Пошук па сайце

Намеснік кіраўніцы Аб'яднанага пераходнага Кабінета Беларусі, кіраўнік Народнага антыкрызіснага ўпраўлення Павел Латушка правёў сустрэчу з маладымі дыпламатамі міністэрстваў замежных спраў краін-членаў Еўрапейскага саюза. На сустрэчы прысутнічалі прадстаўнікі больш як 20 міністэрстваў замежных спраў: Польшчы, Літвы, Латвіі, Эстоніі, Чэхіі, Францыі, Італіі, Партугаліі, Харватыі і іншых краін-членаў ЕС. Сустрэча адбылася ў Музеі вольнай Беларусі. Павел Латушка праінфармаваў аб унутранай сітуацыі ў Беларусі, аб рэпрэсіях, якія ажыццяўляе рэжым Лукашэнкі супраць беларусаў. Поўны тэкст выступу Паўла Латушкі: Добры дзень, шаноўнае спадарства. Я рады вітаць вас у Музеі Вольнай Беларусі — праекце Народнага Антыкрызіснага Упраўлення, кіраўніком якога я з'яўляюся. Мы ўжо другі раз ладзім такую сустрэчу, год таму я таксама выступаў перад вашымі калегамі. Для мяне важна, што ў мяне ёсць магчымасць расказаць вам пра сітуацыю ў Беларусі і пра тое, як важна выйграць вайну за Беларусь. Як можна выйграць вайну за Беларусь? Наўпрост зараз у цэнтры Еўропы ідзе не адна, а адразу дзве вайны, развязаныя Расіяй. Вайна супраць свабоднай і незалежнай Украіны. І вайна Расіі супраць свабоднай і незалежнай Беларусі. Усяго цяпер у Беларусі сёння налічваецца больш за 5000 палітычных зняволеных, якіх катуюць у турмах; больш за 60 000 чалавек былі затрыманыя па палітычных матывах, каля 500 тысяч чалавек былі вымушаныя пакінуць Беларусь. Другая вайна была неабвешчанай, ціхай і амаль незаўважнай на фоне першай. Больш за тое, першая вайна ў прынцыпе не магла адбыцца без другой. Без беларускага плацдарму, атрыманага Расеяй у выніку гібрыднай акупацыі Беларусі, паход Расеі на Кіеў быў бы ў прынцыпе немагчымы. Аднак гісторыя не церпіць ўмоўнага ладу. У сувязі з гэтым давайце пагаворым пра тое, як звязаныя гэтыя дзве вайны і якая павінна быць наша стратэгія ў дачыненні да Беларусі. Калі мы хочам вырваць яе з-пад расейскай акупацыі, а не ставіць на ёй крыж. Перш за ўсё, неабходна зразумець, што ў абедзвюх войнах прарасейскі рэжым крамлёўскай марыянеткі Лукашэнкі выступае на баку Расеі. Так, гэта парадокс, таму што ўлады і войска Украіны ваююць за Украіну, і гэты відавочны факт робіць гэтак жа відавочным актыўную дапамогу ім. У той самы час нелегітымныя ўлады Беларусі ваююць супраць Украіны і Беларусі, яны ваююць за Расею. Але ёсць тыя, хто б'ецца за Беларусь замест яго. Гэта беларускія дэмакратычныя сілы, Аб'яднаны Пераходны Кабінет — наша ўрадавая структура ў выгнанні, Офіс абранай прэзідэнткі Беларусі Святланы Ціханоўскай, Народнае Антыкрызіснае Упраўленне і іншыя палітычныя і грамадскія арганізацыі. І, канешне, беларускія добраахвотніцкія фарміраванні ва Украіне. І сапраўды гэтак жа, як і ўладам, і войску Украіны, нам патрэбныя актыўныя саюзнікі, якія маюць стратэгію. Я б нават сказаў, што без такіх саюзнікаў нашыя шанцы на выратаванне Беларусі імкнуцца да нуля. Так, на нашай тэрыторыі зараз не ідзе баявых дзеянняў і таму мы не просім у саюзнікаў Хаймарсы, Леапарды ці знішчальнікі F-16. Захоп Беларусі Расіяй ажыццяўляецца інакш. Гэта гібрыдная акупацыя, на якую Расея марнуе вялізныя рэсурсы. Расія траціць мільярды на ўтрыманне ва ўладзе марыянетачнага рэжыму Лукашэнкі, на забеспячэнне праводзімых ім масавых рэпрэсій, на рэалізацыю інтэграцыйных праграм Саюзнай дзяржавы — неасавецкага праекта Расіі па паглынанні Беларусі. На размяшчэнне ядзернай зброі і бясконцыя ваенныя вучэнні на нашай тэрыторыі. Расея таксама траціць вялікія сродкі на выкараненне нацыянальнай самасвядомасці і ідэалагічную перапрашыўку беларусаў у духу рашызму і «рускага свету». Гэта антыбеларуская і антыеўрапейская перапрашыўка. А значыць другое, што нам трэба зразумець, калі мы хочам выратаваць Беларусь — неабходна значна нарасціць патэнцыял нацыянальна-арыентаваных, праеўрапейскіх беларускіх дэмакратычных сіл у барацьбе супраць Расіі і пра-расійскіх сіл у Беларусі. На жаль, сёння Расія — гэта адзіная краіна, якая мае стратэгію ў дачыненні да Беларусі. Стратэгія паглынання Беларусі ў рамках праекта Саюзнай дзяржавы і яе растварэння ў «рускім свеце». І правадніком гэтай стратэгіі, паслухмяным і дакладным інструментам яе рэалізацыі ў Беларусі з'яўляецца марыянетачны рэжым Лукашэнкі. Гэта трэцяе, што трэба зразумець. Лукашэнка — не той, з кім трэба шукаць кропкі судотыку, не той, хто хоча ці будзе супрацьстаяць Расеі ў яе ціхай вайне за Беларусь. Не той, хто клапоціцца пра яе нацыянальныя інтарэсы. Ён даказаў гэта, стаўшы саўдзельнікам вайны супраць Украіны ў 2022 годзе і працягвае даказваць гэта сёння, прымаючы ўдзел у ваенных злачынствах Расеіі, у дэпартацыі ўкраінскіх дзяцей з акупаваных тэрыторый, размяшчаючы ў Беларусі расійскую ядзерную зброю і наймітаў ЧВК Вагнер. І адначасова метадычна знішчая ўсё беларускае. Таму нельга заставацца сляпым і наіўным і лічыць, што з Лукашэнкам можна пра нешта дамовіцца. Што «на яго не трэба занадта моцна ціснуць, каб не заштурхаць Беларусь у абдымкі Расеіі яшчэ больш». Гэта далёка не новы падыход. Гэтая карта ўмела разгульвалася пасля кожнага палітычнага крызісу ў Беларусі. Да чаго прывялі ўсе спробы дамовіцца з Лукашэнкам — усе мы бачым. Мы бачым Беларусь на мяжы поўнай страты сувэрэнітэту і незалежнасьці. А калі казаць прама — яны дэ-факта ўжо шмат у чым страчаныя. І гаворка павінна ісці аб іх аднаўленні. Таму што ўвесь гэты час, разыгрываючы карту «шматвектарнасць», «балансавання паміж Расіяй і Захадам», рэжым Лукашэнкі не проста выканаў, а перавыканаў планы, ускладзеныя на яго ў Крамлі. І ўсё ж — мы, беларусы, да гэтага часу не здаліся. «Вайна міроў» у Беларусі — вайна рускага свету супраць дэмакратычнага — яшчэ не скончана. Але ведучы яе практычна ў адзіночку і пры вельмі абмежаваных рэсурсах мы, дэмакратычныя сілы, рызыкуем яе прайграць. Так, у гэтай вайне ў нас ёсць ёсць саюзнікі — але нашы саюзнікі пасіўныя. І ў адрозненне ад нашага суперніка, у нашых саюзнікаў няма агульнай стратэгіі. Я ведаю, што гэта можа гучаць непрыемна — але я кажу гэта прама. Не як дыпламат, а як беларускі палітык. Палітык краіны, якую ціха забіваюць ва ўсіх на вачах. Палітык, які дакладна разумее тое, што дыпламатыяй, а тым больш маўчаннем, яе не выратаваць. Час зірнуць праўдзе ў вочы і не апускаць іх, нягледзячы на тое, што гэтая праўда можа нам не спадабацца. Бо калі мы гаворым пра стратэгію — стратэгію перамогі ў бітве за Беларусь — мы павінны засноўваць яе на аб'ектыўнай рэальнасці. А рэальнасць такая, што бітва за Беларусь сёння ідзе адразу на некалькіх франтах. І на кожным з іх вораг — Расея і яе марыянетка Лукашэнка — маюць значную перавагу. Таму стратэгія, пра якую я кажу, — гэта стратэгія павышэння патэнцыялу беларускіх дэмакратычных сіл у нашай барацьбе за Беларусь супраць «рускага свету». Мабыць, менавіта на геапалітычным фронце і вырашыцца лёс Беларусі. Ці стане яна дэ-факта часткай Расіі, канчаткова растварыўшыся ў Саюзнай дзяржаве, ці атрымае еўрапейскую перспектыву развіцця, перспектыву ўваходжання ў Еўрапейскі саюз і НАТА. Фактычна, усё, пра што я казаў вышэй, зводзіцца да простага пытання: Якую Беларусь вы хочаце ўбачыць заўтра: расійскую «Белоруссию» ці еўрапейскую Беларусь? І калі адказ — еўрапейскую Беларусь, будучы член ЕС і НАТА, то ўсе задачы, пра якія я казаў вышэй, павінны легчы ў аснову нашай агульнай стратэгіі. Бо на сёння мы бачым зусім іншую Беларусь. Беларусь, якая з'яўляецца ўдзельнікам усіх інтэграцыйных, неаімперскіх праектаў Расіі: Саюзнай дзяржавы, АДКБ, ЕАЭС і СНД. Аднак добрая навіна ў тым, што Саюзная дзяржава Расіі і Беларусі — гэта цэнтральны элемент, аснова і галоўны інструмент імперскай палітыкі Расіі. Без Беларусі імперскія праекты Расіі становяцца немагчымымі. Як немагчымым становіцца і працяг вайны супраць Украіны. Бо вайну супраць Украіны вядзе не адна Расія, а Саюзная дзяржава Расіі і Беларусі. У якой Беларусь знаходзіцца толькі таму, што існуе рэжым Лукашэнкі. У той час як Саюзная дзяржава існуе толькі таму, што ў ёй ёсць Беларусь. І пакуль ва ўладзе знаходзіцца Лукашэнка — сітуацыя не зменіцца. Калі мы хочам сур'ёзна яе змяніць, то нам трэба памятаць, што самая магутная санкцыя, якую Захад можа прымяніць да Расіі — гэта скасаванне ўлады Лукашэнкі ў Беларусі. Скасаванне рэжыму Лукашэнкі азначае скасаванне Саюзнай дзяржавы — а гэта значыць хутчэйшую перамогу ў дзвюх войнах: у вайне за Украіну, і вайне за Беларусь. Месца Беларусі — у Еўропе, а не ў Расіі. І гэтае меркаванне падзяляюць усе нашы партнёры. Аднак час партнёраў павінен змяніцца часам праактыўных саюзнікаў. Час разважанняў і глыбокіх асцярог павінен змяніцца часам рашучых дзеянняў. Дзякуй за Вашу ўвагу. Жыве вольная еўрапейская Беларусь! І Слава Украіне!

