. Польскім бокам перададзена вітальнае слова ад новага міністра. У ходзе сустрэчы намеснік міністра юстыцыі Польшчы адзначыў, што міністэрства будзе надаваць асаблівую ўвагу пытанням аднаўлення правоў ахвяр грубых парушэнняў правоў чалавека і міжнародных злачынстваў у Беларусі. Павел Латушка падрабязна праінфармаваў аб бягучай абстаноўцы ў Беларусі з акцэнтам на штодзённыя рэпрэсіі і гвалт супраць грамадзянскага насельніцтва Беларусі. Польскаму боку падрабязна даведзена інфармацыя аб ваенных злачынствах, учыненых вышэйшым ваенна-палітычным кіраўніцтвам рэжыму Лукашэнкі ў дачыненні да грамадзянскіх асоб ва Украіне, галоўным чынам у дачыненні да непаўналетніх асоб. Асаблівы акцэнт быў зроблены на неабходнасці забеспячэння адказнасці вышэйшага ваенна-палітычнага кіраўніцтва рэжыму Лукашэнкі за ўчыненыя супраць Украіны злачынствы агрэсіі. У гэтым кантэксце Павел Латушка прадставіў асноўныя напрамкі працы Народнага антыкрызіснага ўпраўлення па прыцягненні Лукашэнкі да адказнасці. Таксама падчас сустрэчы: у адрас польскага боку агучана просьба аб садзейнічанні ў адвакатаванні прыцягнення Лукашэнкі да адказнасці за ўчыненыя ім ваенныя злачынствы і злачынствы супраць чалавечнасці ў МКС; польскаму боку прапанавана стварэнне рабочай групы паміж Міністэрствам юстыцыі Польшчы і Народным антыкрызісным упраўленнем з мэтай распрацоўкі і рэалізацыі канкрэтных механізмаў забеспячэння крымінальнай адказнасці Лукашэнкі; адзін з кіраўнікоў Міністэрства юстыцыі Польшчы адзначыў неабходнасць надаваць большую ўвагу пытанням адказнасці Лукашэнкі за садзейнічанне ў агрэсіі супраць Украіны. Кшыштаф Сьмішэк адзначыў, што будуць прыкладзеныя неабходныя намаганні для адвакатавання адказнасці Лукашэнкі ў міжнародных крымінальных механізмах. Намеснік міністра юстыцыі адзначыў, што новы ўрад не дасць забыцца пра Беларусь на міжнароднай арэне. Польскім бокам прапанавана працягнуць рэгулярныя кантакты для таго, каб забяспечыць рэалізацыю пытанняў, якія абмеркаваны падчас сустрэчы.

Павел Паўлавіч Латушка: намеснік кіраўніцы Аб'яднанага Пераходнага Кабінета Беларусі, кіраўнік Народнага антыкрызіснага ўпраўлення, пасол Лукашэнка цынічна заявіў, што прынцыпамі сацыяльнай палітыкі ў Беларусі з'яўляюцца справядлівасць, адказнасць і клопат у адносінах да грамадзян краіны. Такія словы з вуснаў дыктатара з'яўляюцца блюзнерствам у адносінах да беларусаў і хлуснёй у адносінах да рэчаіснасці. Прынцып сацыяльнай справядлівасці ў тым ліку павінен уключаць у сябе роўныя магчымасці ў атрыманні сацыяльнага забеспячэння для ўсіх маючых патрэбу катэгорый грамадзян. А што адбываецца ў Беларусі ў рэальнасці? Сваім законам «Аб змяненні законаў па пытаннях сацыяльнага абслугоўвання і сацыяльных выплат» ад 13.12.2023 года рэжым уводзіць ліцэнзаванне сацыяльных паслуг. Змяняе крытэрыі, па якіх будуць вызначаць, зможа чалавек іх атрымаць ці не. Гэты лукашэнкаўскі закон накіраваны на пакрокавае знішчэнне сацыяльнага абслугоўвання больш сталай катэгорыі грамадзян. Зараз у краіне пражывае больш за 500 тысяч грамадзян ва ўзросце 75 гадоў і старэй. А за апошнія 5 гадоў колькасць атрымальнікаў сацыяльных паслуг павялічылася больш чым на 20%. Лукашэнка не гатовы і не будзе павялічваць выдаткі на сацыяльнае забеспячэнне