Пошук па сайце

Юрыст Народнага антыкрызіснага ўпраўлення Арцём Праскаловіч у эфіры Маланкі Цяпер, да ўвядзення ваеннага становішча, да прыняцця нейкіх рашэнняў і загадаў з боку Лукашэнкі ці падначаленых яму генералаў, самым аптымальным варыянтам для беларускіх вайскоўцаў з’яўляецца ўсялякае пазбяганне магчымасці быць задзейнічаным у акце агрэсіі з боку Беларусі ў дачыненні да Украіны. Самае простае — атрымаць траўму, захварэць. Чым раней чалавек адмовіцца ад удзелу незаконных для ўсяго свету агрэсіўных дзеяннях, тым меншы тэрмін ён можа атрымаць ужо ва ўмовах нават рэжыму Лукашэнкі. У Расіі ёсць прыватныя ваенныя кампаніі, у якіх могуць служыць і грамадзяне Беларусі. Таму можна выказаць здагадку, што частка беларусаў прымаюць удзел у ваенным канфлікце не на баку ўкраінскага народа, а на баку Расеі. Варта разумець, што калі беларус удзельнічае ў ваенным канфлікце за грошы, у адносінах да яго рушыць услед іншая адказнасць, больш сур’ёзная. Гэта трактуецца як найміцтва. Такое не дапушчальна. Гэта злачынства, якое караецца ў большасці краін свету, яно мае характар універсальнай юрысдыкцыі.

Ва Украіне шосты дзень ідзе вайна. Простыя людзі з Карукоўкі з голымі рукамі выходзяць насустрач танкавай калоне і спыняюць яе. Вы пытаецеся — а што будзе з тымі, хто паспрабуе спыніць ваенныя эшалоны ў Беларусі, каб не ўпусціць іх ва Украіну? Я ня ведаю, што будзе. Але я ведаю, што калі гэтага не рабіць — то вайна з Украінай будзе працягвацца з тэрыторыі нашай краіны. Нехта скажа — але гэта не наша вайна і не мы яе пачалі. Я адкажу — гэта наша краіна. Гэта праз нашу краіну едуць эшалоны. І магчыма ў гэтых эшалонах едуць ужо нашы салдаты. Актыўны супраціў — гэта тое, да чаго мы аказаліся не гатовыя ў 2020 годзе. Сёння, у 2022-ым, Беларусь трапіла пад акупацыю і аказалася ўцягнутая ў вайну. Ці гатовы мы зараз супраціўляцца актыўна? Ці чакаеце вы закліку да актыўных дзеянняў? Але ж і без усялякіх заклікаў зразумела — трэба дзейнічаць. Прама зараз ініцыятыва BYPOL запрашае ўсіх беларусаў, гатовых да актыўных дзеянняў — атрымаць інструкцыі праз свой тэлеграм-бот@OSB_By_Pol. Вы жывяце ў прымежных з Украінай населеных пунктах? Выходзьце да мяжы, як сёння гэта робяць жыхары прымежнага ўкраінскага сяла Дабранка. Вы ведаеце — ранейшае стаўленне сусветнай супольнасці да беларусаў пачынае мяняцца. Нас пачынаюць адкрыта называць агрэсарамі. Банкаўскія карткі беларусаў перастаюць працаваць за мяжой, нароўні з карткамі расіян. Усяго за некалькі дзён рэпутацыі Беларусі і беларусаў быў нанесены сур'ёзны ўрон. Раней мы былі героямі, а хто мы зараз? Маўклівыя згоднікі? Мы можам сказаць, што мы не вінаватыя ў гэтай вайне. І гэта праўда. Мы супраць вайны. Але сёння гэтыя словы заглушае бясконцая стральба і выбухі снарадаў ва ўкраінскіх гарадах. А значыць — мы павінны не толькі казаць, але і дзейнічаць. Аб'ядноўвайцеся. Супраціўляйцеся. Дзейнічайце. Жыве Беларусь!

