Пошук па сайце

Юрыст НАУ Арцём Праскаловіч у эфіры Белсат Беларускія «дыпламаты» пакінулі Кіеў і верагоднасць удзелу Беларусі ў вайне адкрыта значна ўзрасла. Гэта прывядзе да таго, што ўсе санкцыі, якія прымяняюцца да Расіі, будуць сіметрычна прымяняцца і да Беларусі, а статус Лукашэнкі як агрэсара ў вайне супраць Украіны вызначыцца канчаткова. Прызнанне акупацыі Беларусі дасць магчымасць перашкодзіць якому-небудзь юрыдычнаму разбурэнню тэрытарыяльнай цэласнасці краіны. Лукашэнка не зможа падчас гэтага канфлікту, прыкрываючыся «клопатам» аб нацыянальнай бяспецы, заключаць яшчэ нейкія дадатковыя дамовы з Расеяй. Таксама прызнанне Беларусі акупаванай тэрыторыяй дазволіць абараніць беларусаў за мяжой, якія зараз сутыкаюцца з дыскрымінацыяй. Людзі прыйдуць да разумення, што народ Беларусі — не ўдзельнiкi агрэсіі, у адрозненне ад марыянетачнага ўрада Лукашэнкі. Гэта дазволіць сусветнай супольнасці не казаць аб спыненні вядзення агрэсіі з тэрыторыі Беларусі, а патрабаваць вывядзення расейскіх войскаў з акупаванай тэрыторыі.

Намеснік кіраўніка НАУ Уладзімір Астапенка на канале «І Грымнуў Грэм» выказаўся на тэму акупацыі Беларусі У адпаведнасці з міжнародным правам краіна, якая аддала сваю тэрыторыю для ажыццяўлення агрэсіі, з’яўляецца саўдзельнікам і лічыцца агрэсарам. Беларусь аказалася ўцягнутай у вайну, у якой у яе першапачаткова не было ніякіх інтарэсаў. Гэты факт увойдзе ў падручнікі гісторыі як прыклад абсалютна бяздумнай і недальнабачнай палітыкі. Лукашэнка ўжо запісаў сябе ў ваенныя злачынцы незалежна ад таго, увядзе ён наземныя войскі ва Украіну ці не. Па наяўнай у нас інсайдэрскай інфармацыі, баявы дух у беларускіх войсках не такі высокі, як таго хацелі б бачыць у расійскіх штабах. Гэта павышае рызыку таго, што беларускія салдаты могуць здацца ў палон ці перайсці на бок Украіны. Адзінае рацыянальнае тлумачэнне парадаксальнай сітуацыі, у якой апынулася Беларусь — гэта прызнанне факту акупацыі тэрыторыі нашай краіны Расійскай Федэрацыяй. Ва ўмовах поўнага правалу знешняй палітыкі Беларусь уцягнута ў вайну без уліку меркавання народа, без адпаведных прававых рашэнняў, без якіх-небудзь гістарычных, палітычных ці эканамічных перадумоў. У будучыні трэба было б вызначыць выразныя рамкі для інфармацыйна-прапагандысцкай працы, каб выключыць заахвочванне імперыялізму, шавінізму і агрэсіўных планаў па пашырэнні сваёй тэрыторыі. У рамках адзінай стратэгіі ціску на рэжым Лукашэнкі дэмакратычныя сілы набліжаюць той момант, калі ў Беларусі ўсталюецца новая дэмакратычная ўлада, якая будзе адкрытая для ўсіх і зможа па-сапраўднаму абараніць нацыянальныя інтарэсы.