Яшчэ ў чэрвені Кабінет выказваў сваю пазіцыю па пытанні размяшчэння ядзернай сброі на тэррыторыі Беларусі. Па-першае патрэбна памятаць пра незаконнасць ўтрымання Аляксандрам Лукашэнкам улады пасля яго паражэння на прэзідэнцкіх выбарах 2020 г. Па другое – выкарыстанне Расійскай Федэрацыяй тэрыторыі Рэспублікі Беларусь для акта агрэсіі супраць Украіны адбываецца насуперак волі беларускага народа як і размяшчэнне ядзернай зброі на тэрыторыі Рэспублікі Беларусь адбываецца супраць волі беларускага народа. Такімі дзеяннямі Расія парушае свае абавязацельствы перад Рэспублікай Беларусь па павазе незалежнасці і суверэнітэту нашай краіны. Што тычыцца заявы кіраўніка ваеннай выведкі Украіны генерала Буданава, то мы можам выказаць спадзяванне, што на падставе ўкраінскай інфармацыі рэакцыя абавязкова рушыць услед за дадзенай заявай. Мы ведаем, што і еўрапейскія краіны, і ЗША пільна сочаць за развіццём падзеяў. Зразумела, што яны жадаюць апераваць пацверджанымі фактамі. Зразумела, што перамяшчэнне гэтай ядзернай зброі пакуль адбываецца не празрыста. І ў любым выпадку сам факт размяшчэння ядзернай зброі ў трэцяй краіне, упершыню пасля падпісання дамовы аб нераспаўсюджанні ядзернай зброі, аб'ектыўна падрывае склаўшуюся сістэму міжнароднай бяспекі. Таму па меры пацверджання фактаў, па меры збору новай інфармацыі, думаю, што гэтая рэакцыя абавязкова прагучыць. І гэтая рэакцыя павінна быць у нашым разуменні дастаткова жорсткай. І мы будзем намагацца, каб яна адбылася.

У суботу 02.09 Павел Латушка даў інтэрв'ю нацыянальнаму радыё Аўстраліі ABC Radio National. Асноўная ўвага была нададзена пытанням, звязаным з тэмай незаконнага перамяшчэння ўкраінскіх дзяцей з акупаваных тэрыторый Украіны на тэрыторыю Беларусі і адказнасці рэжыму Лукашэнкі за дадзенае ваеннае злачынства Запіс эфіру: ABC Radio National Прыводзім асноўныя тэзісы з інтэрв'ю: Вы падалі Міжнароднаму крымінальнаму суду доказы, якія, на Вашу думку, сведчаць пра тое, што прэзыдэнт Лукашэнка пагадзіўся на вываз украінскіх дзяцей у Беларусь з акупаваных Расіяй гарадоў Украіны. Раскажыце, калі ласка, што гэта за доказы, якія вы перадалі ў МУС, і як вы іх збіралі? Пры падрыхтоўцы нашай камунікацыі ў МКС каманда Народнага антыкрызіснага ўпраўлення вывучыла і прааналізавала розныя матэрыялы. Цікава, што беларускія дзяржаўныя СМІ досыць шырока асвятлялі прыбыццё дзяцей у Беларусь, і мы змаглі прааналізаваць мноства агульнадаступных навінавых артыкулаў, фатаздымкаў, відэа і пастоў у сацыяльных сетках, у тым ліку і некаторых асоб, якія ўдзельнічаюць у вывазе дзяцей. Мы таксама абапіраемся на дакументы, якія былі перададзеныя нам у канфідэнцыйным парадку. Гэтыя дакументы пацвярджаюць, што перамяшчэнні былі арганізаваныя і прафінансаваныя па ўказанні Лукашэнкі і іншых службовых асоб, якія дзейнічаюць ад імя так званай Саюзнай дзяржавы Беларусі і Расіі. Вядома нават, што пастанова аб фінансаванні была ўзгодненая Лукашэнкам з прэзідэнтам Расіі Пуціным. Затым гэтыя перамяшчэнні былі ажыццеўлены фондам беларускага паралімпійца Аляксея Талая, вядомага ў якасці блізкай даверанай асобы Лукашэнкі, у супрацоўніцтве з мясцовымі ўладамі на акупаваных тэрыторыях. Пра якую колькасць дзяцей ідзе гаворка? І куды менавіта іх адпраўляюць у Беларусі? У перыяд з верасня 2022 г. па май 2023 г. не менш за 2100 украінскіх дзяцей ва ўзросце ад 6 да 15 гадоў, уключаючы сірот, былі вывезены ў дзіцячы лагер «Дубрава», размешчаны ў Мінскай вобласці. Гэты лагер належыць ААТ «Беларуськалій» – буйному дзяржаўнаму вытворцу калійных угнаенняў, які трапіў пад санкцыі ЗША і Еўропы. У цэлым на сёння мы выявілі пяць лагераў і аздараўленчых устаноў, у якія былі дастаўлены дзеці з акупаваных Расіяй тэрыторый. Аднак мы ведаем, што перамяшчаць украінскіх дзяцей пачалі яшчэ да поўнамаштабнага ўварвання Расіі, і, хутчэй за ўсё, іх колькасць значна большая. Лукашэнка кажа, што гэта гуманітарны акт – вывесці дзяцей з небяспекі. Якая, на Ваш погляд, мэта перамяшчэння? Сапраўды, Лукашэнка і іншыя асобы, адказныя за гэтыя перамяшчэнні, неаднаразова заяўлялі, што дзяцей прывозяць у Беларусь для «адпачынку». Мы лічым, што гэта адкрытая хлусня. Замест гэтага дзеці падвяргаюцца палітычнаму перавыхаванню і пракрамлёўскай прапагандзе, уключаючы сустрэчы з беларускімі моладзевымі і ваенізаванымі арганізацыямі, праваслаўнымі святарамі і заўзятымі прапагандыстамі. Адзін з такіх сумных прыкладаў – канцэрт дзвюх беларускіх спявачак, сясцёр Груздзевых, зняты на відэа. Выступаючы на сцэне лагера «Дубрава», яны кажуць, што спадзяюцца, цытую, «каб Байдэн здох, (...) каб Зяленскі таксама здох, а Пуцін квітнеў і ўзяў кантроль над усёй Украінай». Для нас відавочна, што дзяцей прывозяць у Беларусь не з гуманітарных меркаванняў. Вы ведаеце, ці застаюцца дзеці ў Беларусі ці зноў з'язджаюць? Як правіла, дзеці застаюцца ў лагеры «Дубрава» ад двух да трох тыдняў, пасля чаго іх вяртаюць ва Украіну. Аднак мы таксама знайшлі сведчанні таго, што, на жаль, некаторыя дзеці-сіроты, якія былі вывезеныя ў Беларусь да 2022 года, пасля былі адпраўленыя ў Расію і аддадзеныя на ўсынаўленне. Якая роля Народнага антыкрызіснага ўпраўлення? Як частка беларускага дэмакратычнага руху, Народнае антыкрызіснае ўпраўленне мае намер прыцягнуць Аляксандра Лукашэнку і іншых прадстаўнікоў яго рэжыму да адказнасці за незлічоныя злачынствы, якія ён здзейсніў. Гэта не толькі злачынствы супраць чалавечнасці, учыненыя ў рамках жорсткага падаўлення беларускага грамадства пасля фальсіфікацыі выбараў у маі 2020 года, але і адказнасць за яго ролю як суагрэсара ў расійскім уварванні ва Украіну ў лютым 2022 года і ўдзел у незаконным перамяшчэнні ўкраінскіх дзяцей з акупаваных Расіяй тэрыторый. У гэтым пытанні мы таксама цесна супрацоўнічаем з Генеральнай пракуратурай Украіны, якая пачала расследаванне па гэтай справе. Лукашэнка вёў перамовы аб пераездзе байцоў «Вагнера» ў Беларусь. Цяпер, калі Прыгожын мёртвы, хто камандуе гэтымі байцамі ў Беларусі? Якая іх роля? Яшчэ да сваёй смерці Прыгожын прызначыў адказнага за ПВК Вагнер у Беларусі. Таму, хутчэй за ўсё, фармальна ён і камандуе імі, але пасля смерці Прыгожына мы разумеем, што дадзеная ПВК спыніць сваё існаванне. Частка байцоў падпіша кантракты з Міністэрствам абароны Расіі, частка – з іншымі ПВК у Афрыцы, а частка магчыма з Міністэрствам абароны Беларусі. Але як адзінка – Вагнер будзе размазана як алей па кавалку хлеба. Ці бачыце Вы шлях вяртання да дэмакратычных выбараў у Беларусі ў найбліжэйшай будучыні? Дэмакратычныя выбары ў Беларусі будуць магчымыя толькі пасля таго, як рэжым Лукашэнкі падзе, усё астатняе, што арганізоўвае гэты рэжым, нельга называць выбарамі. Гэта імітацыя і падман. Прайшло ўжо тры гады, ці зможа апазіцыя ў выгнанні трымацца разам цягам доўгага часу? Так, можа. Пацвярджэннем гэтаму з'яўляецца і створаны ў жніўні 2022 Аб'яднаны Пераходны Кабінет, які аб'яднаў ключавыя структуры дэмакратычных сіл. А таксама 6 жніўня прайшла Канферэнцыя Новая Беларусь, дзе сабраліся прадстаўнікі многіх, можна сказаць большасці дэмакратычных структур, партый, ініцыятыў і прынялі палітычныя дэкларацыі і дакументы. Такім чынам менавіта стварэнне такіх інстытутаў як Кабінет дазволіла захоўваць адзінства гэтакі доўгі час.