насельніцтва. Да таго ж ён вымушаны пастаянна павышаць выплаты тым, хто забяспечвае яго незаконнае знаходжанне ва ўладзе. У Беларусі па заканадаўстве яшчэ існуюць гарантыі дзяржавы па сацабслугоўванні. І на гэтых папяровых гарантыях Лукашэнка любіць акцэнтаваць увагу, калі кажа пра сацыяльна арыентаваную дзяржаву. Раней сацпакет для пажылых грамадзян краіны лічыўся шмат у чым недатыкальным і не падпадаў пад істотныя змены. Але для Лукашэнкі няма нічога святога, калі гаворка ідзе аб захаванні яго незаконнай улады. У сваім законе «Аб змяненні законаў па пытаннях сацыяльнага абслугоўвання і сацыяльных выплат» Лукашэнка цынічна фіксуе, што мэтамі сацыяльнага абслугоўвання насельніцтва дзяржавай з гэтага часу будзе «актывізацыя ўласных намаганняў грамадзян, стварэнне ўмоў для самастойнага пераадолення імі цяжкіх жыццёвых сітуацый». Гэта значыць, калі ў цябе цяжкая жыццёвая сітуацыя, то ты павінен сам пераадолець гэтую цяжкую сітуацыю. Па-сапраўднаму сацыяльная абарона насельніцтва існуе толькі ў дэмакратычным грамадстве. Калі ўсе працэсы расходавання бюджэтных сродкаў адбываюцца адкрыта і празрыста. У Беларусі такую гарантыю ад дзяржавы для насельніцтва рэжым Лукашэнкі паслядоўна і мэтанакіравана знішчае.

Павел Паўлавіч Латушка: намеснік кіраўніцы Аб'яднанага Пераходнага Кабінета Беларусі, кіраўнік Народнага антыкрызіснага ўпраўлення, пасол Апошнія месяцы і падзеі, наўпрост звязаныя з Віктарам Лукашэнкам, даюць некаторыя падставы меркаваць, што ўпэўненасці адносна захавання сваёй улады і недатыкальнасці ў дыктатара Аляксандра Лукашэнкі няма. З верасня 2023 года па снежань 2023 года ніякіх публічных выступленняў і сустрэч т.зв. прэзідэнта Нацыянальнага алімпійскага камітэта Беларусі мы не выявім, хоць раней Віктар актыўна прысутнічаў у медыйным полі і рэгулярна выступаў перад жыхарамі многіх раёнаў Беларусі. Затое пасля такога доўгага перапынку першае публічнае з'яўленне Віктара Лукашэнкі ў дзяржаўных СМІ звязана не з яго пасадай у НАК і наогул было далёка ад спорту. Віктар, які надоўга выпаў з публічнага поля, раптам з'явіўся на сустрэчы дыктатара Лукашэнкі ў Аб'яднаных Арабскіх Эміратах. Там Віктар прысутнічаў разам з бацькам і малодшым братам Мікалаем. На гэтай сустрэчы не было ніводнага члена ўрада Лукашэнкі. Што абмяркоўвала «Лукашэнка і сям'я»? Адказ на пытанне, чаму ж Віктар так доўга не з'яўляўся ў медыйным і публічным полі — у гэты час ён знаходзіўся ў Эміратах. Паводле нашай інфармацыі ён правёў там агулам больш за паўгода, а апошні раз ён знаходзіўся ў ААЭ амаль тры месяцы запар. Сям'я Лукашэнкі — самая багатая сям'я з Беларусі і багацце гэта пабудавана на рабаванні беларусаў. Таму яны і могуць сабе дазволіць жыць у Дубаі па некалькі месяцаў, набыць там элітную рэзідэнцыю. Але навошта? Адказ, які ляжыць на паверхні — гэта звязана з рашэннем бізнес-пытанняў. Не выключана, што мафіёзнае сямейства магло займацца пераафармленнем часткі сямейнага маёмасці і на малодшага Мікалая. У дыктатара ёсць асцярогі за грошы сям'і і за сваю ўладу. Інакш для чаго неабходна так тэрмінова перамяшчаць усе актывы ў ААЭ? Якой бы моцнай і ўстойлівай не здавалася камусьці ўлада дыктатара Лукашэнкі, насамрэч ён стварае запасныя аэрадромы, каб у неабходны момант паляцець у тыя ж ААЭ.