Я пачну са слоў — «Вялікі дзякуй!» Учора тысячы смелых грамадзянаў нашай краіны, тысячы сапраўдных беларусаў выйшлі выказаць пратэст супраць злачыннай вайны з Украінай. Вы — героі. Вы — прыклад для мільёнаў і надзея на свабодную Беларусь — ад дыктатуры, вайны і акупацыі. Вы абаранялі гонар і рэпутацыю Беларусі перад брацкай Украінай. Дзякуй вам за гэта! Мы зноў убачылі адзін аднаго і адчулі сваю сілу. Нас запалохвалі паўтара гады - але мы паказалі, што грамадзянскую супольнасць у Беларусі знішчыць немагчыма. Мы даказалі, што мы здольныя пераступіць праз страх. Гэта важны крок. І мы не павінны спыняцца. Мы ідзем далей! Сёння а 18:00 кожны сапраўдны беларус і беларуска зноў выйдуць на вуліцы сваіх гарадоў і пасёлкаў. На гэты раз нашы пункты збору — прывакзальныя плошчы. Нашая мінімальная задача — прыйсці на мітынг супраць вайны. Наша максімальная задача — блакіроўка чыгуначных шляхоў. Беларуская чыгунка знаходзіцца ў распараджэнні чужых войскі іх злачыннага памагатага Лукашэнку. Прыйшоў час успомніць наша партызанскае мінулае. Учора сумеснымі намаганнямі смелых Кіберпартызан і ўдзельнікаў плана «Перамога» удалося паралізаваць рух на некалькіх участках дарогі. Нам важна спыніць рух ваенных эшалонаў — усюды, дзе гэта магчыма. Вы ўсё чытаеце навіны. Вы бачыце паведамленні аб прывядзенні часцей у поўную баявую гатоўнасць для прамога ўварвання беларускіх салдат ва Украіну. Беларусы! Ці зможам мы дапусціць, каб наша войска пайшла на вайну з Украінай і каб на ёй гінулі нашы салдаты? Ці зможам дазволіць запэцкаць крывёю гонар нашай краіны — наш з вамі гонар? НЕ! Ніколі! І таму сёння а 18:00 важна зноў выйсці на вуліцы. Мы збяромся на прывакзальных плошчах і станцыях. І не дазволім ваенным эшалонам прайсці ва Украіну з нашай зямлі. Супраціўляйцеся! Дзейнічайце! Змагайцеся! Пашыраны спіс дзеянняў Жыве Беларусь!

Нелегітымны рэжым у Беларусі на чале з узурпатарам улады Лукашэнкам зрабіў нашу краіну пасобнікам агрэсіі супраць брацкага украінскага народа. У чарговы раз былі груба парушаны як нормы беларускага заканадаўства, так і міжнародна-прававыя абавязацельствы нашай дзяржавы, у прыватнасці, палажэнні Дагавора аб дружбе паміж Беларуссю і Украінай 1995 года, дзе сцвярджаецца, што «кожная старана абавязваецца ўстрымлівацца ад удзелу альбо падтрымкі любых дзеянняў, накіраваных супраць другой стараны, і не дапускаць, каб яе тэрыторыя была выкарыстана на шкоду інтарэсам бяспекі другой стараны». Ад імя беларускага народа і Пераходнага кабінету, які ствараецца на падставе волевыяўлення беларусаў па выніках прэзідэнцкіх выбараў 2020 года, заяўляем, што мы лічым агрэсію супраць Украіны міжнародным злачынствам з боку рэжымаў Расеі і Беларусі, выказваем сваю шчырую салідарнасць з барацьбой украінскага народа і гатоўнасць выкарыстоўваць усе механізмы для аднаўлення міру як у рэгіянальным, так і ў глабальным маштабе. Пераходны кабінет як нацыянальны орган улады Рэспублікі Беларусь зыходзіць з таго, што Беларусь і Украіна з’яўляюцца дружалюбнымі і братэрскімі краінамі, якія не маюць гістарычных прыкладаў ваенных канфліктаў паміж сабой. Азначанае прызнаецца непарушным прынцыпам для далейшай пабудовы адносін паміж Рэспублікай Беларусь і Украінай на падставе безумоўнага выканання абавязацельств, а таксама агульнапрызнаных прынцыпаў міжнароднага права, у тым ліку павагі да суверэнітэту і непарушальнасці граніц, якія замацаваны ў дзеючых двухбаковых дагаворах паміж нашымі краінамі.

Ці можам мы дазволіць сабе маўчаць, калі побач з нашымі роднымі мясцінамі ўзлятаюць ракеты, якія нясуць смерць на ўкраінскую зямлю? Ці можам мы дазволіць сабе маўчаць, калі па нашых дарогах расейскае войска едзе забіваць украінцаў? Расея напала на Украіну. Па віне Лукашэнкі, на вачах усяго свету, агрэсія супраць брацкага народа адбываецца і з тэрыторыі нашай краіны. Таму кожны грамадзянін Беларусі павінен зразумець сваю адказнасць і паверыць у сваю значнасць у гэтым моманце. Каб сказаць гучнае «не» вайне так, каб нас пачулі і ўспрынялі ўсур'ёз, мы 27 лютага ў 14:00 сустрэнемся каля выбарчых участкаў, каб паказаць, што мы супраць вайны і размяшчэння расійскіх войскаў на нашай зямлі. Найважнейшая задача да гэтага часу — распаўсюдзіць інфармацыю аб плане дзеянняў. Каб пратэст супраць вайны стаў паспяховым, трэба перамагчы вайну ў інфармацыйнай прасторы.