Заклік да аб'яднання намаганняў Каманда Народнага Антыкрызіснага Упраўлення разам з партнёрамі з праваабарончага і адвакацкага супольнасці з восені 2020 года паслядоўна прыкладае ўсіллі для ўзаемадзеяння механізмаў універсальнай юрысдыкцыі. Мэта — прывабіць да адказнасці асоб, вінаватых у злачынах супраць чалавечасці на тэрыторыі Рэспублікі Беларусь, непасрэдных выканаўцаў зняволенняў і гвалту. Па інфармацыі, якая ў нас на руках, заявы пададзены ў некалькіх еўрапейскіх краінах: Польшчы, Літве, Чэхіі, Германіі і Швейцарыі. Сярод жэртваў не толькі грамадзяне Беларусі, але і жыхары гэтых краін. Кожная краіна выстаўляе свае спецыфічныя юрыдычныя патрабаванні. На бягучы момант заявы знаходзяцца на розных этапах разгляду, але агульная карціна пакуль няўцешытельная: ні адзін падазроўваны яшчэ не абвешчаны ў розыск. У бягучай сітуацыі, гэта ёсць нашай першачарговай мэтай. Мы працягваем шукаць дапамогу і экспертную думку ад усіх, хто гатовы актыўна ўдзельнічаць у гэтай важнай працы. У асаблівасці, мы запрашаем пастрадалых, уключаючы палітзаключаных, якія вызваліліся з месц захопу свабоды і пакідаліся гвалту ці зняволенням, звяртацца да нас праз электронную пошту ці праз наш чат-бот у Тэлеграме. Юрыстам і прававым экспертам мы прапануем падзяліцца сваімі ідэямі аб тым, як можна эфектыўней забяспечыць доступ да правасуддзя для пастрадалых, улічваючы складаную сітуацыю ў Беларусі і розныя ў заканадаўстве розных краін. Мы бачым неабходнасць і перспектывы ў павелічэнні колькасці пададзеных заяў і пашырэнні геаграфіі краін, у якіх яны будуць разглядацца. Мы ўпэўнены, што дасягненне крытычнай масы заяў можа стаць ключавым фактарам для пераладу бюракратычных перашкодаў і стымулявання еўрапейскіх чыноўнікаў да смелых і рашучых дзеянняў у гэтым кірунку. Далучайцеся да абмеркавання, дзеліцеся сваімі ідэямі і прапановамі. Ваш уклад можа стаць развязаючым.

ЗША ўвялі санкцыі супраць 11 расіян і 2 перавыхаваўчых устаноў, якія маюць дачыненне да гвалтоўнай перадачы ўкраінскіх дзяцей Арыгінал артыкула:apnews.com У чацвер, 24.08.2023 года, Злучаныя Штаты абвясцілі аб увядзенні санкцый супраць 11 расейцаў і двух перавыхаваўчых устаноў, якія маюць дачыненне да гвалтоўнага перамяшчэння тысяч украінскіх дзяцей, абвінаваціўшы Маскву ў ваенных злачынствах і злачынствах супраць чалавечнасці. Амбасадар ЗША Лінда Томас-Грынфілд зрабіла гэтую заяву на пасяджэнні Савета Бяспекі ААН, якую ЗША арганізавалі ў нацыянальны дзень Украіны, каб прыцягнуць увагу да праблемы перадачы або дэпартацыі дзяцей ва ўзросце чатырох месяцаў не толькі ў Расію, але і ў яе саюзніцу. і на акупаваныя Расіяй тэрыторыі на ўсходзе Украіны. «У 2023 годзе дзяцей літаральна вырываюць з іх дамоў», - сказала яна. «Расея і яе саюзнікі затрымліваюць дзяцей, якія ратуюцца ад гвалту. Яны прымушаюць дзяцей пакідаць школы і дзіцячыя дамы. А мясцовыя марыянетачныя структуры падманам або прымусам прымушаюць бацькоў адпраўляць сваіх дзяцей у так званыя "летнія лагеры", дзе яны аказваюцца адрэзанымі ад сувязі і адмаўляюцца вяртаць сваіх дзяцей». Дэпартацыя ўкраінскіх дзяцей стала праблемай пасля ўварвання Расіі ва Украіну 24 лютага 2022 года. Міжнародны крымінальны суд узмацніў ціск на Расію, выдаўшы 17 сакавіка ордэры на арышт прэзідэнта Уладзіміра Пуціна і расійскага ўпаўнаважанага па правах дзіцяці Марыі Львовай-Бяловай, абвінаваціўшы іх у выкраданні дзяцей з Украіны. Ацэнкі колькасці дзяцей, вывезеных з Украіны, адрозніваюцца, але Томас-Грынфілд сказала, што Злучаныя Штаты ведаюць, што з лютага 2022 года іх тысячы. Яна сказала, што ЗША таксама дасведчаныя аб паведамленнях, што лідэры Беларусі падтрымліваюць перавод украінскіх дзяцей у лагеры ў сваёй краіне. Яна працытавала даклад каманды Народнага антыкрызіснага ўпраўлення, кажучы, што сама меней 2100 украінскіх дзяцей былі пераведзены ў Беларусь з расійскіх акупаваных тэрыторый Украіны паміж вераснем 2022 і маем 2023 года. Амбасадар Украіны пры ААН Сяргей Кісліца сказаў Савету, што «У Украіны ёсць важкія падставы меркаваць, што некалькі сотняў тысяч украінскіх дзяцей былі сілком і незаконна вывезеныя Расіяй, многія з якіх да гэтага часу ўтрымліваюцца супраць іх волі.» Ён параўнаў дзеянні Расіі супраць дзяцей са злачынствамі, учыненымі нацыстамі супраць дзяцей падчас Другой сусветнай вайны, кажучы: «Нашы дзеці падвяргаюцца агрэсіўнаму прамыванню мазгоў, накіраванаму на змену іх свядомасці, сціранне іх украінскай ідэнтычнасці і падрыхтоўку паслухмяных салдат для расійскай арміі ў будучыні.» Томас-Грынфілд, якая аб'явіла аб новых санкцыях ЗША, сказала Савету, што яны накіраваны на асоб, якія нібыта аблегчылі прымусовую перадачу і дэпартацыю дзяцей у лагеры. Акрамя таго, яна сказала, што ЗША ўвялі візавыя абмежаванні на траіх расейцаў за іх нібыта ўдзел у парушэннях правоў чалавека супраць украінскіх непаўналетніх. Пазней Дзярждэпартамент ЗША апублікаваў спіс асоб, якія падвергліся замарожванню любых актываў у ЗША, у тым ліку камісараў па правах дзяцей у расійскіх рэгіёнах Белгарад, Калуга і Растоў і чыноўнікаў у Чачэнскай Рэспубліцы за іх нібыта ўдзел у дэпартацыях дзяцей. Ён таксама ўвёў санкцыі супраць расійскага «дзіцячага лагера» пад назвай Артэк у расійскай акупаванай Крыме, куды былі дастаўленыя ўкраінскія дзеці, якія былі змешчаныя ў «патрыятычныя» перавыхаваўчыя праграмы і папярэджаны ад вяртання да сваіх сем'яў, і Фонду Ахмата Кады , як сказалі ў ЗША, выкарыстоўваецца сям'ёй Кадыравых для нагляду за перавыхаваннем украінскіх дзяцей у лагерах за межамі Грознага ў Чачэнскай Рэспубліцы. Пасол Расіі пры ААН Васіль Небензя абвінаваціў ЗША ў запуску ваеннай кампаніі супраць Расіі з падтрымкай Вялікабрытаніі і Еўрапейскага саюза з мэтай «атрымаць вопыт у сучасных метадах вядзення ўзброеных канфліктаў», рызыкуючы нічым, акрамя зброі, якая пастаўляецца. ва Украіну. Ён сказаў, што Расея была «вымушаная» прыйсці на абарону жанчын, дзяцей і пажылых і адхіліў тое, што ён назваў цэлым шэрагам ілжывых сцвярджэнняў аб дзеяннях Расіі, уключаючы «хлусня пра нашых нібыта выкраданні ўкраінскіх дзяцей, якіх мы на самой справе ратуем.» Але намеснік пасла Францыі пры ААН Наталі Браадхерст Эстываль сказала, што ўключэнне Расіі ў ААН «чорны спіс ганьбы» ў чэрвені за парушэнне правоў дзяцей пацвярджае сур'ёзнасць яе злачынстваў супраць дзяцей. «Францыя заклікае Расійскую Федэрацыю паважаць міжнароднае права і неадкладна спыніць гэтыя зверствы», — сказала яна. Намеснік амбасадара Вялікабрытаніі Джэймс Карыукі сказаў, што прымусовыя перадачы і дэпартацыі дзяцей маюць «разбуральныя і жыццёва зменлівыя наступствы, якія будуць адчувацца на працягу некалькіх пакаленняў.»