Беларусы працягваюць актыўна змагацца з рэжымам Лукашэнкі: працуюць кіберпартызаны, працуе Кааліцыя пратэстных двароў. Беларусы блакуюць чыгунку, выходзяць на мітынгі і пратэсты. Затрыманых катуюць за тое, што яны выступілі ў падтрымку Украіны і супраць вайны. Нашы добраахвотнікі змагаюцца ва ўкраінскай тэрытарыяльнай абароне, валанцёры дапамагаюць уцекачам. Калі Лукашэнка пойдзе на наземную аперацыю супраць Украіны, мы павінны будзем выходзіць на вуліцы гарадоў. Як бы балюча і цяжка нам не было, украінцам зараз балючай і цяжэй, і мы гэта разумеем. Жорсткія, сістэмныя, маштабныя санкцыі могуць спыніць рэжым Лукашэнкі. Марудлівасць, несістэмнасць прыняцця санкцый прывяла да таго, што Лукашэнка застаўся ва ўладзе. Рэжым самаразбураецца, але толькі барацьба беларусаў і магутныя санкцыі супраць рэжыму разам могуць даць рэзультат.

Прадастаўленне тэрыторыі для нападу — акт агрэсіі. Нелегітымнае кіраўніцтва Беларусі — агрэсары Кіраўнік НАУ Павел Латушка ў эфіры Espreso.TV Складана зблізіць пазіцыі на перамовах паміж украінскім і расійскім бакамі, але гаворка павінна ісці аб часовым перамір'і і прыпыненні агню. Гэта не вырашае праблемы ў глабальнай перспектыве, пакідае рызыку працягу лакальных сутыкненняў і аднаўлення ваенных дзеянняў, але галоўнае, што неабходна дасягнуць цяпер — гэта спыніць абстрэлы гарадоў і спыніць забойства ўкраінцаў. Добра, калі ўдасца дасягнуць істотнага прагрэсу і па іншых пытаннях, але не варта надта давяраць расійскаму боку пры падпісанні падобных дакументаў. Не варта забывацца, што грамадзянін Лукашэнка знаходзіцца ў прамым упраўленні Крамля і выканае любыя даручэнні, якія дасць яму асабіста Пуцін. Цяпер ён збірае дывідэнды з існуючай сітуацыі: ужо ўдалося атрымаць ад Расіі паніжаны кошт нафты для перапрацоўкі на беларускіх прадпрыемствах і цану на газ у $ 120, а таксама «беспрэцэдэнтна» адкрыць для беларускіх тавараў доступ на рынак Расіі і перанесці выплаты даўгавых абавязацельстваў РФ на больш позні тэрмін — усё гэта аплата за адданасць Пуціну. У той жа час Захад чарговы раз робіць памылку, не прымаючы ў дачыненні да беларускага рэжыму максімальна жорсткія санкцыі, аналагічныя прынятым у дачыненні да Расіі, што дазваляе Лукашэнку стварыць у Беларусі афшорную зону і прадаваць тавары, якія немагчыма купіць у Расіі. Лукашэнка захапіў уладу ў 2020 годзе, утрымлівае яе сілай і не з’яўляецца легітымным кіраўніком Беларусі. Ён прадаставіў чыгуначнае і аўтадарожнае забеспячэнне Беларусі для перамяшчэння расійскіх войскаў, перадаў у карыстанне ўсю ваенную інфраструктуру замежным узброеным сілам і дазволіў выкарыстоўваць тэрыторыю Рэспублікі Беларусь для нанясення ўдараў па прыязнай краіне і народу Украіны. Мы заклікаем падзяляць рэжым Лукашэнкі і беларускае грамадства. Па апошніх апытаннях — 97% гарадскога насельніцтва катэгарычна супраць ваеннай агрэсіі ў дачыненні да Украіны, гэтая лічба кардынальна адрозніваецца ад апытанняў, якія праводзяцца цяпер у Расіі. Мы ўжо зрабілі заяву аб тым, што цяпер Рэспубліку Беларусь трэба разглядаць як тэрыторыю, часова акупаваную Расійскай Федэрацыяй. Лукашэнка і яго марыянеткавы ўрад фактычна страцілі кантроль за перамяшчэннем войскаў замежнай дзяржавы на тэрыторыі краіны, але гэта не здымае з іх адказнасці. У адпаведнасці з Рэзалюцыяй Генеральнай Асамблеі ААН: прадастаўленне тэрыторыі для нападу — акт агрэсіі, такім чынам, нелегітымнае кіраўніцтва Беларусі — агрэсары.