Беззаконне дасягнула вышэйшай кропкі. Лукашэнка ўцягнуў Беларусь у вайну Расіі супраць Украіны. Нашу краіну ператварылі ў плацдарм для ўварвання на тэрыторыю суверэннай дзяржавы. Калі вы супраць удзелу Беларусі ў ваеннай агрэсіі і знаходжанні войскаў Расіі на нашай тэрыторыі, прыходзьце 27 лютага да выбарчых участкаў і выкажаце пратэст. Мы сустрэнемся а 14:00 побач з выбарчымі ўчасткамі. Мы вырашаем лёс краіны, і гэта ўжо не пытанне «рэферэндуму». Не важна, ці збіраліся вы галасаваць, ставіць два крыжы ці ігнараваць рэферэндум, — цяпер мы павінны салідарна выказаць пратэст супраць вайны і саўдзелу Беларусі ў чужой агрэсіі. Каб не падвяргаць сябе лішняй небяспецы, выкарыстоўвайце чэргі і наведванне ўчастку як падставу знаходзіцца на вуліцы. Калі вам выдалі бюлетэнь — стаўце два крыжы і апускайце яго ў скрыню. Калі гэта будзе магчыма, пацвердзіце сваё дзеянне на платформе «Голас» (праз тэлеграм або вайбер) — з фота бюлетэня з двух бакоў або без яго. Што можна рабіць ужо зараз: абараніце блізкіх і знаёмых ад дэзінфармацыі: раскажыце, што Беларусь стала саўдзельнікам нападу Расіі на Украіну; пагаварыце са сваякамі вайскоўцамі: пераканайцеся, што яны не саўдзельнічаюць у агрэсіі супраць суседзяў; у даступнай форме заявіце, што вы супраць вайны і ўдзелу вашай краіны ў агрэсіі. Гэтая пазіцыя падтрымана ўсімі структурамі і грамадзянскімі ініцыятывамі, якія ўваходзяць у Аператыўны штаб дэмакратычных сіл Беларусі.

«Рабіць усё магчымае, каб спыніць гэтую вайну і абараніць незалежнасць» Сёння тэрыторыя Беларусі была выкарыстана Расіяй для ваеннай агрэсіі ў адносінах да Украіны. Гэта значыць, што зноў была парушана Канстытуцыя краіны. Лукашэнка падвяргае пагрозе жыццю нашых грамадзян, таму мы павінны дзейнічаць і не аддаваць будучыню нашай краіны ў чужыя рукі. Святлана Ціханоўская заявіла, што бярэ на сябе адказнасць за абарону незалежнасці і нацыянальных інтарэсаў Рэспублікі Беларусь і фарміруе пераходны кабінет як нацыянальны орган улады. Аператыўны штаб дэмакратычных сілаў падтрымлівае яе рашэнне як Нацыянальнага лідэра, прадстаўніка беларускага народа, абранага большасцю на выбарах 2020 года. У сувязі з гэтым мы заклікаем усіх грамадзян нашай краіны падзяліць гэтую адказнасць і рабіць усё магчымае, каб спыніць гэтую вайну і абараніць незалежнасць Рэспублікі Беларусь. Ілжывы рэжым Лукашэнка спрабуе выдаць вайну за мір, спрабуе правесці незаконны «рэферэндум» і змяніць Асноўны Закон краіны, які быў не раз парушаны. Правядзенне «рэферэндуму» ва ўмовах вайны недапушчальна. Але мы разглядаем 27 лютага, асноўны дзень галасавання, як магчымасць выказаць свой пратэст супраць рэжыму, які ўцягнуў Беларусь у ваенны канфлікт. Вельмі важна, каб кожны і кожная з нас змаглі данесці да калег, сяброў і блізкіх жахлівую сутнасць таго, што адбываецца. Выяўляйце салідарнасць, дапамагайце адзін аднаму і разам абмяркоўвайце, якія крокі мы можам зрабіць для абароны нашых сем'яў, для абароны незалежнасці Беларусі, каб лепш падрыхтавацца да сцэнароў, якія яшчэ ўчора падаваліся немагчымымі. Поўны тэкст звароту па спасылцы ⇲