25 жніўня Павел Латушка сустрэўся з генеральнай дырэктаркай МЗС Славеніі Матэяй Норчыч Штамчар. Кіраўнік НАУ павіншаваў прадстаўніцу МЗС Славеніі з абраннем дзяржавы ў склад непастаянных членаў Савета Бяспекі ААН. Падчас выбараў Славенія перамагла рэжым Лукашэнкі. Галоўныя тэмы сустрэчы: перадача інфармацыі, звязанай са здзяйсненнем рэжымам Лукашэнкі ваенных злачынстваў у сувязі з незаконным перамяшчэннем украінскіх дзяцей з акупаваных тэрыторый Украіны ў Беларусь; прадстаўленне падрыхтаванай Цэнтрам права і дэмакратыі «Justice Hub» пры падтрымцы НАУ справаздачы па фактах здзяйснення злачынстваў супраць чалавечнасці рэжымам Лукашэнкі. Абмеркаваны механізмы дзейнасці па прыцягненні да міжнароднай крымінальнай адказнасці прадстаўнікоў рэжыму за злачынствы. Генеральная дырэктарка выказала згоду прааналізаваць магчымасці выкарыстання інструментаў ААН у гэтых накірунках у сувязі з абраннем Славеніі ў склад непастаянных членаў Савета Бяспекі ААН. Абмяркаваны захады па павелічэнні ціску на рэжым Лукашэнкі. Прадстаўніца МЗС Славеніі падкрэсліла, што краіна выступае за далейшы ціск на рэжым Лукашэнкі з мэтай выканання патрабаванняў беларускага грамадства, у тым ліку вызвалення палітзняволеных. Разгледжаны праблемы беларускай дыяспары ў Славеніі: дамовіліся, што МЗС Славеніі падтрымае адпаведны запыт у Нацыянальны банк Славеніі з мэтай вырашэння праблемы, звязанай з адкрыццём рахункаў беларусамі ў камерцыйных банках краіны. Праблема выдачы славенскіх візаў грамадзянам Беларусі, якія церпяць ад рэпрэсій рэжыму, альбо членам сем'яў рэпрэсаваных беларусаў будзе асобна разгледжана ў МЗС Славеніі. Дамовіліся прадставіць пералік магчымых дзеянняў па падтрымцы дэмакратычных сіл Беларусі з боку Славеніі ў рамках ААН. МЗС Славеніі прааналізуе справаздачы, падрыхтаваныя камандай НАУ, па злачынствах супраць украінскіх дзяцей і злачынствах супраць беларускіх грамадзян для таго, каб бліжэйшым часам абмеркаваць магчымыя далейшыя крокі па прыцягненні вінаватых да адказнасці.

З Днём Незалежнасці, моцная, рашучая, нязломная Украіна! З Днём незалежнасці, мужны, свабодны, нязломны ўкраінскі народ! Руская імперыя, яе крамлёўскія гаспадары і іх салдаты марылі адабраць у вас гэты дзень, адабраць вашу незалежнасць, вашу свабоду і вашу зямлю. Яны былі ўпэўненыя, што гэта справа «трох дзён». Але яны нічога пра вас не ведалі Яны нічога не ведалі аб народзе, гатовым змагацца за кожны метр сваёй зямлі, гатовым знішчаць арды акупантаў любымі магчымымі і немагчымымі сродкамі. Гатовым паглядзець гэтай імперыі зла проста ў вочы, паглядзець у вочы смерці, якую яна нясе — і выклікаць у гэтых вачах страх. Акупанты з усходу называлі сябе «другім войскам свету» — і свет доўга ў гэта верыў. Пакуль не ўбачыў сапраўднае войска — войска Украіны. Пакуль не ўбачыў мужных і нязломных украінцаў і ўкраінак, для якіх рэйтынгі ваеннай моцы і прагнозы чужых разведак не значылі нічога, калі прыйшоў час абараняць свой дом і сваю зямлю. Вы паказалі ўсяму свету, што значыць быць сапраўднымі патрыётамі і ваярамі. Героям слава! Кожнаму і кожнай! Цяпер і ворагі, і саюзнікі Украіны ўбачылі, як яны ўсе памыляліся. Бо яны нічога не ведалі пра вас. Затое ведаюць зараз. Менавіта так — зараз нават ворагі ведаюць тое, што ад самага пачатку ведалі вы — перамога будзе за Украінай. І гэтая перамога зменіць свет. Бо змагаючыся за сваю незалежнасць сёння, Украіна змагаецца і падае прыклад усім народам і краінам, якія пацярпелі ад рускага імперыялізму. Перамога Украіны — гэта шанец з ім скончыць. Шанец скончыць з гэтай імперыяй. І мы, беларусы, таксама гэта разумеем. Ва ўмовах масавых рэпрэсій, дэпартацый, гібрыднай акупацыі нашай краіны, мы падтрымліваем Украіну. Разам з усім цывілізаваным светам. У лютым 2022 года беларусы выйшлі на антываенныя акцыі пратэсту — не толькі за мяжой, але і ў самой Беларусі. Ведаючы, чым гэта пагражае. Бо прарасейскі рэжым узурпатара Лукашэнкі ад самага пачатку ўдзельнічае ў вайне супраць Украіны на баку Расеі — супраць волі беларускага народа. Але нават тысячы новых арыштаў і прысудаў за антываенныя пратэсты не спынілі беларускіх рэйкавых партызан, якія рызыкуючы свабодай, здароўем і жыццямі спынялі рух расійскіх вайсковых эшалонаў. Не спынілі падполле, якое перадавала і працягвае перадаваць інфармацыю аб перамяшчэннях расейскіх войскаў у Беларусі. Не спынілі дыверсантаў, якія вывелі са строю расійскі самалёт навядзення. Не спынілі тысячы беларускіх валанцёраў. Не спынілі нашых герояў-добраахвотнікаў, у якіх у Беларусі засталіся родныя і блізкія, але якія з першых дзён сталі плячо да пляча са сваімі пабрацімамі-украінцамі і разам бьюць акупантаў, абараняючы Украіну ў шэрагах ЗСУ. Усе яны - гонар беларускай нацыі. І іх шэрагі працягваюць расці. Дэмакратычныя сілы Беларусі вядуць барацьбу з агрэсарам і на міжнароднай арэне. Мы працягваем змагацца за новыя санкцыі супраць абодвух агрэсараў - рэжыму Лукашэнкі і Расіі, выступаючы за гарманізацыю санкцый у дачыненні да іх абодвух, каб пазбавіць іх рэсурсаў і магчымасцяў абыходзіць санкцыі праз Беларусь. Мы вядзем кампанію за прыцягненне рэжыму Лукашэнкі да крымінальнай адказнасці за саўдзел у ваенных злачынствах, адным з якіх з'яўляецца дэпартацыя ўкраінскіх дзяцей. Мы разам змагаемся на інфармацыйным полі, супрацьстаім расійскай и прарасійскай прапагандзе, нягледзячы на ўсе намаганні якой большасць беларусаў не змяняе сваёй антываеннай пазіцыі. І мы, беларусы, працягнем падтрымліваць Украіну, працягнем змагацца да перамогі. За вашу і нашу свабоду. З Днём Незалежнасці, Украіна! Веру, упэўнены, што сваю 33-ю гадавіну незалежнасці Украіна сустрэне цалкам вызваленай, ў сваіх законных межах. Як веру і ў тое, што наступнае віншаванне прыйдзе да Украіны ўжо ад імя вольнай Беларусі. Вольнай ад расійскай імперыі і яе марыянеткавага рэжыму. Слава Украіне! Героям слава! І Жыве Беларусь! 24 жніўня 2023 года