Юрыст каманды НАУ Міхаіл Кірылюк у эфіры Маланкі Прызнанне Беларусі акупаванай дазваляе ўскласці адказнасць на таго, хто вінаваты ў існуючай сітуацыі. Гэты цяперашні расейскі ўрад, як акупант, і рэжым Лукашэнкі, як марыянеткавы ўрад, які цалкам ці часткова кантралюецца з боку Крамля. Статус акупаванай тэрыторыі дае магчымасць патрабаваць расійскія войскі пакінуць Беларусь. Адсутнасць гэтага статусу мяняе жыццё многіх грамадзян Беларусі. Беларусы ўжо сутыкнуліся з наступствамі санкцый, павышэннем цэн, дэвальвацыяй, магчымым дэфолтам. Прызнанне акупацыі — гэта яшчэ адзін крок да таго, каб спыніць існаванне рэжыму Лукашэнкі. Доказы акупацыі — факты перамяшчэння расійскіх войскаў, вылеты ваенных самалётаў, запускі ракет. Беларусы на тэрыторыі краіны могуць дапамагчы, збіраючы і дакументуючы доказы.

Рэжым Лукашэнкі працягвае рэагаваць на кампанію НАУ «Ні цэнта на вайну!»: так званы міністр фінансаў стаў адкрыта пагражаць замежнаму бізнэсу рэкетам Нагадаем: у рамках антываеннага руху НАУ вядзе кампанію «Ні цэнта на вайну!». Наша мэта — дасягнуць прыпынення дзейнасці замежнага бізнэсу ў Беларусі нароўні з Расеяй, ліквідацыі «беларускага афшора» і пазбаўлення рэжымаў Пуціна і Лукашэнкі рэсурсаў для працягу вайны з Украінай і акупацыі Беларусі. На бягучы момант мы накіравалі больш за 60 лістоў і дабіліся прыпынення паставак прадукцыі Bosch у Беларусь. А рэжым ужо скардзіцца на нас Крамлю. Учора ж так званы міністр фінансаў Селіверстаў вырашыў пайсці далей і стаў адкрыта пагражаць замежным кампаніям, якія вырашаць спыніць працу ў Беларусі. Сцісла: рэжым Лукашэнкі мае намер займацца рэкетам. Тлумачыць ён гэта «зніжэннем экспарту і валютнай выручкі». Чаму рэжым так баіцца застацца без валюты? Бо яму няма чым аддаваць даўгі, з-за чаго Беларусь ужо знаходзіцца ў сітуацыі непазбежнага дэфолту і калапсу эканомікі. Але Селіверстаў замоўчвае, што прычынамі гэтага з’яўляюцца бяздарная эканамічная палітыка рэжыму, а таксама яго шматлікія злачынствы, якія прывялі да акупацыі Беларусі Расіяй, уцягвання нашай краіны ў вайну з Украінай і нарастаючым санкцыям — як інструмента для прыцягнення рэжыму да адказнасці. Пераходзячы да пагроз і шантажу, рэжым толькі пацвярджае, што пытанне, якое стаіць перад замежнымі кампаніямі — гэта пытанне іх каштоўнасцяў і захавання рэпутацыі. Якая каштуе значна даражэй, чым любыя выгады ад вядзення бізнесу з ваенным агрэсарам. Мы ж адказваем Селіверставу — дзякуй за матывацыю! І працягваем працу. Кожная арганізацыя, якая ставіць сваімі мэтамі супрацьдзеянне рэжымам Пуціна і Лукашэнкі, спыненне вайны з Украінай і акупацыі Беларусі можа падтрымаць нашу кампанію: Узор ліста Кантакты кампаній Ні цэнта на вайну! Ні цэнта на акупацыю!