Павел Латушка і знакамітыя беларусы і беларускі падрыхтавалі віншаванне з Новым Годам, якое, спадзяемся, вас кране Быць дома. Быць побач з сям’ёй, з самымі роднымі і блізкімі людзьмі. Быць на Радзіме. Быць у бяспецы. Быць на свабодзе. Быць свабодным. Шчаслівым. Здаровым. Марыць. Верыць. Такія простыя, звычайныя рэчы. Але такія каштоўныя. І часам такія недасягальныя. Асабліва ў нашыя часы. Але не сёння аб гэтым. Сёння — свята. Свята тых самых, простых і каштоўных рэчаў, якія ніхто для нас не зберажэ, акрамя нас саміх. Таму сёння маё віншаванне для вас, беларусы і беларускі, дзе б вы не былі, дзе б не чакалі, пакуль гадзіннік праб'е 12, будзе такім — беражыце сябе. Беражыце тое, што маеце. Беражыце тых, хто побач. Беражыце ўсё тое, што вы здолелі захаваць, нават калі захаваць атрымалася не так шмат. Беражыце гэта, бо гэта падмурак, каб павярнуць страчанае, калі прыйдзе час. Беражыце, каб жыць — бо мы жывем, а значыць жыве надзея, жыве праўда, жыве нашая воля і жыве Беларусь! Беражыце сябе, калі ласка. Беражыце адзін аднаго. Беражыце сваіх сяброў ды паплечнікаў. Беражыце сваю сям'ю, нават калі вас падзяляюць межы. Беражыце сваю свабоду і прагу да яе. Беражыце свой дом, нават калі ён часовы. Беражыце сваю ідэнтычнасць, сваю годнасць і свае сумленне. Беражыце тое, што робіць вас самімі сабой, што робіць вас беларусамі. Беражыце сваю праўду і свядомасць. Беражыце каханне — яно выратуе свет! Беражыце і клапаціцеся пра тых, хто не можа паклапаціцца пра сябе сам. Беражыце свой дабрабыт, нават калі здабываць яго давялося нанова. Беражыце сваю культуру і свой добры густ. Беражыце сваю родную мову і нацыянальную ідэю. Беражыце сябе. Беражыце Беларусь. Беражы сябе, Беларусь! З Новым годам! У віншаванні разам са сваімі блізкімі прынялі ўдзел: Павел Латушка з мамай Валянцінай Васільеўнай і дачкой Янай Намеснікі Паўла Латушкі, сябры НАУ і Кабінета: Амбасадар Уладзімір Астапенка, Арцём Праскаловіч, Арцём Брухан, Юрый Губарэвіч Блогерка Аляксандра Ханевіч з сынам Аляксандрам Заслужаны артыст Рэспублікі Беларусь, «Купалавец» Ігар Сігоў з жонкай Валерыяй Актывістка Ганна Федаронак з дачкамі Лізай і Аляксандрай і ўнукамі Арынай і Андрэем Чэмпіён Кубка свету па кікбоксінгу, спартовец Іван Ганін Майстрыха беларускіх строяў, вядучая Кацярына Ваданосава з сынам Янам і дачкой Стэфаніяй Галоўны рэдактар Reform.by Фёдар Паўлючэнка з жонкай Вольгай і дачкой Стэфаніяй Кіраўнік медыя-службы НАУ Юля Гарачая з мужам Канстанцінам і сынам Уладам Алег Кулеша з сябрамі Беларускай Асацыяцыі палітвязняў «ДА ВОЛІ» Народная артыстка Беларусі Зоя Белахвосцік і заслужаны дзеяч мастацтваў Рэспублікі Беларусь Аляксандр Гарцуеў Рэдактары Еўрарадыё Зміцер Лукашук і Павел Свярдлоў Праграмны дырэктар «Malanka Media» Каця Пытлева з дачкой Мірай і сынам Янам Прадстаўнік АПК па па абароне і нацыянальнай бяспецы, падпалкоўнік запасу Валерый Сахашчык з жонкай Вольгай