Не так даўно Мінюст Беларусі зарэгістраваў новую палітычную партыю, якой па задуме стваральнікаў наканавана стаць у дзяржаве Лукашэнкі партыяй улады. Гаворка пра «Белую Русь», якая была створана на аснове раней існуючага грамадскага аб'яднання. Давайце паглядзім на гэтую самую партыю бліжэй. З яе праграмай і кіраўніцтвам можна азнаёміцца на афіцыйным сайце. Заходзім на сайт і першае, што кідаецца ў вочы: у так званай партыі ўлады сайт толькі на рускай мове, а беларускамоўная версія чамусьці адсутнічае. Можа гэта выпадковасць, забыліся зрабіць? Ці ўсё ж не, і ў той будучыні, якую малюе новаствораная партыя для нашай краіны, месца для роднай мовы няма. Можа, як і няма самой Беларусі? Добра, не будзем згушчаць фарбы, можа гэта проста супадзенне. Глядзім далей. Сам сайт аформлены не ў любімых сэрцу «ябацек» чырвона-зялёных танах, а ў нейкіх чорна-жоўтых, якія да болю нагадваюць так званую «георгіеўскую стужку» або колеры чорна-жоўта-белага сцяга, які актыўна выкарыстоўваецца рускімі радыкальнымі нацыяналістамі, накшталт Дзмітрыя Рагозіна, які нядаўна прыязджаў у Мінск. Лагатып партыі таксама мае вельмі дзіўны выгляд. Але што мы прыдзіраемся, гэта ўсё справа густу. Акрамя цытат іх «правадыра» Лукашэнкі і Янкі Купалы, які нейкім цудам трапіў ў гэтую кампанію, на сайце размешчана цытата Уладзіміра Салаўёва. Не, не палохайцеся, не прапагандыста, а рускага рэлігійнага філосафа 19-га стагоддзя. Але зноў жа рускага. Разглядаючы гэты сайт і не адразу зразумееш, што гэта сайт беларускай партыі, як пазначана ў афіцыйнай назве «Белай Русі». Дык хто ж узначальвае такую дзіўную палітычную арганізацыю? Знаёмцеся - Алег Раманаў, член Савета Рэспублікі, доктар філасофскіх навук, прафесар. Адным словам адукаваны, інтэлігентны чалавек. Нарадзіўся ў Гродне, там жа атрымаў вышэйшую адукацыю. Праўда вучыўся Раманаў на біёлага, а потым неяк само сабой перакваліфікаваўся і стаў філосафам. Кар'еру сваю Раманаў пачынаў у Гродзенскім універсітэце. Сфера навуковых інтарэсаў філосафа — ні многа, ні мала «проблемы генезиса, устроения и перспектив развития восточнославянской цивилизации, классическая и современная русская философия, судьба государства в глобализирующемся мире». Алег Раманаў закаранелы прыхільнік «русского мира». У назвах яго прац Беларусь фактычна не згадваецца, адсылкі ідуць выключна да «ўсходніх славян» ці Расіі. «Имперская парадигма в перспективе политического развития восточнославянских народов», «К проблеме духовно-ментальных оснований хозяйственной деятельности восточнославянских народов», «Русская философия в духовном опыте восточнославянских народов: прошлое, настоящее, будущее» — вось толькі некаторыя назвы публікацый гэтага аўтара. Пасля працы ў гродзенскай ВНУ Раманаў пайшоў на павышэнне і стаў рэктарам Полацкага ўніверсітэта, дзе запомніўся зачысткай ідэалагічна няправільных на яго погляд выкладчыкаў. Раманаў на словах поўнасцю падтрымлівае цяперашнюю нелегітымную ўладу. Гэта лёгка зразумець з ягоных выказванняў наконт каранавіруса, пратэстаў 2020 года, міграцыйнага крызісу 2021. Аднак да пары, да часу, пакуль Лукашэнка яшчэ сядзіць у сваім крэсле. Але з поглядаў Раманава таксама зразумела, што галоўныя яго гаспадары знаходзяцца не тут, а далёка на ўсходзе, у самым сэрцы «восточнославянской цивилизации» і «русского мира» — Маскве. Акрамя Раманава, у Вышэйшую палітраду «Белай Русі» таксама ўваходзяць такія вядомыя прыхільнікі ідэй «русского мира» і адыёзныя ўдзельнікі эфіраў расійскіх прапагандысцкіх тэлеканалаў як Вадзім Гігін, Рыгор Азаронак і Аляксандр Шпакоўскі. Вадзім Гігін — праўладны палітолаг і гісторык, старшыня праўлення Беларускага таварыства «Веды», а з нядаўняга часу яшчэ і дырэктар Нацыянальнай бібліятэкі. Гігін ніколі не хаваў сваіх прарасійскіх поглядаў. Як і Раманаў ён прыхільнік ідэі, што беларусы — гэта частка так званага трыадзінага рускага народа, а Беларусь — паўночна-заходні край гістарычнай Расіі. Гэты падыход на бачанне гісторыі мае даўнюю традыцыю, яшчэ з часоў Расійскай імперыі, і называецца «западнорусизм». Гісторык Гігін як сапраўдны адэпт «русского мира» лічыць нашага нацыянальнага героя Кастуся Каліноўскага польскім тэрарыстам, а ідэал мудрага дзяржаўнага дзеяча бачыць у расійскім генерал-губернатары Міхаіле Мураўёве, якога празвалі «вешальнікам» за жорсткае падаўленне паўстання 1863-64 гадоў. Прыблізна такі жа падыход у Гігіна і да сучаснай палітыкі. Ён усяляк усхваляе крамлёўскія ўлады і апраўдвае агрэсію Расіі супраць Украіны. Гігін падтрымлівае расійскія наратывы не толькі на словах, але і на справе. Напрыклад, восенню 2022-га прапагандыст ездзіў назіральнікам на «рэферэндум» у так званую «Луганскую Народную Республику». Трэці персанаж увогуле выклікае агіду, дзякуючы сваім неадэкватным і хамска-істэрычным выказванням. Гэта Рыгор Азаронак, чалавек які за апошнія тры гады стаў сімвалам самай бруднай і адвязнай лукашэнкаўскай прапаганды. Азаронак — прадстаўнік цэлай дынастыі прапагандыстаў. Ягоны бацька Юры праславіўся дзякуючы прапагандысцкаму фільму «Ненависть. Дети лжи», дзе яшчэ ў 1990-ых гадах, на пачатку кіравання Лукашэнкі, з дапамогай гебельсаўскіх прыёмаў ачарняў дзеячаў беларускай апазіцыі, за што нават атрымаў па твары ад самога Мікалая Статкевіча. Апроч прапаганды ў тыя гады Азаронак-старэйшы займаўся і палітыкай, быў сябрам партыі «Белая Русь». Але не той партыі пра якую мы гаворым, а іншай, і поўнасцю яна называецца «Славянский Собор Белая Русь». Існавала гэтая арганізацыя яшчэ ў 1990-ыя гады і спавядала ідэалогію панрусізму. Няцяжка зразумець, што яблычак ад яблынькі далёка не коціцца, так і Грыша ўвабраў у сябе вельмі спецыфічныя палітычныя погляды бацькі. Усё заходняе, нярускае, зрэшты як і беларускае чужое Рыгору, а ўсё светлае, чыстае і духоўнае можа зыходзіць толькі ад «триединой исконной святой Руси». Чацвёрты дзеяч — Аляксандр Шпакоўскі, які ў мінулым лічыў сябе беларускім нацыяналістам ці нават нацыстам, зараз прапагандуе той жа нацызм, толькі ўжо пад расійскім імперскім сцягам. У прыватнасці, ён разам з яшчэ адным сябрам палітрады «Белай Русі» — галоўным бэрэсээмаўцам Аляксандрам Лук'янавым ездзіў у лагер «Дубрава» і прамываў розумы ўкраінскіх дзяцей прарасійскай прапагандай. Вось такія «цікавыя» персанажы сабраліся ў кіраўніцтве партыі ўлады, створанай Лукашэнкам. Такім чынам, калі прыгледзецца бліжэй становіцца зразумела, што лукашэнкаўская партыя «Белая Русь» становіцца хутчэй праектам Масквы, чым палітычнай апорай ўлады для састарэлага дыктатара. Таму як толькі надыдзе момант і рэальная ўлада нелегітымнага Лукашэнкі пачне ператварацца ў пыл, яе павінны падхапіць гэтыя ўскормленыя на расійскія грошы дзеячы. Задачы гэтых людзей, па-першае, забраць уладу ў Лукашэнкі, па-другое, не дапусціць, каб яна вярнулася да народа, а па-трэцяе — падрыхтаваць паглынанне Беларусі Расіяй. Людзі, якія стварылі так званую партыю ўлады, уцягваюць беларусаў, чальцоў так званай «партыі» у злачынства супраць беларускага народа. Пад шырмай партыі прыхільнікаў Лукашэнкі, яны стварылі арганізацыю, якая будзе прасоўваць у нашай краіне інтарэсы Крамля. А інтарэсы гэтыя заключаюцца ў страце Беларуссю суверэнітэту і ўцягванні яе ў вайну.