Еўрапарламент забараніў допуск беларускіх дыпламатаў і дзяржаўных чыноўнікаў у сваю штаб-кватэру Народнае антыкрызіснае ўпраўленне працягвае працу, накіраваную на абмежаванне любых міжнародных кантактаў афіцыйных прадстаўнікоў рэжыму Лукашэнкі, за саўдзел у агрэсіі супраць прыязнага народа Украіны і бесперапынных масавых парушэнняў правоў чалавека ў Беларусі. Пасля забароны наведвання штаб-кватэры Рады Еўропы і пазбаўлення акрэдытацыі прадстаўніка рэжыму (супрацоўніка амбасады Беларусі ў Францыі), аналагічнае рашэнне прынятае Еўрапарламентам. Гэта чарговы «падарунак» ад НАУ Уладзіміру Макею. НАУ дзякуе сябрам Беларусі — еўрапарламентарыям, якія падтрымалі ініцыятыву аб блакіраванні магчымасці наведвання Еўрапарламента прадстаўнікамі рэжыму Лукашэнкі. Усюды, дзе вы, спадар Макей, ці вашыя прадстаўнікі плануеце з'яўляцца, намі будзе зроблена ўсё, каб абмежаваць вашыя магчымасці ўзаемадзеяння з цывілізаваным светам. Рэжым Лукашэнкі мусіць спыніць сваё існаванне ў Беларусі. Падавайце ў адстаўку, спадар Макей.

Намеснік кіраўніка НАУ Уладзімір Астапенка ў эфіры Белсат Беларусь — адзіная краіна нашага кантынента, якая так і не стала членам Савета Еўропы і не прыняла распрацаваныя перадавыя стандарты абароны правоў чалавека. Рашэнне па Беларусі ў межах сінхранізацыі санкцый за агрэсію супраць Украіны было чаканым. Беларусь аказалася ў вельмі цяжкім эканамічным, палітычным і сацыяльным крызісе, справакаваным падзеямі ў краіне пасля выбараў 2020 года. Усе нормы міжнароднага права гавораць аб тым, што Беларусь стала саўдзельнікам агрэсіі. У краіне ўсё робіцца выключна па волі аднаго чалавека і меркаванне народа ніхто не пытаецца. Гэта акупацыя ва ўмовах марыянетачнага ўрада, які здзяйсняе ваенныя злачынства. Лукашэнка і ягоныя саўдзельнікі таксама павінны паўстаць перад міжнародным крымінальным судом у Гаазе. Мы адкрытыя для больш актыўнага і глыбокага ўзаемадзеяння з расейскімі апазіцыйнымі сіламі. У мінулым у нас не было агульнага парадку для гэтага. Саўдзел у агрэсіі двух нашых рэжымаў стварае перадумовы, каб дэмакратычныя сілы двух бакоў аб’ядноўваліся.