Зварот Паўла Латушкі аб падтрымцы рашэння Святланы Ціханоўскай аб фарміраванні пераходнага кабінета — органа нацыянальнай улады У сувязі з ваеннай агрэсіяй Расеі супраць Украіны і ўцягвання акупаванай тэрыторыі Беларусі ў вайну, Народнае антыкрызіснае ўпраўленне падтрымлівае рашэнне Святланы Ціханоўскай аб прыняцці паўнамоцтваў, прадстаўленых ёй беларускім народам у выніку прэзідэнцкіх выбараў у 2020 годзе па адстойванні незалежнасці і нацыянальных інтарэсаў Рэспублікі Беларусь. Падтрымліваем рашэнне аб тым, што Святлана Ціханоўская мае выключнае права прадстаўляць інтарэсы беларускага народа. Я, Павел Латушка, і каманда НАУ падтрымліваюць рашэнне Святланы Ціханоўскай аб фарміраванні пераходнага кабінета, як органа нацыянальнай улады Рэспублікі Беларусь. Суграмадзяне, беларусы, я звяртаюся да вас, аказваць пасільны супраціў акупацыйнай улады. Заклікаю вайскоўцаў Рэспублікі Беларусь захаваць вернасць прысязе беларускаму народу, не ўдзельнічаць у ваеннай агрэсіі супраць братняга ўкраінскага народа і пры магчымасці пераходзіць на бок Узброеных Сіл Украіны. Памятайце, што загады Лукашэнкі не маюць юрыдычнай сілы і з’яўляюцца злачыннымі. З прычыны апошніх падзей Лукашэнка і ўвесь кіраўнічы і ваенна-бюракратычны апарат можна лічыць не толькі палітычнымі, але і ваеннымі злачынцамі. Заклікаю ўсе нацыянальныя дэмакратычныя сілы Рэспублікі Беларусь падтрымаць гэтае рашэнне і выступіць адзіным фронтам у абарону суверэнітэту і незалежнасці Рэспублікі Беларусь. Заклікаю стварыць нацыянальна-вызваленчы рух нашай краіны. Жыве Беларусь!

Народнае антыкрызіснае ўпраўленне Беларусі рашуча асуджае акт ваеннай агрэсіі Расійскай Федэрацыі ў адносінах да Украіны. Мы салідарныя з украінскім народам і падтрымліваем яго ў гэты цяжкі гістарычны момант. Украіна змагаецца зараз не толькі за сваю тэрытарыяльную цэласнасць, але змагаецца за свабоду для ўсёй Еўропы. Беларускі народ ніколі не ваяваў з украінскім народам і сёньня беларусы таксама супраць вайны. Толькі дыктатар Лукашэнка стаў саўдзельнікам Пуціна, падаўшы тэрыторыю Беларусі для размяшчэння войскаў агрэсара. Рэжым Лукашэнкі і асабіста дыктатар таксама нясе ўсю паўнату адказнасці за ваенную агрэсію ў адносінах да Украіны. Вінаватыя павінны быць прыцягнуты да міжнародна-прававой адказнасці за дзеянні, якія груба парушаюць міжнароднае права. Мы заклікаем усіх беларусаў падтрымаць Украіну! Беларусы, суграмадзяне! Ваенная хунта, якую ўзначальвае дыктатар Аляксандр Лукашэнка, стварае пагрозу нашай дзяржаўнасці і суверэнітэту. У гэты гістарычны момант беларускі народ павінен зрабіць цывілізацыйны выбар — ці хочам мы жыць у суверэннай краіне, дзе выконваюцца правы і свабоды чалавека, у дзяржаве, якая вызначае сваю знешнюю і ўнутраную палітыку самастойна, або стаць сатэлітам Расійскай Федэрацыі. Абараніць незалежнасць Беларусі можа толькі беларускі народ! Слава Украіне! Жыве Беларусь! 24 лютага 2022

Каманда Народнага Антыкрызіснага Упраўлення і валанцёры правялі кансультацыі з прадстаўнікамі польскай улады па пытаннях гарантавання бяспекі беларусаў, якія знаходзяцца на тэрыторыі Украіны. Кожны беларус, які зараз знаходзіцца ва Украіне, у мэтах забеспячэння сваёй бяспекі можа прыбыць на любы памежны пераход Украіны-Польшчы і запытаць проста на мяжы прадастаўлення міжнароднай абароны з боку Польшчы. Указанае будзе з'яўляцца дастатковай падставай для выбыцця з тэрыторыі Украіны і далейшага пераходу мяжы Украіна-Польшча. Будзе арганізавана работа валанцёраў на граніцы Украіна-Польшча для аказання садзейнічання беларусам у працэсе запыту міжнароднай абароны і перасячэння граніцы.