Больш за 2 тысячы дзяцей, у тым ліку дзеці-сіроты, былі вывезены з акупаваных Расіяй тэрыторый Крыніца: wsj.com ВАРШАВА – Беларусь, верны саюзнік Расіі, перавезла тысячы ўкраінскіх дзяцей, некаторыя з якіх сіроты, у краіну, дзе яны падвяргаліся пракрамлёўскай прапагандзе, тыя намаганні, якія сведчуць аб падтрымцы былой савецкай дзяржавай вайны Масквы ва Украіне. У адпаведнасці з пагадненнем паміж Расіяй і Беларуссю больш за 2000 дзяцей былі вывезены з акупаваных Расіяй раёнаў Украіны ў Беларусь чыгункай. Указанае вынікае з агульнадаступнага дакумента беларускага ўрада, а таксама ўцечкі дакументаў ААТ «РЖД» і Беларуськалій – беларускай кампаніі, якая фінансуе гэтыя праграмы. Згодна з гэтымі дакументамі, дзеці былі вывезены чыгункай у сталіцу Беларусі Мінск, а затым перавезены ў лагеры на аўтобусах, якія належаць футбольнай камандзе «Шахцёр Салігорск». Каманда, якая належыць генеральнаму дырэктару ААТ «Беларуськалій» Івану Галаватаму, летась выйграла беларускую Вышэйшую лігу, але была пазбаўлена гэтага звання з-за скандалу з дагаворнымі матчамі. У ААТ «Беларуськалій» не адказалі на просьбу пракаментаваць сітуацыю з лагерамі. Урад прэзідэнта Беларусі Аляксандра Лукашэнкі, якому наўпрост падкантрольная большая частка дзяржаўнага апарату краіны, не адказаў на просьбу аб каментары. Прэс-служба футбольнай каманды не адказала на просьбу аб каментары. ААТ «Беларуськалій», дзяржаўная кампанія па здабычы калійных угнаенняў, патрапіла пад санкцыі ЗША і Еўрасаюза і з'яўляецца найбуйнейшым падаткаплацельшчыкам краіны. Паводле ўцечкі дакументаў, кампанія выдаткавала мільёны даляраў на тое, каб з вясны 2022 г. вывезці сем груп (кожная складам па 310 дзяцей) з Украіны, у прыналежны ёй дзіцячы лагер «Дубрава» на поўдні Беларусі, дзе яны знаходзіліся ад двух да трох тыдняў за адну змену. Народнае антыкрызіснае ўпраўленне – беларускі апазіцыйны аналітычны цэнтру Варшаве, які ўзначальвае Павел Латушка, намеснік кіраўніка беларускай палітычнай апазіцыі ў выгнанні – атрымала ў сваё распараджэнне некаторыя падрабязнасці праграмы з дакументаў ААТ «РЖД», атрыманых з дапамогай хакерскіх узломаў. Апазіцыйная група таксама атрымала інфармацыю з унутранага дакумента ААТ «Беларуськалій» і ад аднаго з супрацоўнікаў кампаніі. З гэтымі дакументамі азнаёмілася газета The Wall Street Journal. На фатаздымках лагера, размешчаных у сацыяльных сетках Беларуськалія, і ўстаноў, дзе размяшчаюцца дзеці, відаць, што іх навучаюць асновам абыходжання са зброяй, праводзяць сустрэчы з праваслаўнымі святарамі Маскоўскага патрыярхата, ладзяць яркія шоу, якія праслаўляюць прэзідэнта Расіі Уладзіміра Пуціна. На адным з відэазапісаў, зробленым у кастрычніку і размешчаным у тых жа сацыяльных сетках, дзве жанчыны забаўляюць групу дзяцей, якія сабраліся ў невялікай актавай зале, усхваляючы крамлёўскага лідэра і жадаючы смерці прэзідэнту Байдэну і прэзідэнту Украіны Уладзіміру Зяленскаму. Народнае антыкрызіснае ўпраўленне ўстанавіла асобы дзяцей на відэа, выкарыстоўваючы ўцечку інфармацыі ад супрацоўнікаў санаторыяў, а ўкраінскія дзіцячыя дамы апазналі некаторых з іх як дзяцей-сірот з Украіны. «Каб Пуцін квітнеў і ўзяў кантроль над усёй Украінай», – сказала пад апладысменты дзяцей адна з жанчын, трымаючы мікрафон пад святлом сцэны. Перамяшчэнне дзяцей-сірот праз мяжу без дазволу ўрада іх краіны грамадзянства, з'яўляецца незаконным з пункту гледжання міжнароднага права. Масква кіруе акупаванымі тэрыторыямі і аб'явіла іх часткай Расіі, але яе прэтэнзіі не прызнаны на міжнародным узроўні. У выпадку з дзецьмі, якія не з'яўляюцца сіротамі, не ўдалося высветліць, ці давалі іх сем'і згоду на перамяшчэнне ў Беларусь. Украіна сцвярджае, што з пачатку вайны каля 20 000 дзяцей былі вывезены Расіяй з яе тэрыторыі, часам у лагеры на тэрыторыі Расіі. У некаторых выпадках дзеці вяртаюцца ў свае сем'і. Украінскі ўрад сцвярджае, што лагеры ў Расіі накіраваны на фарміраванне ў дзяцей прамаскоўскіх настрояў. Крэмль не адразу адказаў на просьбу аб каментары. Не адразу адказаў на запыт і Упаўнаважаны Вярхоўнай Рады Украіны па правах чалавека. Літва, якая разам з Польшчай стала цэнтрам беларускай апазіцыі, распачала расследаванне па факце перамяшчэння ўкраінскіх дзяцей у Беларусь. На сваім сайце Беларуськалій рэкламуе лагеры і заяўляе, што яны з'яўляюцца аздараўленчымі ўстановамі для дзяцей, аднак, згодна з унутранымі дакументамі кампаніі, з якімі азнаёміўся The Wall Street Journal, на медыцынскія патрэбы аднаго дзіцяці траціцца 0,20 долара. У верасні мінулага года на сайце Беларуськалія з'явілася паведамленне аб тым, што лагер прыняў 1050 дзяцей ва ўзросце да 15 гадоў з Данбаса на ўсходзе Украіны, улічваючы дзяцей з акупаваных Данецка і Марыупаля. У пачатку красавіка на сайце кампаніі з'явілася паведамленне аб тым, што больш за 1000 дзяцей з Данбаса прыедуць у лагеры ў Дубраву для заняткаў спортам, творчасцю і для «самай смачнай беларускай кухні». Па дадзеных сайта, адну з груп, якая складаецца з 307 дзяцей, суправаджалі 40 дарослых. У дакуменце, атрыманым апазіцыйнай групай, ёсць загад за электронным подпісам Галатага, які таксама з'яўляецца дэпутатам беларускага парламента, аб вывазе ў лагер трох груп дзяцей з усходу Украіны ў перыяд з 3 красавіка па 30 траўня. Дакумент загадваў фінансаваму дырэктару кампаніі Сяргею Пінчуку вылучыць з бюджэту прадпрыемства сродкі на аплату выдаткаў. Апазіцыйная група сцвярджае, што дзеці, у тым ліку 200 сірот, былі вывезены з 15 гарадоў і пасёлкаў акупаванай Украіны, у тым ліку Херсонскай і Запарожскай абласцей. Група ідэнтыфікавала асобных дзяцей на відэазапісах з лагераў і параўнала іх з імёнамі дзяцей, якія знаходзяцца ў адкрытым доступе на рэсурсах дзіцячых дамоў. У Народным антыкрызісным упраўленні заявілі, што ўрад Беларусі таксама наўпрост фінансуе частку гэтай праграмы. У канцы чэрвеня Народнае антыкрызіснае ўпраўленне прадставіла доказы Міжнароднаму крымінальнаму суду – міжнароднаму органу, які разглядае справы аб ваенных злачынствах Расіі ва Украіне. У гэтых доказах падрабязна апісаны працэс і тэрміны перамяшчэння ўкраінскіх дзяцей у Беларусь. МУС не адказаў на просьбу аб каментарыі. У сакавіку МУС выдаў ордэр на арышт Пуціна і яго Упаўнаважанага па правах дзіцяці Марыі Львовай-Бяловай па абвінавачанні ў незаконнай дэпартацыі ўкраінскіх дзяцей у Расію. Нядаўна Беларусь стала аб'ектам пільнай увагі Захаду пасля таго, як расійская ваенізаваная групоўка «Вагнер» аднавіла сваю дзейнасць у краіне пасля няўдалага паўстання супраць ваеннага кіраўніцтва Масквы. Расійскія салдаты таксама выкарыстоўвалі беларускую тэрыторыю для першапачатковага ўварвання Масквы ва Украіну ў лютым 2022 года, а Пуцін заявіў, што Масква базуе ў краіне тактычную ядзерную зброю. ЗША і Еўропа ўвялі санкцыі супраць Беларусі за яе падтрымку ўварвання Расіі ва Украіну. У 2021 г. супраць Беларуськалія былі ўведзены санкцыі з боку ЕС і ЗША за яго ролю ў падтрымцы рэжыму Лукашэнкі. Гэтыя санкцыі фактычна абмежавалі ўсе продажы Беларуськалія за мяжу з пачатку вайны. ЕС не ўводзіць санкцыі на пастаўкі харчавання і ўгнаенняў з гуманітарных меркаванняў, аднак усёабдымныя фінансавыя, эканамічныя і транспартныя санкцыі Захаду часам перашкаджаюць законнаму гандлю. У апошні час некаторыя краіны ЕС спрабуюць знайсці спосаб спрасціць Беларуськалію аднаўленне продажаў угнаенняў, застаючыся пры гэтым пад санкцыямі. Аднак Літва ўжо некалькі месяцаў перашкаджае гэтаму, спасылаючыся на ролю кампаніі ў меркаваным перамяшчэнні ўкраінскіх дзяцей у Беларусь.