Лукашэнка распісаўся ў тым, што ён гатовы канчаткова знішчыць эканоміку краіны. Зваротны адлік да дэфолту і калапсу эканомікі пайшоў Што здарылася? Лукашэнка дазволіў так званую «ураду» разлічвацца па знешніх даўгах у беларускіх рублях і «люстэркаваў» аналагічную пастанову Пуціна. Што гэта значыць? Сцісла: ён аб’явіў аб непазбежнасці траплення Беларусі ў сітуацыю тэхнічнага, а потым ужо і фактычнага дэфолту — канстатацыі факту, што Беларусь не можа плаціць па даўгах. Да чаго гэта прывядзе? 1) Першая ж выплата па знешнім дзярждоўгу ў беларускiх рублях — гэта грубае парушэнне даўгавых абавязацельстваў, што адразу ставіць краіну ў сітуацыю тэхнічнага дэфолту. З гэтага моманту ў так званага «урада» будзе ўсяго 30 дзён на належнае выкананне даўгавых абавязацельстваў — у валюце. 2) Калі абавязацельствы не будуць выкананы — наступіць фактычны дэфолт. А разам з ім права ўсіх крэдытораў патрабаваць у Лукашэнкі вярнуць ім усе даўгі адразу. Калі не лічыць унутраны доўг, а толькі знешні — то гэта амаль $ 18 млрд. 3) Калі патрабаванне не будзе выканана — пачнецца працэс арышту маёмасці Беларусі за мяжой. Таксама наступіць канчатковая страта магчымасці прыцягнення знешніх пазык. «Выкруціцца» з гэтай сітуацыі не дапамогуць і ЗВР, якіх нават па офiцыяльным дадзеным у Беларусі ўсяго $ 8,3 млрд. Для краіны, цалкам залежнай ад прыцягнення знешняга фінансавання — гэта будзе азначаць імклівы і поўны крах эканомікі: маштабны крызіс, інфляцыю і дэвальвацыю рубля, перавод валютных укладаў у рублёвыя, поўнае замарожванне ўсіх рахункаў і ўкладаў, шалёны рост коштаў, скарачэнне бюджэтных паступленняў, адмова ад сацпадтрымкі. І згоду на ўсё гэта даў Лукашэнка. Са свайго боку, НАУ робіць усё, каб пазбавіць рэжым любых даступных яму рэсурсаў, у тым ліку — у рамках кампаніі «Ні цэнта на вайну!» і ініцыяванай намі кампаніі аб прызнанні акупацыі Беларусі Расіяй. Але чым хутчэй і больш рашуча будуць дзейнічаць самі беларусы — тым хутчэй скончыцца акупацыя, беззаконне і галеча, у якія прывёў нашу краіну рэжым Лукашэнкі.

Кіраўнік НАУ Павел Латушка працягвае сустрэчы з прадстаўнікамі замежнага дыпламатычнага корпуса і дэпутатамі парламентаў Еўропы 17 сакавіка адбылася сустрэча з паслом Літвы ў Польшчы Эдуардасам Барысавасам і дэпутатам Бундэстага Франкам Мюлерам-Разентрытам. У ходзе гэтых сустрэч была перададзена заява НАУ па факце акупацыі Рэспублікі Беларусь Расійскай Федэрацыяй, а таксама страты нелегітымным урадам Лукашэнкі кантролю над тэрыторыяй краіны і ўцягваннем Беларусі ў вайну з Украінай. Падкрэслена важнасць сумесных дзеянняў усіх дэмакратычных краін у аднаўленні незалежнасці Беларусі, правядзенні дэмакратычных зменаў у нашай краіне. Асобная ўвага надавалася пытанням адказнасці рэжыму за агрэсію ў адносінах да Украіны і прымяненні інструментаў міжнародна-крымінальнай адказнасці, а таксама эканамічнага прымусу для спынення выкарыстання тэрыторыі Беларусі ўзброенымі сіламі Расіі для ракетных і авіяцыйных удараў па Украіне.

Павел Латушка ў эфіры Белсат Што яшчэ павінен зрабіць Лукашэнка, каб санкцыі ЕС і ЗША былі запушчаны на ўсю моц? Ці праходзяць санкцыі ў дачыненні да Лукашэнкі па датычнай? Захад здзяйсняе палітычную халатнасць у адносінах да беларускага і ўкраінскага народаў. Еўрапейцы рэагуюць толькі тады, калі гэта закранае іх інтарэсы. Пакуль з тэрыторыі Беларусі ляцяць ракеты, якія забіваюць мірных грамадзян Украіны, неабходна прыпыніць дзейнасць заходніх кампаній у нашай краіне, каб рэжым не атрымліваў ні цэнта за вайну з брацкай Украінай.

Прымаючы пад увагу ўдзел Беларусі ў агрэсіі супраць Украіны, Парламенцкай Асамблеяй Рады Еўропы прынятае рашэнне, у адпаведнасці з якім Бюро ПАРЕ павінна прыпыніць адносіны паміж Асамблеяй і ўладамі Беларусі па ўсіх кірунках. Дадзенае рашэнне прынятае Парламенцкай Асамблеяй Рады Еўропы 15 сакавіка 2022 г. Ізаляцыя Беларусі і рэжыму Лукашэнкі будзе пашырацца ў сувязі з грубым парушэннем нормаў міжнароднага права.