Павел Паўлавіч Латушка: намеснік кіраўніцы Аб'яднанага Пераходнага Кабінета Беларусі, кіраўнік Народнага антыкрызіснага ўпраўлення, пасол На межах штодня фіксуюцца правакацыі, расце актыўнасць выведкі, беспілотнікі кружаць уздоўж дзяржаўнай мяжы і перыядычна залятаюць на тэрыторыю краіны... Думаеце гэта сюжэт баевіка? Не, гэта чарговая серыя канцэпцыі пагроз Беларусі аўтарства генерала Вальфовіча. Т.зв. дзяржсакратар Савета бяспекі Лукашэнкі генерал Вальфовіч у адным з апошніх інтэрв'ю адзначыў, што ўзрасла інтэнсіўнасць вядзення ўсіх відаў разведкі супраць Расіі і Беларусі: «Разведвальныя самалёты здзяйсняюць каля 30-35 вылетаў у тыдзень. Актыўна асвойваючы паветраную прастору сумежных з нашай краінай дзяржаў, альянсам адпрацоўваюцца пытанні баявога прымянення авіяцыі. Сістэматычна праводзяцца палёты амерыканскай стратэгічнай бамбавальнай авіяцыі з заходам у паветраную прастору Польшчы і краін Балтыі, падчас якіх адпрацоўваецца нанясенне ракетна-бомбавых удараў па аб'ектах на тэрыторыі Саюзнай дзяржавы, у тым ліку ядзерных». Ужо практычна лунаюць над Беларуссю амерыканскія самалёты і дроны, за якімі актыўна назірае Вальфовіч. Яны рашуча абураюць генерала. Які вынік і рашэнне праблемы? На думку Вальфовіча, ён толькі адзін — размяшчэнне ў Беларусі расійскай тактычнай ядзернай зброі. У кастрычніку 2022 года Лукашэнка заявіў пра «жаданне Польшчы пабрацаць ядзернай зброяй»: «Учора ўжо Дуда заявіў. Гэта ўжо даўно прапрацавана. Мы з Пуціным гэта абмяркоўвалі, калі пра самалёты гаварылі па ядзернай зброі. Яны ўжо даўно з амерыканцамі дамовіліся, што арсеналы будуць у Польшчы. Пра што гэта кажа? Што мы стаім рэальна перад атакай тактычнай ядзернай зброяй. Трэба рабіць захады». Кропкавая атака тактычнай ядзернай зброяй з Польшчы на Лукашэнку і Вальфовіча так і не адбылася. Як і наогул не з'явілася тактычная ядзерная зброя на тэрыторыі Польшчы, якая клапаціла дыктатара... Дык чаму ж яно ёсць цяпер у Беларусі? Пра якую пагрозу з боку Польшчы тады казаў «майстар папераджальных удараў», калі ў Польшчы ядзернай зброі па-ранейшаму няма, а ў Беларусі яна з'явілася? Адказ на чарговую неіснуючую пагрозу? Лукашэнка, верагодна, лічыць, што наяўнасць ядзернай тактычнай зброі ў Беларусі ўзмоцніць яго міжнародную вагу. Аднак як сам Лукашэнка, так і Вальфовіч замоўчваюць значны факт: ніхто не збіраецца даваць неўраўнаважанаму дыктатару кантроль над тактычнай ядзернай зброяй.