Павел Латушка разабраў хлусню ў інтэрв'ю Лукашэнку прарасійскай прапагандыстцы, якая знаходзіцца ў вышуку СБУ Павел Латушка разабраў хлусню з інтэрв'ю Лукашэнкі прарасійскай прапагандыстцы, якая знаходзіцца ў вышуку СБУ Хутчэй за ўсё, вы здагадваецеся, пра што я. А калі не — тым лепш. Тэлевізар у Беларусі ўжо даўно перастаў быць крыніцай карыснай інфармацыі, ператварыўшыся ў інструмент кругласутачнай прапаганды і распальвання нянавісці. Гэта абавязкова зменіцца. Вар'яцкі дыктатар і яго адыёзныя прапагандысты застануцца ў мінулым, пра якое мы ўсе будзем успамінаць са словамі — ніколі больш. Але каб гэта здарылася хутчэй — мы павінны змагацца. У тым ліку, з патокамі хлусні, якой спрабуюць атруціць нас і нашых блізкіх. Менавіта такую плынь непрыкрытай, нахабнай хлусні ў чарговы раз паспрабаваў абрынуць на беларусаў Лукашэнка ў сваім паўтарагадзінным інтэрв’ю так званай «украінскай журналістцы»‎, а на справе — пра-расейскай прапагандыстцы, якая знаходзіцца ў вышуку СБУ. Дык пра што ў чарговы раз цэлыя паўтары гадзіны хлусіў Лукашэнка? Першая хлусня — заява дыктатара аб тым, што ён не ведаў і не абмяркоўваў з Пуціным падрыхтоўку вайны супраць Украіны. Проста нагадаю, што сумесныя ваенныя вучэнні Беларусі і Расіі «Саюзная рашучасць 2022»‎ павінны былі скончыцца 20 лютага. І расійская групоўка войскаў павінна была пакінуць тэрыторыю Беларусі. Аднак яны не толькі не скончыліся, а былі працягнуты. А войскі, якія мусілі пакінуць нашу краіну разам з тэхнікай, як 16 лютага публічна абяцаў нябожчык міністр Макей, засталіся ў Беларусі. Дарэчы, аб тым, што яны ўсё ж застануцца, афіцыйна заяўляла ведамства Хрэніна ўжо 20 лютага. Хоць сёння Лукашэнка хлусіць, што расійскія войскі нібыта пачалі тады выходзіць. Нібыта рыхтаваліся пайсці на Далёкі Усход. Вось толькі 24 лютага ўся гэтая групоўка ўварвалася ва Украіну. У тым ліку —- з Беларусі. І не проста бесперашкодна, але з поўнай інфраструктурнай і тылавой падтрымкай рэжыму Лукашэнкі. Якую ён быў гатовы аказваць. З боку Лукашэнкі ўсё было гатова і для пропуску расіейскіх войскаў праз беларуска-ўкраінскую мяжу, і для яе тылавога забеспячэння. Тым больш агідна слухаць развагі дыктатара пра тое, што вайну можна было спыніць. Гэта сапраўды можна было зрабіць — калі б Лукашэнка не адкрыў для рускіх нашу мяжу. Мяжу суверэннай дзяржавы, абавязанай забяспечваць яе абарону. Але Лукашэнка не проста не абараніў мяжу. Але яшчэ 23 лютага, гэта значыць да пачатку прамога ўварвання, па яго ж прызнанні, дазволіў нанесці ўдары па тэрыторыі Украіны. Нібыта — прэвентыўныя. Нібыта Украіна рыхтавалася да ажыццяўлення пускаў ракет «Кропка У» па тэрыторыі Беларусі. І нібыта гэтыя комплексы і былі знішчаны «прэвентыўна» ракетнымі ўдарамі з нашай тэрыторыі. Узнікае пытанне — калі тая пагроза, пра якую пазней расказваў Лукашэнка, дэманструючы на карце 4 пазіцыі, была нейтралізаваная, то бок ніякія «Кропкі У» Беларусі не пагражалі, чаму ўварванне з нашай тэрыторыі ва Украіну ўсё роўна было дазволена? Адказ просты — Лукашэнка хлуслівец. Ніякай пагрозы не было. Быў спланаваны напад, спланаваны ім і Расіяй сумесна, падрыхтаваны і ажыццяўлёны пад прыкрыццём так званых саюзных вучэнняў. Не кажучы ўжо пра тое, што акту агрэсіі з боку Украіны таксама не было. І таму ўдары з тэрыторыі Беларусі 23 лютага не маглі мець абарончы характар. Што наўпрост сведчыць аб тым, што Лукашэнка першым здзейсніў акт ваеннай агрэсіі яшчэ да пачатку поўнамаштабнага ўварвання ва Украіну. Затым здзейсніў яго зноў, падаўшы беларускую тэрыторыю для ўварвання, забяспечыўшы інфраструктуру і тыл гэтага ўварвання. А таксама — больш за 800 ракетных удараў па Украіне з тэрыторыі Беларусі. Гэта называецца «Саша, ты прыкрый мяне, калі ласка?». Не, гэта называецца саўдзел у вайне. Усвядомлены, добраахвотны. Спланаваны. Другая хлусьня Лукашэнкі — беларускія вайскоўцы не бралі ўдзел у вайне. Але абслугоўванне расійскай ударнай групоўкі — гэта і ёсць удзел. Адкрыццё для яе мяжы Дзяржпагранкамітэтам — гэта ўдзел. Не кажучы ўжо пра тое, што сам Лукашэнка наўпрост заявіў аб правядзенні спецаперацыі сіламі спецназа на тэрыторыі Украіны па нібыта вызваленні захопленых там дальнабойшчыкаў. Гэта значыць, Лукашэнка адкрыта прызнаў, што беларускія вайскоўцы былі, былі на тэрыторыі Украіны. Ужо падчас вайны. Трэцяя хлусня — Украіна першай развязала вайну супраць Беларусі. Арыштавалі беларускія грузы, вагоны з мінеральнымі ўгнаеннямі. Аб'явілі блакаду. А калі гэта адбылося? Ці не тады, калі менавіта з тэрыторыі Беларусі расійскія войскі, якіх прапусціў і ва ўсім падтрымліваў рэжым Лукашэнкі, УЖО ўварваліся ва Украіну і вялі баявыя дзеянні? Калі ўчынілі генацыд у Кіеўскай вобласці? Выразалі Бучу, Ірпень, Гастомель, Барадзянку? Калі з тэрыторыі Беларусі ва Украіну ляцелі ракеты, узляталі знішчальнікі і наносілі ўдары па Украіне. І Украіна павінна была — што? Прапускаць беларускія грузы? Можа быць, не зачыняць з Беларуссю мяжу? Бо менавіта так павінна паводзіць сябе краіна, на якую ты, ты, Лукашэнка, напаў — так? І працягваеш. Ты працягваеш гэта рабіць, працягваеш падтрымліваць вайну, працягваеш вырабляць для Расіі зброю і боепрыпасы? Навучаць расійскіх вайскоўцаў на беларускіх палігонах. Размяшчаць расійскую ядзерную зброю і баевікоў Вагнера. І ўдзельнічаць у дэпартацыі ўкраінскіх дзяцей з акупаваных тэрыторый? І разам з тым — хлусіць аб міры. Хлусіць аб любові да Украіны і ўкраінскага народа. Гэта самая агідная хлусня, якая прагучала ў інтэрв'ю дыктатара. Як і хлусня пра тое, што пра Украіну перажывае Пуцін. Хлусня аб «кропкавых аперацыях». «Кропкавая аперацыя» па Марыупальскім драмтэатры з вялікім надпісам «ДЗЕЦІ»? «Кропкавая аперацыя» па вакзале ў Краматорску? «Кропкавая аперацыя» па гандлёвых цэнтрах у Кіеве, у Крамянчуку? «Кропкавыя аперацыі» па жылых кварталах? Можа быць учорашні ўдар балістычнай ракетай па Чарнігаўскім драмтэатры — гэта таксама «кропкавая аперацыя»? Такія «кропкавыя аперацыі», у якіх гінуць дзясяткі мірных, цывільных людзей, праводзіць Расія ва Украіне практычна кожны дзень. І Лукашэнка апраўдвае і падтрымлівае гэта. Адзіная праўда, якую за ўсе гэтыя паўтары гадзіны хлусні сказаў Лукашэнка, гучыць так: «Дапамагаць Расіі мы будзем заўсёды. Расіі так адкрыта дапамагае толькі Беларусь». Але нават тут я павінен яго выправіць — не Беларусь. А ты і твой злачынны, хлуслівы і гнюсны рэжым. І ты ведаеш, што табе давядзецца за ўсё гэта адказваць. І за словы, і за дзеянні. І таму ты пагражаеш. Пагражаеш ядзернай зброяй. Пагражаеш непрымальным ударам. Пагражаеш знікненнем Украіны як дзяржавы. Сусветнай вайной. І рыхтуешся да новых ваенных вучэнняў. «Найбуйнейшым мерапрыемстве ваеннага характару», як называе гэта тваё мінабароны. Мы цудоўна памятаем, чым скончылася папярэдняе. «Міратворац». Мір ва Украіну сапраўды прыйдзе. Разам з перамогай. Расія і яе марыянетка Лукашэнка — прайграюць. Гэтак жа ганебна, як і ваююць. І затым немінуча наступіць адказнасць. Украіна будзе свабоднай. Беларусь будзе свабоднай. Праўда пераможа хлусню. Святло пераможа цемру. Імперыя зла і яе дыктатары застануцца ў мінулым, пра якое мы ўсе будзем памятаць, але памятаць са словамі — ніколі больш.