Беларусі з Злучанымі Штатамі На фоне трывожных падзей апошніх дзён, практычна незаўважанай прайшла навіна аб пашырэнні санкцый ЕЗ супраць беларускіх банкаў. Асобнай увагі заслугоўвае з’яўленне ў санкцыйным спісе ЕЗ Банка Развіцця. Чаму гэта важна? Мы ўжо паведамлялі, што ў 2022 годзе Банк развіцця мае намер выпусціць аблігацыі на рэкордную суму ў 1 мільярд даляраў. Пры гэтым мы адзначалі, што Банк развіцця разам з Мінфінам знаходзяцца пад санкцыямі ЗША супраць суверэннай доўгу, што робіць аблігацыі Банка развіцця «смеццевым актывам», а любога іх пакупніка — мішэнню для другасных санкцый. Рашэнне Еўрасаюза аб пашырэнні санкцый і ўключэнні ў спіс Банка развіцця — гэта важны крок да сінхранізацыі санкцый ЕС і ЗША. І новы сігнал патэнцыйным пакупнікам: любыя здзелкі з аблігацыямі Лукашэнка — гэта зона павышанага рызыкі. Значыць Банк развіцця адменіць выпуск сваіх смеццевых аблігацый? Ва ўмовах санкцый такі выпуск сапраўды страціў ўсялякі сэнс для прыцягнення знешняга фінансавання. Для ператварэння гэтай макулатуры ў жывыя грошы ў рэжыму засталося толькі 2 варыянты: Спроба выхаду з імі на Маскоўскую біржу. Аднак мы ўжо папярэдзілі Расею аб наступствах выдзялення рэжыму Лукашэнкі любых пазык — у гэтым выпадку мы будзем дамагацца прымянення да крэдытораў і інвестараў другасных санкцый ЗША. А ва ўмовах расейскай агрэсіі дадзеная перспектыва больш чым верагодная. Прымусовы продаж аблігацый беларускім камерцыйным банкам. У гэтым выпадку на куплю аблігацый пойдуць грошы, якія ляжаць на нашых банкаўскіх рахунках і ўкладах. Гэта і ёсць «вялікае рабаванне беларусаў», аб якім неаднаразова папярэджвалі раней. Улічваючы падзеі апошніх дзён такое рабаванне можа здарыцца ў любы момант. Што рабіць, каб не страціць свае грошы? Пастаянна здымаць усе грошы з карткі і зачыніць усе свае ўклады, калі яны ў вас ёсць. І пастарацца купіць столькі валюты, колькі дазваляюць вашы магчымасці. Прыйшоў час ратаваць свае грошы.

Народнае антыкрызіснае ўпраўленне Беларусі лічыць, што рашэнне Расіі аб прызнанні незалежнасці так званых ДНР і ЛНР з’яўляецца грубым парушэннем агульнапрызнаных прынцыпаў і нормаў міжнароднага права. Яно разбурае правапарадак, усталяваны на падставе нормаў Статута ААН і палажэнняў Хельсінскага заключнага акту 1975 года. Краевугольным каменем еўрапейскай сістэмы бяспекі з’яўляецца прынцып непарушнасці межаў, які быў выпакутаваны па выніках кровапралітных войнаў на нашым кантыненце. Дзеянні Крамля, накіраваныя на падрыў гэтага асноватворнага прынцыпу, ставяць пад пагрозу тэрытарыяльную цэласнасць усіх дзяржаў, якія ўзніклі на постсавецкай прасторы. Мы заклікаем дэмакратычныя краіны распачаць рашучыя меры, накіраваныя на абарону суверэнітэту і незалежнасьці постсавецкіх дзяржаў. З улікам размяшчэння расейскіх войскаў на тэрыторыі Беларусі, нелегітымных інстытутаў улады ў нашай краіне мы разглядаем гэтую пастанову Расеі як дзеянні, якія могуць прывесці да страты суверэнітэту і незалежнасці Беларусі. Мы звяртаемся да беларускага народа — толькі беларусы маюць права вырашаць лёс сваёй краіны, толькі беларускі народ зможа забяспечыць незалежнасць нашай дзяржавы. Лёс Беларусі ў нашых руках! 21 лютага 2022 года