17 жніўня 2023 года Лукашэнка на сустрэчы з Міністрам абароны Кітая зрабіў шэраг супярэчлівых заяў. Давайце паспрабуем разабрацца што гэта - хітрасць або струмень бессэнсоўных тэзісаў? 1. «Мы абсалютныя прыхільнікі тэрытарыяльнай цэласнасці і адзінства, якія склаліся пасля Другой Сусветнай вайны межаў і тэрыторый». З аднаго боку рэжым Лукашэнкі агрэсар і парушыў міжнароднае права, статут ААН, пачаўшы разам з Расіяй другую фазу агрэсіі супраць Украіны г.зн. парушыў прынцып непарушнасці межаў. Значыць сёння ён кажа, што Расея вінаватая? Яна парушае прынцып тэрытарыяльнай цэласнасці? Выпад супраць Расіі? НЕ! Ён кажа пра СССР, а значыць ён прыхільнік аднаўлення нэаімперыі ў межах СССР. Але тут жа ён падыгрывае і Кітаю па Тайваньскім пытанні, бо пазіцыя Кітая наступная: Пасля капітуляцыі Японіі ў 1945 годзе Тайвань вярнуўся ў склад Кітая. 2. «Мы абсалютныя прыхільнікі шматпалярнага свету». Але насамрэч гаворка ідзе пра двухпалярны свет. Раней гэта былі два полюсы СССР і ЗША. Цяпер ён бачыць гэта наступным чынам: ЗША/ЕЗ і Кітай пад якім Расія і прыдатак да гэтага - сам дыктатар Лукашэнка. 3. «У нашай палітыцы мы засноўваемся на моцнай эканоміцы, магутнай дыпламатыі». Відавочна, што ён не мае ні моцнай эканомікі, ні магутнай дыпламатыі. Усё гэта стала прыдаткам Расіі. 4. «Усё нашае супрацоўніцтва, а яно вельмі значнае, ні ў якім разе не будзе накіраванае супраць трэціх краін». Ваенна-тэхнічнае супрацоўніцтва якраз і накіравана супраць трэцяй краіны - Украіны, бо тэхналогіі атрыманыя ад Кітая дазваляюць вырабляць узбраенне для Расіі, якая імкнуцца знішчыць Украіну як незалежная дзяржава. 5. «Свет не стабільны, але не па нашай віне». Выглядае гэтая заява камічна і трагічна. Хто агрэсар і злачынец - зразумела ўсяму цывілізаванаму свету. 6. «Мы ў гэтым пляне абапіраемся на нашых сяброў. І найперш Расійскую Федэрацыю і Кітай». Расія зараз стала сяброўскай, але ўжо не брацкай краінай? А гэта, хутчэй за ўсё, пасыл Крамлю, што ў дыктатара ёсць яшчэ адна апора - Кітай. Вось такі Лукашэнка хітры. Але як бы там ні было менавіта ягоная палітыка цягне нас беларусаў у Азію і дэспатыю, і адрывае ад Эўропы, дзе галоўнымі каштоўнасьцямі зьяўляюцца правы чалавека і дэмакратыя, дзе галоўнае – гэта чалавек.

Лукашэнка раскрывае выбуханебяспечныя падрабязнасці аб войску Арыгінал артыкула: merkur.de Украінцы папярэджваюць аб магчымым нападзе з боку Беларусі. Аднак мінскі эксперт тлумачыць Merkur.de, наколькі хісткая ўлада Аляксандра Лукашэнкі ў ягоным войску. Мінск/Масква — Польшча няспынна папярэджвае аб нібы існуючай пагрозе з боку Беларусі ў вайне ва Украіне. «Сітуацыя з бяспекай на ўсходзе краіны ўжо даўно нестабільная, і Польшча вымушана супрацьстаяць цэламу спектру пагроз з гэтага напрамку», — заявіў у інтэрв'ю газеце Bild намеснік міністра замежных спраў Аркадыўш Муларчык (Arkadiusz Mularczyk). Беларусь: саюзнік Пуціна не хоча вайны з Украінай, лічыць эксперт Апошнім часам падзеі развіваюцца па нарастаючай: недалёка ад выбухованебяспечнага ў ваенных адносінах Сувалкскага калідора паміж Польшчай, краінамі Балтыі, Беларуссю і расійскім эксклавам Калінінградам упершыню былі заўважаны каля 100 наймітаў «Вагнера». Затым сотні наймітаў «Вагнера» нечакана пакінулі Беларусь пасля таго, як, паводле некаторых звестак, у Беларусь адправіліся людзі Яўгена Прыгожына. Але гэта яшчэ не ўсё: па словах аднаго з менскіх інсайдэраў, не беларускае войска і ўжо тым больш не беларускае грамадства зацікаўлены ў тым, каб увязвацца ў канфлікт з абарончым альянсам NATO ці з Украінай. Пра гэта Merkur.de распавёў IPPEN.MEDIA беларускі апазіцыйны палітык Павел Латушка. Больш за тое, паводле яго інфармацыі, Расія практычна не размяшчае свае войскі ў краіне. Няўжо пагрозы беларускага кіраўніка Аляксандра Лукашэнкі зводзяцца да нуля? Цяпер на авіябазе ў Баранавічах і на базе СПА пад Гроднам у Зябраўцы ствараюцца сумесныя ваенныя навучальныя цэнтры. Але: «Практычна ўсе расейскія вайскоўцы, якія праходзілі навучанне ў Беларусі да вайны, пакінулі яе тэрыторыю», — кажа Латушка. Уладзімір Пуцін пагражае Украіне: Але няўжо беларускае войска не будзе гатовае да вайны? Ці з'яўляецца сцэнар пагрозы Кіеву з боку Беларусі састарэлым? Нават калі маскоўскі асілак Уладзімір Пуцін і яго асяроддзе неаднаразова намякалі на гэта з вясны 2022 года? «Што датычыцца арміі, то тут ёсць розныя меркаванні. Гэта звязана з тым, што армія знаходзіцца пад масіраваным "мазгавым нападам" (з боку мінскага рэжыму - рэд.). Калі казаць пра спецназ, то ён у большасці сваёй гатовы падтрымаць Лукашэнку і, магчыма, нават уступіць у вайну супраць Украіны, — тлумачыць Латушка, — а калі казаць аб рэгулярных узброеных сілах, то яны ў большасці сваёй супраць вайны. А што тычыцца прызыўнікоў, то яны - выхадцы з грамадства з антываенным настроем. Таму Лукашэнка прыняў рашэнне не удзельнічаць у вайне, а даць тэрыторыю Беларусі расейскім войскам для ваеннай агрэсіі супраць Украіны — для ракетных удараў і авіяўдараў». Лукашэнка баіцца, што супраць яго выступіць хаця б частка беларускага войска і гэта можа прывесці да падзення рэжыму. Вайна ва Украіне: Аляксандр Лукашэнка баіцца за свой рэжым у Беларусі, лічыць эксперт Лукашэнка не адважыўся ўвесці войскі праз беларуска-ўкраінскую мяжу, працягвае былы міністр культуры (2009-2012 гг.): «Не таму, што ён любіць Украіну і станоўча ставіцца да ўкраінцаў. А толькі таму, што баіцца, што хаця б частка беларускага войска выступіць супраць яго і гэта можа прывесці да падзення рэжыму". Пра гэта сведчаць дадзеныя двух сацыялагічных апытанняў, праведзеных аналітычнымі цэнтрамі беларускай спецслужбы ў 2022 годзе ў шэрагах войска. Гэтыя дадзеныя маюцца ў нашым распараджэнні. Самая вялікая задача для апазіцыі цяпер - "захаваць настрой у грамадстве". Тут мы вядзем вельмі сур'ёзную і складаную барацьбу. Фактычна вайна за розумы беларусаў», — кажа Латушка і перасцерагае ад «велізарнай прапагандысцкай машыны Расіі» . Паводле слоў былога міністра, яна імкнецца «укараніць у беларускае грамадства расійскі наратыў, перапісаць нашу гісторыю, сказіць нашу культуру і мову». Расійскі ўплыў на Беларусь: эксперт выстаўляе абвінавачанні ў адрас пуцінскага рэжыму ў Маскве. На яго думку, расіяне нібыта зацікаўлены ў тым, каб «беларуская дзяржава і народ перасталі існаваць». Лукашэнка ў гэтай мэты Масквы — не больш чым «марыянетка Крамля», заявіў Латушка ў інтэрв'ю Merkur.de агенцтву IPPEN.MEDIA: «Мы змагаемся за існаванне нашай дзяржавы, за існаванне нашай нацыі, за выбар беларусаў на карысць Еўропы».